ଫିଲିପିୟ 1:16 - ମୁଣ୍ଡା ନାୱା ନିୟାମ୍

¹⁶ ଚିମିନାଙ୍ଗ୍ କୋ ନେୟା ସାରିକେତେ ଚି ଇଙ୍ଗ୍ ସୁସାମାଚାର୍ ରାଃ ବାଞ୍ଚାଅ ଲାଗିନ୍ତେ ବାଇକାନାଇଙ୍ଗ୍, ଇନ୍‍କୁ ଦୁଲାଡ଼୍ ତେ ପାର୍ଚାର୍ ତାନାକୋ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁶ ଇନ୍‌କୁ ଦୁଲାଡ଼୍‌ତାନ୍‌ ହରାତେ ବାଚାନ୍‌ ଉଦୁବ୍‌ତାନାକ । ପାର୍‌ମେଶ୍ୱାର୍‌ ଆଇଙ୍ଗ୍‌କେ ସୁକୁକାଜି ବାଞ୍ଚାଅରାଃ କାମି ଏମାକାଦିୟାଁ, ଏନା ସାରିତାନାକ ।

ଫିଲିପିୟ 1:16 Iomraidhean Croise

୧ କରିନ୍ଥିୟ 9:17

ଚିୟାଃଚି ଆଗାର୍ ଇଙ୍ଗ୍ ଇଙ୍ଗ୍ଆଃ ସାନାଙ୍ଗେତେ ନେୟା ରିକାତାନିଙ୍ଗ୍ ଏଣ୍ଡେ ନାଲା ଦୋ ନାମୋଃ ତାନା, ହାର୍ ଆଗାର୍ ଇଙ୍ଗ୍ଆଃ ସାନାଙ୍ଗ୍ ତେ କାଇଙ୍ଗ୍ ରିକାତାନା ଏଣ୍ଡେରେହ ସେୱାକାମି ପାର୍ମେଶ୍ଵାର୍ ପାଡ଼େତେ ଇଙ୍ଗ୍‍କେ ଏମାକାନା।

୨ କରିନ୍ଥିୟ 2:17

ଚିୟାଃଚି ଆଲେ ଇନ୍‍କୁୱାଃ ଲେକା ନାହାଲାଲେ, ଅକନ୍‍କୋ ପାର୍ମେଶ୍ଵାର୍ ରାଃ ବାଚାନ୍ କେ ମେଶା ସାନାଅ ୟାକୋ; ମେନ୍ଦୋ ସୋଜ୍ ମୋନ୍ ତେ, ହାର୍ ପାର୍ମେଶ୍ଵାର୍ ପାଡ଼େତେ ପାର୍ମେଶ୍ଵାର୍ ଆବୁକେ ନେଲ୍ ତାନାଏ ମେନ୍ତେ ମାସୀହ୍ ରେ କାଜିୟାଲେ।

ଫିଲିପିୟ 1:10

ନେତାଃ ସାନ୍ତେ ଚି ଆପେ ବେଶ୍ ତେ ବେଶ୍ କାଜିକୋକେ ସୁକୁଅଃପେ, ହାର୍ ମାସୀହ୍ ରାଃ ହୁଲାଙ୍ଗ୍ ସାନ୍ତେ ଫାର୍ଚିକାନ୍ ବାଇତାଇନ୍ ପେ, ଆଡୋଃ ଆଲୋପେ ଦୋଷୀୟୋଃୱା।

ଫିଲିପିୟ 1:12

ହେ ହାଗାକୋ, ଇଙ୍ଗ୍ ସାନାଙ୍ଗ୍ ତାନାଇଙ୍ଗ୍ ଚି ଆପେ ନେୟା ସାରିକେପେ ଚି ଇଙ୍ଗ୍ଆଃ ରେ ଅକନାଃ ବିତାଅ କାନା, ଏନାତେ ସୁସାମାଚାର୍ ଗି ହାରା ଇଦିଜାନା।

ଫିଲିପିୟ 1:5

ଏନାମେନ୍ତେ ଚି ଆପେ ସିଦା ହୁଲାଙ୍ଗ୍ ଏତେ ଇଦିକେତେ ଇସିଙ୍ଗ୍ ସାନ୍ ୟୀଶୁ ମାସୀହ୍ ରାଃ ସୁସାମାଚାର୍ କେ ପାସ୍ରାଅ ରେ ଇଙ୍ଗ୍ଆଃ ଲୋଃ ମିଃତେ ତାଇକେନାପେ।

ଫିଲିପିୟ 1:7

ଠାଉକା ତାନାଃ ଚି ଇଙ୍ଗ୍ ଆପେ ସବେନ୍ କୋ ଲାଗିନ୍ ନେଲେକାଗି ପାହୋମେ ୟାଇଙ୍ଗ୍, ଚିୟାଃଚି ଆପେକେ ଇଙ୍ଗ୍ଆଃ ମୋନ୍ ରେ ଦୋହୋ କାଃପେୟାଇଙ୍ଗ୍, ଆଡୋଃ ଇଙ୍ଗ୍ଆଃ ଥୋନୋଲ୍ ତାଇନ୍ ଇମ୍ତା ହାର୍ ସୁସାମାଚାର୍ ରାଃ ବାଞ୍ଚାଅ ଆଡୋଃ ପ୍ରାମାଣ୍ ଏମେ ରେ ଆପେ ସବେନ୍ କୋ ଇଙ୍ଗ୍ଆଃ ଲୋଃ ଆନୁଗ୍ରାହ୍ ରେ ମିଃତେ ମେନାପେୟା।

ଫିଲିପିୟ 2:22

ତିମୁଥିୟୁସ୍ କେ ଆପେ ଦୋପେ ସାରିତାନା ହାର୍ ସାରିକାଇଜାପେ ଚି ଜେଲେକା ହୋନ୍ ଆପୁ ଲୋଃ ରିକାୟାଏ, ଏନ୍‍ଲେକାଗି ଇନିଃ ସୁସାମାଚାର୍ କେ ଫାଏଲାଓ କାମି ରେ ଇଙ୍ଗ୍ଆଃ ଲୋଃ କାମି କାଦାଏ।

ଫିଲିପିୟ 4:15

ହେ ଫିଲିପ୍ପି ରେନ୍ କୋ, ଆପେ-ଆପେଗୀପେ ସାରିତାନା ଚି ସୁସାମାଚାର୍ ପାର୍ଚାର୍ ରାଃ ଏନେଟେଃ ରେ, ଚିମ୍ତା ଇଙ୍ଗ୍ ମାକିଦୁନିୟା ରାଇଜ୍ ଏତେ ବିଦା ହୋବାନାଇଙ୍ଗ୍, ଇମ୍ତା ଆପେକେ ବାଗିକେତେ ଆଡୋଃ ଜେତାନ୍ କାଲିସିୟା ରେନ୍ କୋ ଏହେମ୍ ହାର୍ ଇଦି ବିଷାୟ୍ ରେ ଇଙ୍ଗ୍ଆଃ ଦେଙ୍ଗା କାକୋ ରିକାକାଦା।

ଫିଲିପିୟ 4:3

ହେ ସାର୍ତି ଗାତିକାମିନିଃ, ଇଙ୍ଗ୍ ଆମ୍‍କେ ହଗି ଆର୍ଜି ମେତାନିଙ୍ଗ୍ ଚି ଆମ୍ ଏନ୍ କୁଡ଼ିକୋୱାଃ ଦେଙ୍ଗା ଏମେ, ଚିୟାଃଚି ଇନ୍‍କୁ ଇଙ୍ଗ୍ଆଃ ଲୋଃ ସୁସାମାଚାର୍ ଉଦୁବ୍ କାମି ରେ, କ୍ଲେମେନ୍ସ୍ ଆଡୋଃ ଇଙ୍ଗ୍ଆଃ ଏଟାଃ ଗାତିକାମିକୋ ଲୋଃ କାମି କାଦାକୋ, ଅକନ୍ କୋୱାଃ ନୁତୁମ୍ ଜୀଦାନ୍ ରେୟାଃ କିତାବ୍ ରେ ଅଲାକାନା।