ଫିଲିପିୟ 1:11 - ମୁଣ୍ଡା ନାୱା ନିୟାମ୍

¹¹ ଆଡୋଃ ଏନ୍ ଧାରାମ୍ ହୋରା ରାଃ ଯଅ ଏତେ ଅକନାଃ ୟୀଶୁ ମାସୀହ୍ ରାଃ ହୋରାତେ ହୋବାଅଃୱା, ଫେରେଃ ଇଦିଅଃପେ ଏନାତେ ପାର୍ମେଶ୍ଵାର୍ ରାଃ ମାନାରାଙ୍ଗ୍ ଆଡୋଃ ସ୍ତୁତି ହୋବା କାତୋଃକା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹¹ ପାର୍‌ମେଶ୍ୱାର୍‌ଆଃ ମାନାରାଙ୍ଗ୍‌ ଆଡଃ ସାହାରାଅ ନାଗେନ୍ତେ ଆପେୟାଃ ଜୀଦାନ୍‌ ୟୀଶୁ ଖ୍ରୀଷ୍ଟ୍‌ଆଃ ଏମାକାନ୍‌ ସବେନ୍‌ ବୁଗିନ୍‌ ଗୁନ୍‌ତେ ପେରେଜଃଆ ।

ଫିଲିପିୟ 1:11 Iomraidhean Croise

ମାତ୍ତିଉ 5:16

ଏନ୍‍ଲେକାଗି ଆପେୟାଃ ମାସ୍କାଲ୍ ହୋଡ଼ୋକୋୱାଃ ଥାଲା ରେ ଯୁନୁଲୋଃକା ଚି ଇନ୍‍କୁ ଆପେୟାଃ ବୁଗିନ୍ କାମି କୋକେ ନେଲ୍‍କେତେ ଆପେୟାଃ ଆବା କେ, ଯେ ସିର୍ମାଦିଶୁମ୍ ରେ ମେନାଇଜା, ମାନାରାଙ୍ଗ୍ ରିକା ୟାକୋ।

ଯୋହାନ୍ 15:16

ଆପେ ଇଙ୍ଗ୍‍କେ କାପେ ସାଲା କାଦିଙ୍ଗା ମେନ୍ଦୋ ଇଙ୍ଗ୍ ଆପେକେ ସାଲା କାଦିଙ୍ଗ୍ ଆଡୋଃ ଆପେକେ କାମି ଲାଗିନ୍ ଦୋହୋ କାପେୟାଇଙ୍ଗ୍ ଏନାତେ ଆପେ ସେନ୍‍କେତେ ଯଅ ଆଉୱେପେ, ହାର୍ ଆପେୟାଃ ଯଅ ବାଇ ତାଇନୋଃକା, ଚିୟାଃଚି ଆପେ ଇଙ୍ଗ୍ଆଃ ଚେଲା ତାନ୍‍ପେ ଆପେ ଇଙ୍ଗ୍ଆଃ ନୁତୁମ୍ ରେ ଜାହାନାଃ ହ ଆବା କେ ଆସିୟାପେ, ଇନିଃ ଏନା ଆପେକେ ଏମାପେୟାଏ।

ଯୋହାନ୍ 15:2

ଅକନ୍ କୋତୋ ଇଙ୍ଗ୍ଆଃ ରେ ମେନାଃ ହାର୍ କାଏ ଯଅଃ ତାନା, ଏନାକେ ଇନିଃ ମାଆ କେୟାଏ, ହାର୍ ଅକନ୍ କୋତୋ ଯଅଃ ତାନା ଏନାକେ ହିନିଃ ଛାଁଟାଅ ସାଫାୟାଏ। ଏନାମେନ୍ତେ ଚି ଆଡୋଃଗି ଯଅଃକା।

ଯୋହାନ୍ 15:8

ଇଙ୍ଗ୍ଆଃ ଆବା ରାଃ ମାନାରାଙ୍ଗ୍ ନେୟା ତେଗି ହୋବାଅଃୱା ଚି ଆପେ ଥିମ୍ବାଗି ଯଅ ଯୋୟୋପେ, ହୋଲେ ଦୋ ଇଙ୍ଗ୍ଆଃ ଚେଲା ବାଇୟୋଃୱାପେ।

ରୋମ୍‍ରେନ୍ 15:28

ଏନାମେନ୍ତେ ଇଙ୍ଗ୍ ନେ କାମି ପୁରା କେତେ ହାର୍ ଇନ୍‍କୁକେ ନେ ଚାନ୍ଦା ଜିମା କେତେ ଆପେୟାଃ ତାଃ ବୋଲୋ ତୋରା ସ୍ପେନ୍ ଦିଶୁମ୍ ତେଇଙ୍ଗ୍ ସେନା।

ରୋମ୍‍ରେନ୍ 6:22

ମେନ୍ଦୋ ନାଆ ପାପ୍ ଏତେ ରାଡ଼ାଜାନ୍ତେ ହାର୍ ପାର୍ମେଶ୍ଵାର୍ ରାଃ ଦାସୀ ହୋବାକେତେ ପାବିତାର୍‍ଅଃ ତାନାପେ, ଏନାଗି ଆପେୟାଃ ଯଅ ତାନାଃ, ହାର୍ ଏନାରାଃ ଟୁଣ୍ଡୁ ଜାନାଓ ଜୀଦାନ୍ ତାନାଃ।

୧ କରିନ୍ଥିୟ 10:31

ଏନାମେନ୍ତେ ଆପେ ଜୋମେପେ ଚାହେ ନୁୱେପେ, ଚାହେ ଜାହାନାଃଗି ରିକାଏପେ, ସବେନାଃ ପାର୍ମେଶ୍ଵାର୍ ରାଃ ମାନାରାଙ୍ଗ୍ ନାଙ୍ଗ୍ ରିକାୟାପେ।

୨ କରିନ୍ଥିୟ 9:10

ଏନାତେ ଅକନିଃ ହେର୍‍ତାନ୍ କୋକେ ହିତା ହାର୍ ଜୋମେ ଲାଗିନ୍ ଯୋଜୋମାଃ ଏମେୟାଏ, ଇନିଃ ଆପେକେ ହିତା ଏମାପେୟାଏ, ହାର୍ ଏନାକେ ଯଅତେ ଫେରେଃୟାଏ; ହାର୍ ଆପେୟାଃ ଧାରାମ୍ ରାଃ ଯଅ କେ ହାରାୟାଏ।

ଏଫିସିୟ 1:12

ଏନାତେ ଆବୁ ଅକନ୍ କୋ ସିଦା ତେଗି ମାସୀହ୍ ରେ ଆଶ୍ରା ମାଣ୍ତାଅ ଲେଦାବୁ, ଇନିଜାଃ ମାନାରାଙ୍ଗ୍ ରାଃ ସାହାରାଅ ୟାବୁ ମେନ୍ତେ ହୋବାଅଃକାବୁ।

ଏଫିସିୟ 1:14

ପାବିତାର୍ ଆତ୍ମା ଆୟାଃ କିରିଙ୍ଗାକାନ୍ କୋୱାଃ ଛୋଡ଼ାଓ ଲାଗିନ୍ତେ ଆବୁୱାଃ ହାନାଟିଙ୍ଗ୍ ରାଃ ବାୟାନା ତାନିଃ, ଏନାତେ ଇନିଜାଃ ମାନାରାଙ୍ଗ୍ ରାଃ ସାହାରାଅ ହୋବାଅଃକା।

ଏଫିସିୟ 2:10

ଚିୟାଃଚି ଆବୁ ଇନିଜାଃ ବାଇୟାକାନ୍ କୋ ତାନ୍‍ବୁ, ଆଡୋଃ ମାସୀହ୍ ୟୀଶୁ ରେ ଏନ୍ ବୁଗିନ୍ କାମି-କାମି ଲାଗିନ୍ତେ ଶିର୍ଜାଅକାନାବୁ ଅକନ୍ କୋକେ ପାର୍ମେଶ୍ଵାର୍ ସିଦା ଏତେ ଆବୁୱାଃ ରିକାଲାଗିନ୍ ସେକାଡ଼୍ କାଦାଏ।

ଏଫିସିୟ 5:9

(ଚିୟାଃଚି ମାସ୍କାଲ୍ ରାଃ ଯଅ ସବେନ୍ ଲେକାନାଃ ବୁଗିନାଃ, ହାର୍ ଧାରାମ୍ ହୋରା ହାର୍ ସାର୍ତି ତାନାଃ),

ଫିଲିପିୟ 4:17

ନେୟା ଇଙ୍ଗ୍ କାଇଙ୍ଗ୍ କାଜିତାନା ଚି ଆପେ ଇଙ୍ଗ୍‍କେ ପାଇସା ଦେଙ୍ଗା ଏମାଇଙ୍ଗ୍ ପେ ମେନ୍ଦୋ ଇଙ୍ଗ୍ ନେଲେକାନ୍ ଯଅ ସାନାଙ୍ଗ୍ ତାନିଙ୍ଗ୍ ଅକନାଃ ଆପେୟାଃ ଲାଭ୍ ଲାଗିନ୍ ହାରା ଇଦିଅଃକା।

କୁଲୁସିୟୋରେନ୍ 1:10

ଏନାତେ ଆପେୟାଃ ସେସେନ୍ ସବେନ୍ କାଜିକୋରେ ପ୍ରାଭୁ କେ ସୁକୁଇ ଲେକା ଠାଉକା ହୋବାଅଃକା, ହାର୍ ଆପେ ରେ ସବେନ୍ ଲେକାନାଃ ବୁଗିନ୍ କାମି କୋରାଃ ଯଅ ଯୋଃଚା, ହାର୍ ଆପେ ପାର୍ମେଶ୍ଵାର୍ ରାଃ ଉରୁମ୍ ରେ ହାରା ଇଦିଅଃପେ,

କୁଲୁସିୟୋରେନ୍ 1:6

ଅକନାଃ ଆପେୟାଃ ତାଃ ସେଟେର୍ କାନା, ଆଡୋଃ ଜେଲେକା ଅତେଦିଶୁମ୍ ରେହ ସୁସାମାଚାର୍ ଯଅ ଯୋଃତାନା ହାର୍ ହାରାଇଦିଅଃ ତାନା, ଏନ୍‍ଲେକାଗି ଅକନ୍ ହୁଲାଙ୍ଗ୍ ଏତେ ଆପେ ଏନାକେ ଆୟୁମ୍ କାଦାପେ ହାର୍ ସାର୍ତି ଲେକାତେ ପାର୍ମେଶ୍ଵାର୍ ରାଃ ଆନୁଗ୍ରାହ୍ ବିଷାୟ୍ ରେ ସାରିଉରୁମ୍ କେଦାପେ, ଆପେ ରେ ହଗି ଏନ୍‍ଲେକାଗି ହୋବାଅଃତାନା।

୨ ଥେସ୍‌ଲନିକା 1:12

ଏନାତେ ଆବୁୱାଃ ପାର୍ମେଶ୍ଵାର୍ ଆଡୋଃ ପ୍ରାଭୁ ୟୀଶୁ ମାସୀହ୍ ରାଃ ଆନୁଗ୍ରାହ୍ ଲେକାତେ ଆବୁୱାଃ ପ୍ରାଭୁ ୟୀଶୁ ଆଃ ନୁତୁମ୍ ଆପେ ରେ ମାନାରାଙ୍ଗ୍ଅଃକା, ହାର୍ ଆପେ ଇନିଜାଃ ରେ।

ତିତସ୍‌ 3:14

ଆବୁୱାଃ ହୋଡ଼ୋକୋ ହଗି ଦାର୍‍କାର୍ ଜିନିଷ୍‍କୋକେ ପୁରା ଲାଗିନ୍ତେ ବୁଗିନ୍ କାମି ରେ ତାଇନୋଃ ଶିଖାଅନ୍ କାକୋ ଏନାତେ କାଯୋକାନ୍ ଲେକା କାକୋ ହୋବାଅଃୱା।

ଇବ୍ରାନୀୟୋରେନ୍ 12:11

ନାଆ ରେୟାଃ ସବେନ୍ ରାକାମ୍ ରାଃ ଚେନେତାଅ ରାଶିକାଅଃ ଲାଗିନ୍ତେ ନାହାଲା, ମେନ୍ଦୋ ଦୁକୁ ରାଃ କାଜିଗି ନେଲୋଃ ତାନା, ଏଣ୍ଡେ ରେହଗି ଅକନ୍ କୋ ଏନାକେ ସାହାତିଙ୍ଗ୍-ସାହାତିଙ୍ଗ୍ କେତେ ପୋକ୍ତା କେନୋଃତାନାକୋ, ଇନ୍‍କୁକେ ତାୟୋମ୍ତେ ଜୀଉସୁକୁ ଲୋଃ ଧାରାମ୍ ରାଃ ନାଲା ନାମୋଗା।

1 ପାତ୍ରାସ୍ 2:12

ଏଟାଃଜାତିକୋ ତାଃରେ ଆପେୟାଃ ଚାଲ୍-ଚାଲାନ୍ ବୁଗିନ୍ ତାଇୟୋଃକା; ଏନାତେ ଅକନ୍–ଅକନ୍ କାଜି କୋରେ ଇନ୍‍କୁ ଆପେକେ ଖାରାପ୍ କାମିତାନ୍ ହୋଡ଼ୋକୋ ମେନ୍ତେ କାଜିକେତେ ବାଦ୍‍ନାମ୍ ପେତାନାକୋ, ଇନ୍‍କୁ ଆପେୟାଃ ବୁଗିନ୍ କାମି କୋକେ ନେଲ୍‍କେତେ ଏନାକୋରାଃ ଲାଗିନ୍ତେଗି ବୁଗିନ୍-ବିଚାର୍ ହୁଲାଙ୍ଗ୍ ରେ ପାର୍ମେଶ୍ଵାର୍ ରାଃ ମାନାରାଙ୍ଗ୍‍ୟାକୋ।

1 ପାତ୍ରାସ୍ 2:5

ଆପେ ହଗି ଜୀହିଃ ଦିରିକୋ ଲେକା ଆତ୍ମାନ୍ ଅଡ଼୍ଆଃ ବାଇୟୋଃ ତାନାପେ, ଅକନାଃ ଏତେ ପାବିତାର୍ ୟାଜାକ୍ ବାଇକେତେ, ନେଲେକାନ୍ ଆତ୍ମାନ୍ ଦାଣେ ରାକାବେପେ ଅକନାଃ ୟୀଶୁ ମାସୀହ୍ ରାଃ ହୋରାତେ ପାର୍ମେଶ୍ଵାର୍ କେ ଗ୍ରାହାନ୍ ହୁୟୋଗା।

1 ପାତ୍ରାସ୍ 2:9

ମେନ୍ଦୋ ଆପେ ମିୟାଃ ସାଲାକାନ୍ ଜାତି ରେନ୍ କୋ, ଆଡୋଃ ରାଜା-ପାଦ୍ ରେନ୍ ୟାଜାକ୍ କୋ, ହାର୍ ପାବିତାର୍ ହୋଡ଼ୋକୋ, ଆଡୋଃ (ପାର୍ମେଶ୍ଵାର୍ ଗାଃ) ଆପାନାଃ ହୋଡ଼ୋକୋ ତାନ୍‍ପେ, ଏନାଲାଗିନ୍ତେ ଚି ଅକନିଃ ଆପେକେ ନୁବାଃ ଏତେ ଆୟାଃ ଆକ୍‍ଦାନ୍ଦା ମାସ୍କାଲ୍ ରେ କେଡ଼ାକେଦାଏ, ଇନିଜାଃ ଗୁନ୍ ଦେଖାଅ ଏପେ।

1 ପାତ୍ରାସ୍ 4:14

ଆଡୋଃ ଆଗାର୍ ମାସୀହ୍ ରାଃ ନୁତୁମ୍ ଚାଲ୍ତେ ଆପେକେ ନିନ୍ଦା ରିକାଅଃତାନା ଏଣ୍ଡେ ଆପେ ସୁକୁତାନଗି ତାନ୍‍ପେ, ଚିୟାଃଚି ମାନାରାଙ୍ଗ୍ ରାଃ ଆତ୍ମା, ଅକନିଃ ପାର୍ମେଶ୍ଵାର୍ ରାଃ ଆତ୍ମା ତାନିଃ, ଆପେ ରେ ଉମ୍ବୁଲ୍ ତାନାଏ।