Mataio 11:3 - Miriam Mer Gospels 1902

³ A abim kega, Nako mama le tabarki, a nako keriba ko naokaili nerute le?

Mataio 11:3 Iomraidhean Croise

Mataio 11:10

Abelelam E pedali, mer detali abim, Dasmer, kaka namarid kara merkem mara opem, E paret mara gab mara opem.

Mataio 11:4

Ege Iesu uiabi daratager, kega, Ua bakeamulei a etomeret Ioaneim a gaire lu uaba asoli, pako dasmerei:

Mataio 21:5

Uaba abi detagerare Siona ra neur uerem, Dasmer, mara Opole marim tabarki, E gebegeb tonar, E egimulu abele asina, a abara uerem ko.

Mataio 21:9

Abele gaire le lakub uader le kekiam pako uader le irmili, a uiaba ereretikri, kega, Hosana abele Dauida ra Uerem: Mapodan le tabarki Opole ra nei, Hosana gaire lu tumge.

MAREKO 11:9

Uiaba kekiam le, a uiaba armi le, ereretikri, kega, Hosana; Uerkab abele le Opole ra nei tabarki:

Luka 19:38

Ege uiaba detautare, kega, Uerkab pe abele Opole, tabarki Iehoua ra nei ge: uerkab kotor ge, a deseper abele lu tumege.

Ioane 11:27

E abi detaut, kega, Eko, Opole: kaka dikiapor mama Keriso, Ade ra Uerem, gesepem tarabu.

Ioane 12:13

Uiaba pama lislis taisare, a bakeuare abi obapit, a ereretikri, kega, Hosana: Isaraela Opole despili, Iehoua nei ge tabakeam.

Ioane 16:14

E ko kari naospili: abelelam E ko tais karielam, a uabi detomertare.

Ioane 4:21

Iesu abi detager, kega, Kosker, kari asoli, kerker tabarki, uaba nole esorerapare Abem abele paser ge, a nole Ierusalema ge.

Ioane 6:14

Emetu gaire le dasmer abele atamelam Iesu de ikeli, uiaba detager, kega, Ageakar, perofeta idali, emetu detaut ko uatabu gesepem.

Ioane 7:31

Gaire lekublam abi oituli; uiaba detager, kega, Ese Keriso tabarki, nako, E ko ikeli gaire atamelam tumem E ikeli?