MAREKO 3:5 - Miriam Mer Gospels 1902

⁵ E uiabi urkerem deraueli dasmerare, abara nerkep isir uiaba tonarlam bamesili, E le detager, kega, Mara tag uaimari. Abara tag uaimari; ueakai abara tag ekaida debele mokakalam nerute.

MAREKO 3:5 Iomraidhean Croise

Luka 6:10

Ege E abi darasmerare uiaba uridili, epe abi detager, nerute le tag euselu, Mara tag itrimud. Epe E ikeli abkoreb: epe abara tag debele, mokakalam nerute.

Mataio 12:13

E abi detager abele le, Mara tag idrimurik. Epe abara tag idrimurik, a ko debele mokakalam nerute.

Ioane 9:7

A abi detager, kega, Bakeam, dirup Siloam keper (tonar abele nei, Namarida). E bakeam, a dirup, iako tabakeam mamoro dasmer.

Luka 17:14

Ege E uiabi nardarare, ege E uiabi daratagerare, kega, Bakeuare, ua natomertare zogozogo le. Ui ge bakeuare, epe uiaba idigiri.

Luka 13:15

Ege Opole de abi detager, kega, Ma bes le, epe uaba nerute le sabath ge detuemer abara kau pako abara asina kau metalam, naogatare ni namerare.

MAREKO 3:4

E uiabi detager, kega, Nako, abkoreb debe lu ikeli sabath ge, nako adud lu ikeli? ko idigiri, nako ipit eumid? Uiaba bazeguar.