MAREKO 2:8 - Miriam Mer Gospels 1902

⁸ Sobkak Iesu opasereret muige abara nerkep abele uiaba dikiapor muige uiaba nerkep, E uiabim detager, kega, Nako uaba dikiapor mokakalam muige uaba nerkep?

MAREKO 2:8 Iomraidhean Croise

Mataio 12:15

Ege Iesu erdali, epe bakeamulu adem abele uteblam; a gaire le lakub abi irmilare, E uiabi uridili idigir,

Mataio 16:7

Ege uiaba mer atager, kega, Abara merlam, abelelam meriba nole areto tais.

Mataio 9:4

Ege Iesu de nardarare uiaba dikiaporare, epe E uiabim, kega, Nalugelam uaba adud dikiaporare uaba nerkep ge?

MAREKO 2:7

Nalugelam le dali detager mokakalam? E Ade desauersili, nete le umele uit dikri, Ade tepteb?

MAREKO 2:9

Nako perper, le ibibi egali, kega, Emetu adem dikri mara uit giz; pako egali, kega, Tekue, mabara sik ekau, a bakeamu?

MAREKO 7:21

Abelelam mui le nerkeplam osmeda gaire adud dikiapor, a kogem, a eruam, a le ipit eumilu, a keserkeser,

Luka 24:38

Ege E uiabi daratagerare, kega, Nalu uaba okasosok? nalugelam uaba nerkep basareda?

Luka 5:22

Epe Iesu erdali uiaba dikiaporare, E uiabi detaut, kega, Nako dikiaporare uaba nerkep?

Luka 6:8

E umele uiaba dikiapore; epe E abi detager, nerute le tag euselu, Ma ekue, E ekue muige. E sobkak ekue.

Ioane 21:17

E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.

Ioane 6:64

Uader uabielam nole oatur kak. Iesu umele gizlam uiaba nole oatur kak, a abele le abi keserkeser.