Luka 9:16 - Miriam Mer Gospels 1902

¹⁶ Epe E tais faif areto a lar neisi, E kotor dimirualu, a esoao, a itur; a uiabi nakuarare, abara kaimeg giz, a uiaba naisuerare abele gaire le lakub.

Luka 9:16 Iomraidhean Croise

Mataio 14:19

E uiabim detaut abele gaire le lakub, Uaba eidi abele soge ge; E tais faif areto, pako neis lar, a edimrualu abele kotor, a esoao, a ko areto itur, a naisuerare tabara kaimeg giz, a abara kaimeg giz naisuerare abele le lakub.

Mataio 15:36

E etaruk sefen areto a uader lar, a esoao, a itur, epe abi naisuerare abara kaimeg giz, a abara kaimeg giz ko naisuerare dordor le lakub.

MAREKO 7:34

A kotorem egremalu, a ner batauerdelu, a abi detager, kega, Efatha, tonar abele mer, Diski.

Luka 22:19

E areto ekao, a esoao, a itur, a uiabi nakuarare, a uiabi daratagerare, kega, Kara gem peike, E uabi nakuarare: uaba ikeli kara atamelam.

Luka 24:30

Ege E eidi eroli okakis uiabim, epe areto erpei, a esoao, a itur, a uiabi naisuerare.

Luka 9:15

Ege uiaba ikerare abkoreb mokakalam abara mer, a uiabim uridili detagereda, kega, Gaire nosik uaba mamoro emeri.

Luka 9:17

Ege uiaba eroare, ege uiaba uridili gem osmeda; epe uiaba kaier leuer arot epei ge, ege tuelf epei osmeda, leuer mogmog.

Ioane 6:11

Iesu gaire areto ekau; emetu esoao, E kaimeg giz naisuerare, a uiaba gaire le bamer naisuerare; a neisi lar ko, abkoreb uiaba lag.

Ioane 6:23

(Gaire nar barkarki Tiberialam, maike abele uteb uiaba areto eroare iobaru Iesu de esoao):