Ioane 3:32 - Miriam Mer Gospels 1902

³² Abele lu E emetu dasmer a asoli, E ageakarem peik; a nole le abara ageakarem erpei.

Ioane 3:32 Iomraidhean Croise

Ioane 3:11

Ageakar, ageakar, kaka mari natager, kega, Keriba detagereda abele gaire lu keriba erdarda, a ageakarem abele gaire lu keriba dasmereda; epe uaba nole arpeir kak abele keriba ageakarem.

Ioane 15:15

Kaka nole iako uabi detager uaba memeg le giz; abelelam memeg le umer kak abele lu abara opole ikeli: kaka detaut uaba kara boai; abelelem gaire lu uridili kaka asoli kara Abalam, kaka uabi detomeret.

Ioane 1:11

E abara boai tabaruk, a abara boai nole abi agaret kak.

Ioane 8:26

Kaka nagri dordor lu ko detager, a ko dikiapor uabim: E ageakar, kari namarida; kaka gesepem detager gaire lu kaka asoli abielam.

Ioane 5:20

Abelelam Aba Uerem nas, a abi etomelu gaire lu E eker: E ko abi etomelu gaire au lu tumen abele, uaba ko damreda.

Ioane 3:33

Abele le abara ageakarem erpei, E dedkomet, kega, Ade ageakar.

Ioane 3:26

Uiaba Ioaneim tabakeuare, a abi detagereda, kega, Rabi, abele le mari dog, Ioridano apek, mama emetu abi ageakarem, dasmer, E ko bapataiso, a gaire le uridili abim tabakeuare.

Mataio 7:8

Abelelam ese le abi damsare E nagri; abele le deraimer E abi erdali; a diski abele le abi dida mudumud.

Ioane 18:37

Pilato abi detager, kega, Nako, ma opole? Iesu detaut, kega, Ma detager kaka opole. Abelelam kaka naosmeda, abelelam kaka gesepem tarabu, ueakai kaka ko ageakar ageakarem. Gaire le uridili ageakalam kara kodo mer asoli.