Ioane 13:18 - Miriam Mer Gospels 1902

¹⁸ Kaka nole uaba uridili detager: kaka umele gaire le kaka dabgered: ueakai bakedida mer detali kega, Abele le kari dog leuer ero, E emetu abara teter kari natiri.

Ioane 13:18 Iomraidhean Croise

Mataio 26:23

E uiabi etkalu, kega, Abele le kemem akameida abara tag, pako kara tag abele tanelu ge, E dali abele le kari mirem.

Ioane 17:12

Kaka mena uiabi dog geseb ge, kaka uiabi nasesered mara nei ge: kaka uiabi nasesered mama kari nakuar, nole nerute abi kak, eud uerem tepteb abi; ueakai bakedida abele zogo mer emetu detali.

MAREKO 14:20

Iesu uiabim detaut, kega, Nerute uaba tuelf lelam, le itili kari dog tanelu ge.

Ioane 13:26

Ege Iesu detaut, kega, Le dali kaka ko mog leuer ikuar, ese emetu akmeilu. E emetu mog leuer akmeilu, E ekalu a Iuda ikuar, Simona Isakariota ra uerem.

Ioane 6:70

Iesu uiabi detaut, kega, Nako kaka uabi iterare tuelf le, a nerute uaba diabolo?

Ioane 15:19

Ese uaba geseplam, geseb ko lagelag abara boai: abelelam uaba nole geseplam, epe kaka uabi depegerare geseplam, abelelam geseb uabi derar.

Ioane 15:16

Uaba nole kari natarare, epe kaka uabi ditararda, a uabi depegereda, ueakai ua bakuare turum turum, a uaba turum niaiem tekue: ueakai Baba de ua dekuarare gaire lu uridili ua abi damsare kari neilam.

Mataio 10:36

A ikeli le abara boai ko abi kurab ge.

Ioane 21:17

E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.

Mataio 26:21

Uiaba eroare, E uiabi detager, Ageakar, kaka uabi detager, uabielam nerute le kari mirem.

MAREKO 14:17

Kikem Iesu a tuelf le kei tabarkeda.

MAREKO 14:18

Uiaba baido, a leuer eroare, Iesu detager, kega, Ageakar, kaka uabi detagereda, kega, Nerute uabielam kari keserkeser, abele le kari dog eroli.

Luka 22:21

Dasmer, kari dog abele laulau ge, nerute le la tag, E kari keserker.

Ioane 13:21

Emetu Iesu abele detaut, abara lamar okasosok, E daratagerare, kega, Ageakar, ageakar, kaka uabi detager, nerute uabielam ko kari keserkeser.

Ioane 13:22

Kaimeg giz erkepu baskare, uiaba kok bagagarare, nete de abeida.

Ioane 15:25

Iaueakai bakedida abele mer detali uiaba gelar ge, kega, Uiaba no kari naorarti.

Ioane 18:32

Ueakai Iesu ra mer bakedida, E emetu detager, a natomertare tonar eud E ko eumilu.

Ioane 19:24

Uiaba mer atagere, kega, Meriba nole aspas kak, a debele lugulug deraimer niti ra lu: ueakai jauali bakedida, kega, Uiaba kara am uali derapeiare, a kara am uali kot lugulug ikeli. Abele gaire lu ares le giz ikeli.

Ioane 19:36

Emetu ikeli abele gaire lu, ueakai bakedida abele mer detali, kega, Nole arapeir kak nerute abara lid.