Matthew 21:11 - Bogtag we ye Tefoy

¹¹ Iwe ngo buwa we resa hatefali ngo resa sor bo, “Iye mele Jesus le semal profeta le ye budoh mo Nazareth we ye mel wol Galilee.”

Matthew 21:11 Iomraidhean Croise

Matthew 2:23

Ye sala hasu imwla imwal woal sew haplom le rema sor bo Nazareth. Iwe mokwe profeta kowe re sor irel kofal yalwich we ila sala llah le katos: “Re bele ffesangu ngali le iy semal re Nazareth.”

Matthew 21:10

Yodwe Jesus ye budoh Jerusalem ngo sa gurangdah yarmat wol ballel haplom we. Yarmat resa kasiy bo, “Itey mala?”

Matthew 21:26

Iwe ngo hare si sor le, ‘Ye budoh mo irel yarmat,’ ila ngo si motog mekla yarmat rebe foru, bo panger ngo yesa tugul lal depar le Johannes ila iy semal profeta.”

Matthew 21:46

iwe resa luluwaley le rebe ddorfi. Ngo re metagur buwa kowe iwe leper bo resa itol le Jesus ila semal profeta.

Mark 6:15

Ngo tot re sor bo, “Iy Elijah” ngo ikala tot re sor bo, “Iy semal profeta le ye hafedeg ngali chog semal profeta kowe muswe.”

Luke 13:33

Ye tugul le iy be chil la malekah igla mo walsu mo ralela seral. Ye tafel le yebe mes semal profeta mo solbos le bete Jerusalem.

Luke 24:19

Iwe ngo Jesus sa kasiyar bo, “Meda iy mekla?” Iwe ngo resa sor bo, “Mokwe ye wel ngal Jesusel Nazareth. Mal le ila semal profeta ngo ye ssor mo irel Deus mo pangal yarmat bo yor kkelal irel makla ye sor ngo ye foru.

Luke 7:16

Pangal yarmat ngo yesa kkel yar motog ngo resa hapingpinga Deus. “Semal profeta le ye tagiyet iye yesa llah mo luwuluch; Deus yesa budoh bo yebe hadorar meka lol.”

Luke 7:39

Yodwe Pharisees we yela wiri molwe ngo yesa luluwaley long chog lal depal le, “Hare semal halongol profeta mele ngo be gola kofal fefel le yesa budoh ye yangsi, yebe gola le iy semal choto hamolfid.”

John 1:21

Iwe resa kasiy, “Ila ngo gel itey? Gel Elijah?” Johannes sa sor bo, “Yeb, te ngang.” Resa kasiy le re sor bo, “Gel Profeta we?” Yesa hatefaeli ngo sa sor bo, “Yeb.”

John 1:25

“Hare te gel Kristus hare Elijah hare Profeta we, ila ngo meda fal le homa baptismus iyang?”

John 4:19

Fefel we sa sor bo, “Isa gola melap, le gel semal profeta.

John 6:14

Molwe rela wiri kkemal we Jesus yesa foru ngo rechokwe re mel loboswe resa sor bo, “Ye tugul bo iye Profeta we yebe budoh lal faileng le!”

John 7:40

Tot yarmat mo luwulur buwa we re rongrong molwe ye sor, ngo ir resa sor bo, “Ye katos bo mal le ila iy semal profeta!”

John 9:17

Iwe ngo Pharisees kowe resa kasiya mal we fael sew, “Gel mele ho sor bo iy ye hachuya yam metafis. Meda mele hobe sor irel?” Mal we yesa sor bo, “Iy semal profeta.”

Acts 7:37

Iye iy Moses we ye kangalur yarmetal Israel bo, ‘Deus ye bele fang ngalugmi semal profeta le be wochog yal fangdoh ngang iremi, iwe ngo yeramtala ila yebe budoh chog mo luwulumi yarmetal Israel.’