YOHAAN 9:16 - Uduk New Teatament and OT Portions

¹⁶ Dhali ’Kwani P̱arisiyiina tiya ki o gwo mo ki: Wathi/ yansan diki di ’peni Arumgimis mo ba/ haali/ a’di diki kara cim ma pesu/ ki jiŋ ḵogu mo. Hili kun tiya o gwo mo ki: A/ki wathi/ jin ta’da manmii miinthus midi mish miimer gi wakansan mii mowa? Mondher bwa di’di bwaman uni mo be.

YOHAAN 9:16 Iomraidhean Croise

MAṮṮA 12:10

Dhali hili wathiŋ kamu/ diki’d mmun mo jin ḵutha me’d guŋkuru/ mo dhali uni doṯki a’di gwo mo ki: A’di ta gwo jin dhala gwoŋḵan jin c̱inu bway mo mmowac̱a/ wac̱ mo ka cim ma pesu/ mo ’taa? Wakan ki uni mini ’taki ta gi gwo mmoyer a’di is ki gway mo be.

MAṮṮA 12:2

Hili ki ’Kwani P̱arisiyiin p̱arki a’di jin miikunu e mo tani uni oki a’di gwo mo ki: Hili imanciḵ /e gwo uni miiki to jin dina gwoŋḵan jin c̱inu ki dhal bway mo mmomii ka cim ma pesu/ mo be.

LUUKA 13:14

Hili tap̱a gi gu’b gi montul is mo a’di shwaki’da nyor ka nyor mo haala Yesus wac̱ki’da wac̱ ka cim ma pesu/ mo be. A’di ki o ’kwani gwo mo ki: Acim ’koni pe’de/ jin minu ḵa mii thima ṯu’c mo be. Iiyu/ ka cim gwansan mo ma ki um minu wac̱ mo, yisa ka cim ma pesu/ mo.

YOHAAN 10:19

Dhali gwo jin dheru ’kwani bwa mo doḵ/e diki’d mo e bwaŋ ’Kwani Yahuuda/ mo haali/ gom gwo gwansan mo be.

YOHAAN 14:11

Gami aha/ gwo is mo ki aha/ dina eya Baba mo dhala Ababa di’d e aha/ mo, walla gami aha/ gwo is gom gway gi mii mo ’te/.

YOHAAN 15:24

Waḵki/ aha/ mina ’taki diki mii to ibwam uni, mii jin dina jan ṯal ’deŋ kamu/ ki mii mo tani uni mini ’taki dar gi miinthus mo. Hili shwane/ uni p̱arki mo e mo dhali shi/ aha/ i e mmonṯal ’de/ nyaḵka Ababam pem mo be.

YOHAAN 2:11

Mii yansan a’di ta miimer jin ṯwa/a/ jin miikin ma Yesus e Paŋ Kaana gi Pany Jaliil mo dhali a’di ki ṯor monycam piti eya tente/ mo, dhali imanciḵ a’di gwo gamki gwo is e a’di mo be.

YOHAAN 3:2

Wathi/ yansan p̱u’dki’da Yesus mon’thiny mo dhali o a’di gwo mo ki: Rabbi, aman misha ki /e tana Manṯor Gwo jin p̱u’dki’d ’peni Arumgimis mo. Haali/ jan ṯal ’deŋ kamu/ yisa di’da jin midi mish jamas mii gwansan mii mo kun miina /e mo, hili isi ciki/ Arumgimis midi nyaḵ di i a’di mo be.

YOHAAN 5:10

Dhali wakan ’Kwani Yahuuda/ ki o wathi/ jin wac̱kunu gwo mo ki: A’di ta’da cim ma pesu/ mo. A’di diki ta mii jin dhala gwoŋḵan /e bway mo mmoḵala cim pini mo be.

YOHAAN 5:36

Hili gwo jin okunu mo gom aha/ mo a’di ica’d mo mmobol gwo ma Yohaan e mo. Haali/ aṯu’c jin c̱ikin ma Baba aha/ mo mmothim a’di mo, aṯu’c gwansan gana/ kun dika/ mmomii mo tani uni ta iman/o gwo gom aha/ mo ka Baba a’di hashki aha/ mo be.

YOHAAN 6:52

Dhali yan’ko’d ’Kwani Yahuuda/ uni su’kkin ki gwo e bwaman c̱em buni mo mmo/o gwo mo ki: Ki wathi/ yansan midi c̱i ana buŋgwar is piti mmo’ka manakan?

YOHAAN 7:12

Dhala dhana gumgum miikin ma waambuhany ’kwani mo gom a’di mo. Kun tiya o gwo mo ki: A’di ta wathi/ jin ’boro’d mo be. Dhali kun tiya o gwo mo ki: Yisa. A’di suski ’kwani mmodheres mo be.

YOHAAN 7:23

Waḵki/ ka cim ma pesu/ wathiŋ gwaṯẖ ki bu’th mo jin ’ciṯẖuwa munyjal yis mo tani wakan gwoŋḵan jin c̱in ma Musa mo tani minu ’koki ’taki ’ce’d mo. A/um mii aha/ ka nyor mmowac̱ka/ buŋgwar is gi wathi/ ka ’bimpil mmo’bor mo ka cim ma pesu/ mowa?

YOHAAN 7:43

Wakan mondher bwa di’di bwaman ’kwani gom a’di mo be.

YOHAAN 9:24

Wakan doḵ/e me’di su/ mo tani uni ki yuḵ wathi/ jin taki’da ja’da/ mo dhali o a’di gwo mo ki: C̱iya Arumgimis mom’bor bwa i is mo ma. Aman misha ki wathi/ yansan ta’da manmii miinthus mo be.

MII GUN MIINU MO 14:4

Hila waambuhany ’kwanimpa ḵwa/kunu bwa mo dhali kun tiya gamu me’d ki ’Kwani Yahuuda/ mo dhali kun tiya gam me’d ki imandhun ma Yesus ki she/ mo.