YOHAAN 8:6 - Uduk New Teatament and OT Portions

⁶ Mii yansan miikina uni mmopal a’di mo ki uni mini ’taki ta gi gwo mmo/o ap̱o/ a’di mo. Dhala Yesus c̱a’bki’d ki ji luŋ mo dhali ’kwara ’cesh ki me’d piti mo be.

YOHAAN 8:6 Iomraidhean Croise

ṮAKWIIN 49:9

Yahuuda a’di ita adhop̱ dhuru’c mo. ’Peni mo jin dheru to bwa ka gwap̱i/ mo, ayy ya/m pem, /e yaki bway mis mo. A’di wup̱ki’da ’cesh mo dhali a’di ishki’d ki bara’th me’da dhop̱ mo dhali me’d kumana dhop̱ mo. Aja a’di iro’dki mii mo mmomer a’di e mo?

GWAY GI IDAWUU’D 39:1

Aha/ ona gwo mo ki: Aha/ mina ji bway pem ki e mo, ki aha/ mina diki mii miinthus ka le’d pem mo. Aha/ mina ’kali’th ’twam pem mo, wakan me’d jin mina ’kwanin thusi ’kowa bori aha/ mo.

MAṮṮA 10:16

Hili mo mo ma, aha/ hashkina um mo ka pije/ mo me’d ḵa’bal mo e bwaman ma wu mo, wakan yuḵi ki yuḵ mo me’d tasha/ mo, dhali dari ga maḵ mo me’d gurko/ mo.

MAṮṮA 15:23

Hili a’di diki thoḵa yim gwo mo. Dhali imanciḵ a’di gwo p̱u’dkin mo dhali doṯ a’di gwo mo mmo/o gwo mo ki: Urka yim mo ma haali/ ayim cuu’di baṯẖ ana ŋ’ko’d mo be.

MAṮṮA 16:1

Dhali ’Kwani P̱arisiyiin dhali ’Kwani Sadukiyiin p̱u’dkin mo dhali pal a’di ki gwo mo. Uni doṯki a’di mo mmoṯor uni jamas mii ’peni momis mo be.

MAṮṮA 19:3

Dhali ’Kwani P̱arisiyiin p̱u’dkini a’di mo dhali pal a’di ki gwo mo mmo/o gwo mo ki: A’di ta mii jin dhala gwoŋḵan bway mo mmomina wathi/ thoson gwo mo mmodhal ashim piti ’pen mo goma ris miin tiya kun ṯocon mo ’taa?

MAṮṮA 22:18

Hila Yesus mmonyiṯẖa a’di tonthus buni mo tani a’di ki o gwo mo ki: Atinta pala um aha/ ki gwo kan mo, um ’kwani kun tana he’k e ka he’k e mo?

MAṮṮA 22:35

Dhali jan ṯal ’deŋ kamu/ ’peni uni mo tani jin ta’da manmisha jo’d gwoŋḵan mo doṯki a’di gwondoṯ mo mmopal a’di mo be mmo/o gwo mo ki:

MAṮṮA 26:63

Hila Yesus c̱a’bki’d ki shwam mo. Dhala gasiis jin ca’d ki o a’di gwo mo ki: Aha/ ḵana /e gwo ka Arumgimis jin di ki e mo. Ba ṯor am gwo mo ma, waḵki/ /e tana Ḵrisṯẖos mo, a’di jin ta Ya/ ma Arumgimis mo.

MARKUS 10:2

Dhali ’Kwani P̱arisiyiin p̱u’dkin mo mmoŋap̱ bway mo mmopal a’di ki gwondoṯ mo mmo/o gwo mo ki: A’di ta gwoŋḵan jin dhala’da dhal bway mo ’taa? gom wathi/ mmothoson gwo jin dhaluwa dhal ’pen mo mmodhal ash ’pen mo?

MARKUS 12:15

Mina aman ’taki c̱iya thulp̱a/ mo ’taa? walla mina aman ’taki dhal ’pen mo? Hili mmonyiṯẖa a’di ahe’k em buni mo tani a’di ki o uni gwo mo ki: Atinta palkina um aha/ kan mo? Guyi aha/ nasa guurush mo ma dhali dhalki aha/ p̱ara a’di e mo.

MARKUS 3:2

Dhali uni timki a’di mo mmop̱ar a’di e mo waḵki/ a’di midi ’taki wac̱ a’di ka cim ma pesu/ mo, wakan ki uni mini ’taki ta gi gwo mmoyer a’di is ki gway mo be.

MARKUS 8:11

Dhali ’Kwani P̱arisiyiin p̱u’dkini a’di mo dhali ṯelki mii ’pen mo mmogar a’di gwo ’kusi ’twa/ mo mmoŋap̱ jamas mii ’peni a’di ’peni momis mo mmopal a’di mo be.

LUUKA 10:25

Dhali hili mo mo ma, amanmisha jo’d gwoŋḵan doshki’d ki mis mo mmokar a’di mo mmopal ki gwo mo ki: Manṯor Gwo, aha/ mina mii atinta mo mmota gi mal gi mondiki/e ki sule/ ya ye ’ba/ mo?

LUUKA 11:16

Ka yiha/ ’kwanin tiya si’da/ palki a’di mo mmodoṯkina uni jamas mii ’peni momis mo.

YOHAAN 8:2

Dhali mon’thamo/ ka ’tum mo tani a’di p̱u’dki’d e gu’b gi mondheleladhelel doḵ/e mo. Aris ’kwani ’baar mo p̱u’dkini a’di mo. Dhali a’di c̱a’bki’da ’cesh mo dhali ṯor uni gwo mo be.

KURINṮH̱UUS ’DE/ 10:9

Ana mina mii dhalku/ Tap̱a ki mii pal mo me’d jin miikina kun tiya mo dhali uni ’ce’dkunu sho’k mo ki tasha/ kun shi/ ma ṯi’d ki shi/ mo.