YOHAAN 8:54 - Uduk New Teatament and OT Portions

⁵⁴ Yesus ki thoḵ uni gwo mo ki: Waḵki/ aha/ kara monycam pem mo tani monycam pem di’d ki buthur mo. A’di ta’da Babam pem jin karki aha/ ca eya tente/ mo, a’di jin okina um ki a’di ta’da Arumgimis bum mo be.

YOHAAN 8:54 Iomraidhean Croise

YOHAAN 17:1

Ka Yesus ’baarki gwo gwansan mmo/o mo tani a’di ’de’kki em piti ’kup̱ ki momis mo dhali o gwo mo ki: Ababa, mo p̱u’dki’d mo. Kari /e Ya/m pini ki ca mo ki Ya/m pini si’da/ midi kar /e ki ca mo be.

YOHAAN 17:5

Dhali shwane/ Ababa, kari /e aha/ ki ca e buŋ’kus pini mo ma, a’di jin ta monyca jin nyaḵka/ ki /e nṯwa/a/ ki mony’cesh yansan dinuki uḵ mo be.

YOHAAN 2:11

Mii yansan a’di ta miimer jin ṯwa/a/ jin miikin ma Yesus e Paŋ Kaana gi Pany Jaliil mo dhali a’di ki ṯor monycam piti eya tente/ mo, dhali imanciḵ a’di gwo gamki gwo is e a’di mo be.

YOHAAN 5:41

Aha/ dinaki bu’th monyca ’peni ’kwani mo.

YOHAAN 7:18

A’diyin jin oki gwo ki moshirr pitiŋ gana/ mo tani a’di ŋap̱ki monyca ki is piti mo. Hili a’diyin jin ŋap̱ki monyca gi a’di jin hashki a’di mo tani ta jiŋ gana/ mo dhali mii kun ’koki ta kuŋ ḵar/e yisa ’kona e a’di mo be.

YOHAAN 7:39

Dhali gwo yansan jin okina a’di mo tani okina a’di gom Shi/in mo, jin mina a’di c̱i gom uni gwansan kun gamki a’di gwo is mo kun muruni bu’th a’di mo be. Haali/ Shi/in a’di dinuki c̱iyu/ naskina/ mo haala Yesus naskina/ dinuki kar cam piti eya tente/ mo be.

YOHAAN 8:41

Um mii to kun ciḵa um ’pena babam bum mo. Uni ki thoḵ a’di gwo mo ki: Aman ’konuki dho’th ki dho’th c̱al mo be. Aman tana ga Baba jin di’d ṯal ’de/ mo a’di jin ta’da Arumgimisi.

YOHAAN 8:50

Hili wakan si’da/ aha/ dinaki ŋap̱ monyca ki is pem mo. Jan ṯal ’deŋ kamu/ diki’d jin ŋap̱ki a’di mo dhali a’di midi ta mandwall gwo mo be.

MII GUN MIINU MO 3:13

Arumgimis ma Ibrahiim dhala Is/hak dhala Yakuub, Arumgimis gi ibabam bana, karki ca gi c̱iŋkinam piti ka Yesus eya tente/ jin c̱ikina um mmowu mo dhali jin waṯkina um gway mo ibwambor ma Bilaaṯus mo ki a’di dina gwo ibwa mo mmo’cuḵ a’di mo be.

KURINṮH̱UUS SU/ 10:18

Haali/ a’di yisa ta wathi/ jin midi kar is piti ki ji gi ha me’d mo jin minu bu’th mo, hili wathi/ a’di imina Tap̱a kar ki ji gi ha me’d mo be.

BUṮERUS ’DE/ 1:12

A’di ṯorkunu uni eya tente/ mo ki uni ’koki mii to mo gom is buni mo, hili gom um mo, eya ris to gun baḵkunu um shwane/ mo ki uni gwansan kun ta imanc̱i gwom ’boro’d e um mo ki Shi/in Dheleladhelel mo, a’di jin hashkunu ’peni momis mo, uni kun ta to jin ’koshkina iman’doyu gwo ṯe/ mo mmop̱ar e mo be.

BUṮERUS ’DE/ 1:21

E a’di mo tani um takin gi mo jin wunuwa Arumgimis jwa i is mo, a’di jin cuki a’di mis ’peni mowu mo, dhali c̱i a’di monyca mo, wakan ki moŋgam gwo is bum mo dhali mo ma ’teŋ kap̱em bum mo mini ’ko eya Arumgimis mo be.

BUṮERUS SU/ 1:17

Haali/ ki a’di bu’thki montaḵ mo dhali monyca ’peni Arumgimis jin ta’da Baba mo dhali ’twa/ gwoyi’d gom a’di mo ki Monyca jin Eḵa/ Eḵ mo ki: Yansan ta Ya/m pem jin enu mo. Ki a’di mo tani aha/ ’bora bwa mo.