YOHAAN 8:44 - Uduk New Teatament and OT Portions

⁴⁴ Um ’pena babam bum jin ta tap̱a ma ruma ’cesh mo dhali bwam bum o’d ki mii me’d bwa ma babam bum mo. A’di ta’da man’kosha mee mo ’peni ka muŋ’kup̱ mo dhali a’di dar gi toŋ kamu/ mmomii gom gwoŋ gana/ mo haali/ gwoŋ ganaŋ kamu/ yisa di’da e a’di mo. Ki a’di ki ṯor gwo ka ṯor mo tani a’di ki o gwo mo me’d isi jin di’di a’diyi haali/ a’di ta’da ṯor mo dhali com jin cil ma ṯor mo.

YOHAAN 8:44 Iomraidhean Croise

ṮAKWIIN 3:15

Aha/ mina kar mo jin dup̱u i bwaman /e mo dhala ’bom mo, dhali e bwaman emen pini mo dhali emen ma yim mo. A’di midi pwaṯẖ /e ’kup̱ pini mo dhali /e mini ṯikina ṯiŋkilam piti ka ulmany mo.

MAṮṮA 12:34

Um uc̱i gi tasha/, um mishi gwo jin ’boro’d o kata mo? ki um ta kun ta thus ki thus kan mo? Haali/ ’peni mo jin isha to ḵumma/ eya du mo tani ’twa/ a’di c̱iki gwo mo be.

MAṮṮA 13:15

Haala duŋ ’kwani gwansan uni warkin ka du kun dhethadhe’th mo dhali ’cem buni mo tani usa/us mo mmociḵ gwo mo, dhali em buni mo tani uni ’dap̱kin mo be. Hili isi ciki/ ki uni mini ’taki nyiṯẖ to ki em buni mo dhali ciḵ gwo ki ’cem buni mo dhali mish a’di ’ban ka dum buni mo dhali ṯu’k mo e aha/ mo jin miga/ ’taki wac̱ uni mo be.

MAṮṮA 13:38

Dhali bwam mondhe’d mo tani a’di ta mony’cesh mo be. Dhali emen to tani a’di ta ’pemen gwo gom iya/ gi Bampa/ gi Momis mo. Dhali ’pemen gwo gom biriny mo tani a’di ta iya/ gi a’din thus ’de/ yin mo be.

YOHAAN 6:70

Dhala Yesus ki thoḵ uni gwo mo ki: Dika/ ki kwany umi ’kume’d i’ce’dka su/ mo dhali jan ṯal ’deŋ kamu/ ’peni bwam um mo tani ta tap̱a ma ruma ’cesh mowa?

YOHAAN 7:17

Waḵki/ wathiŋ kamu/ ona bwa ki mii bwam piti mo tani a’di midi mish mo mo waḵki/ gwo jin ṯoru ta jim ma Arumgimis mo walla waḵki/ aha/ ṯora gwo ki moshirr pem gana/ mo be.

YOHAAN 8:38

Aha/ ṯorkina gwo ki to jin mishkika/ ’pena Babam pem mo dhali um miiki to jin ciḵa um ’pena babam bum mo be.

YOHAAN 8:41

Um mii to kun ciḵa um ’pena babam bum mo. Uni ki thoḵ a’di gwo mo ki: Aman ’konuki dho’th ki dho’th c̱al mo be. Aman tana ga Baba jin di’d ṯal ’de/ mo a’di jin ta’da Arumgimisi.

YOHAAN 8:55

Hili um ’koki mish a’di mo. Aha/ misha a’di mo be. Waḵki/ aha/ ona gwo ki aha/ mola a’di mo tani aha/ mina ’taki ta aṯor me’d um mo, hili aha/ misha a’di mo dhali aha/ dhuna gwom piti mo be.

MII GUN MIINU MO 13:10

dhali o gwo mo ki: Ayy /e jin ’tu’du/ mo ka maḵi ’baar mo dhali /e jin ta ṯẖuthu/ ki ṯẖuthu/ mo dhali /e jin ta ya/ ma Ibliis mo dhali /e jin ta ’kup̱ ki a’di jin ta mo ma ḵar/e ’baar mo tani mina /e diki daḵ mo mmosusa sus jin ta jim per mo ’taa ’peni miiŋ gana/ gi Tap̱a mowa?

MII GUN MIINU MO 24:9

Dhali ’Kwani Yahuuda/ si’da/ ’dap̱kin ki gwo ki mo jin yeru a’di is ki gway mo mmogam gwo me’d ki to gwansan ta kuŋ gana/ mo be.

MII GUN MIINU MO 5:3

Hila Buṯerus ki o a’di gwo mo ki: Hananiyya, ata ’tu’d ma Seṯaan eya dum pini mmotham gwo o ki Shi/in Dheleladhelel mo dhali boc̱ ’bana kamu/ ’pen ’pena guurush jin yolu/ mo mo sa/?

KURINṮH̱UUS SU/ 11:3

Hili aha/ ḵo/kina is mo, me’d mii jin miina tasha/ mo mmoheka Hawwa e mo ka maḵ piti mo tani ki gwom bum kun kulumkina umi bwa mo tani mini sus um mmoper mo ’peni mii gun daru gi washila/ mo dhali miin dhelelga/ kun ta mii ma gayiin eya Ḵrisṯẖos mo be.

BUṮERUS ’DE/ 5:8

Ḵuthi is ki ’cese/ ’cese/ mo dhali timi mo mo. Haali/ a’di jin ta ’kup̱ki um jin ta tap̱a ma ruma ’cesh mo tani a’di aŋkaski’d ki mis me’da dhop̱ jin aŋkarki ko mo, mmosimm jan ṯal ’deŋ kamu/ e mo mmolos ki ’kolo’c ka kuluny mo.

BUṮERUS SU/ 2:4

Haali/ waḵki/ Arumgimis diki ’tash iman’doyu gwo ’twa/ mo me’d jin miina uni miinthus mo tani, hili a’di ki ṯa’k uni e mo/o’d mo dhali a’di ki dhu uni e jisa ’kulga/ mo kun ta mondhurumi’d jin ’ceṯẖki’da ’tum mo mmodhu uni ntagi gwo jin minu dwall mo be.

YOHAAN ’DE/ 1:8

Waḵki/ ana ona gwo ki ana dara gi miinthus mo tani ana heka is banaŋ gana/ e mo dhali gwoŋ gana/ yisa di’d e ana mo.

YOHAAN ’DE/ 2:21

Aha/ ’kwarkina um gwo yan mo, yisa haali/ um ’koki mish gwoŋ gana/ mo yisa, hili haali/ um mishi a’di mo dhali mish yan mo ka ṯora kamu/ yisa di’d e gwoŋ gana/ yan mo be.

YOHAAN ’DE/ 2:4

A’di c̱aan jin o gwo mo ki: Aha/ misha a’di mo, ihili ush gwoŋḵan piti kun ’kwarkunu ha e mo tani a’di ta’da ṯor mo be dhali gwoŋ gana/ yisa di’da e a’di mo.

YOHAAN ’DE/ 3:12

dhali yisa mmowa e ka Kayiin mo a’di jin ta a’di ’peni a’dinthus ’de/ yin mo dhali ’kosha kam piti jwa mo. Dhali kata ’koshkina a’di a’di mo? Haali/ miim pitiŋ gana/ mo tani ta jin thus mo dhali mii ma kam piti ta jaŋ ḵar/e mo be.

YOHAAN ’DE/ 3:15

Macin ’de/ yin jin shi/ki’da kam piti i e mo tani ta’da man’kosha mee mo be dhali um mishin ki wathi/ jin ’koshki’da mee mo tani diki ta gi mondiki/e ki sule/ ya ye ’ba/ mo jin c̱a’bki’d e a’di mo.

YAHUUSA 1:6

Dhali iman’doyu gwo, uni gun ’koki dhu mom buniŋ gana/ mo kun ’kona uni mo tani hili uni dhalki moŋ’kom pam buni ’pen mo tani uni bu’thkina a’di ka jindhiir ki sule/ sule/ ya ye ’ba/ mo e mondhurumi’da ’tum mo ntaga tee gi gwon dwall jin eḵa/ eḵ mo be.

GWO JIN ’CEENU MO 12:9

Dhali adhan tasha/ a’di biṯkunu ka ’cesh mo, dhan tashan dhamo/ yin mo, a’di jin yuḵkunu gway ki Tap̱a ma Ruma ’Cesh mo dhali ka Seṯaan mo, a’di jin ta’da manhe’k ’kwaniny’cesh e ’baar mo – a’di biṯkunu mo ka ’cesh mo dhali iman’doyu gwonthus piti si’da/ mo, uni ṯa’kkunu ka ’cesh nyaḵki a’di mo.

GWO JIN ’CEENU MO 13:14

Dhali ki dhan jamas mii jin dhalkunu a’di bway mo mmomii mo e buŋ’kus to/e yansan mo tani a’di he’kki ’kwani gwansan e mo, uni kun ’kokin ap̱o/ mony’cesh mo. A’di ki us uni is ki mii mo mmo/uḵ jamas gi to/e mo, a’di jin takina ’kup̱a wambor ki gandala turga/ mo jin ’koshki a’di mo dhali a’di di’d ki e mo naskina/.

GWO JIN ’CEENU MO 2:10

Dhalku/ is ki ḵo/ mo gom to kun mura /e i’kosh is ka nyor nycine/ mo. Hili mo mo ma, tap̱a ma ruma ’cesh ona bwa ki ṯa’k uma tiya eya sijin mo ki um minu ’taki nyo/ mo dhali ka tee kun ’koni ’kume’d mo tani um mini gam monṯo’c bwa mo. Tayi /e a’di jin ta/a isiŋ gana/ mo mmowu mo dhali aha/ mina c̱i /e toŋ’kup̱ gi mondiki/e mo be.

GWO JIN ’CEENU MO 21:8

Hili gom uni gun tana shi/iny jwa mo dhali uni gun dar gi moŋgam gwo is mo, dhali uni gun wali gwo sor mo, dhali uni gun ta iman’kosha mee mo, dhali uni gun ta imanha’k ’pen c̱eŋ gwas mo, dhali uni gun ta imanmii mii ma rum mo, dhali imanluŋ tomp̱inycon mo, dhali aris uni gun tana ṯor mo tani tom buni di’d jin midi ’bag uni e mo eya al o’d mo jin purki’d ki o’d mo dhali to jin si’du mo si’da/, a’di jin ta wu jin ’kon ma p̱o/i su/ mo be.

GWO JIN ’CEENU MO 22:15

Apije/ mo tani arisa ’ka ’kokin mo dhali uni kun mii mii ma rum mo dhali uni gun ha’k ’pen c̱eŋ gwas mo dhali iman’kosha mee mo dhali imanluŋ tomp̱inycon mo dhali aris ’kwani ’baar ka ’deṯe/ ’deṯe/ mo, uni kun enina en thus mo dhali boṯki mii gi imanc̱i gwonthus mo.

GWO JIN ’CEENU MO 9:11

Uni takin ga maliḵ ap̱o/ uni mo a’di jin ta’da man’doyu gwo gi jis jin dar gi ’pemen mo. Gway piti yuḵu ki ’twaŋ ’Kwani Ibraniyiin ka Abadduun mo, dhali ki ’twaŋ ’Kwaniŋ Griḵi a’di yuḵu ka Abulliyyuun mo.