YOHAAN 8:43 - Uduk New Teatament and OT Portions

⁴³ Atinta ’kona um ki mish gwo jin oka/ ’ban mo? Haali/ a’di wakan mmomola um gwom pem ciḵ mo be.

YOHAAN 8:43 Iomraidhean Croise

MAṮṮA 13:15

Haala duŋ ’kwani gwansan uni warkin ka du kun dhethadhe’th mo dhali ’cem buni mo tani usa/us mo mmociḵ gwo mo, dhali em buni mo tani uni ’dap̱kin mo be. Hili isi ciki/ ki uni mini ’taki nyiṯẖ to ki em buni mo dhali ciḵ gwo ki ’cem buni mo dhali mish a’di ’ban ka dum buni mo dhali ṯu’k mo e aha/ mo jin miga/ ’taki wac̱ uni mo be.

YOHAAN 5:25

Ka jiŋ gana/, ka jiŋ gana/ aha/ ṯora um gwo mo ki: Mo midi p̱u’du/ mo dhali a’di diki’d shwane/ mo, ki uni kun wukin mo mini ciḵ ’twa/ gi Ya/ ma Arumgimis mo, dhali uni gwansan kun ciḵkin mo tani mini ’ko ki e mo be.

YOHAAN 5:43

Aha/ p̱u’dkina ki gway ma Babam pem mo dhali um ’koki bu’th aha/ mo. Waḵki/ jan ṯal ’deŋ kamu/ midi ’taki p̱u’du/ ki gway piti mo tani a’di imina umi se ’twa/ ap̱o/ mo mmobu’th mo be.

YOHAAN 6:60

Imanciḵ a’di gwo ka ris ki uni ciḵki gwo yansan mo tani uni o gwo mo ki: Gwo yansan ’bitha’bi’th mo be. Aja a’di imidi mish a’di ciḵ mo?

YOHAAN 7:17

Waḵki/ wathiŋ kamu/ ona bwa ki mii bwam piti mo tani a’di midi mish mo mo waḵki/ gwo jin ṯoru ta jim ma Arumgimis mo walla waḵki/ aha/ ṯora gwo ki moshirr pem gana/ mo be.

YOHAAN 8:27

Dhali uni ’koki mish gwom piti ’ban mo jin okina a’di uni mo gom gwony Com mo be.

YOHAAN 8:33

Uni thoḵki a’di gwo mo ki: Aman tana emen ma Ibrahiim mo dhali aman ’konaki ta c̱iŋkina/ gi ’kwanin tiya mo. Ba ata i/ona /e gwo mo ki: Um minu dhu ki ’kus mo?

YOHAAN 8:39

Uni ki thoḵ a’di gwo mo ki: Ibrahiim ta’da babam bam mo. Dhala Yesus ki thoḵ uni gwo mo ki: Waḵki/ um mini ’taki ta uc̱i ma Ibrahiim mo tani um mini ’taki mii mii kun miin ma Ibrahiim mo be.

MII GUN MIINU MO 7:51

Um ’theḵ ’bam bum imis mo dhali um ’konuki ’ciṯẖa/ munyjal ma du mo dhali ’ce si’da/ mo. Shi/in Dheleladhelel ura um isa yempa/ mo. Me’d jin miikina ibabam bum mo tani wakan miikina um si’da/ mo.

RUUMIYA 3:11

Jaŋ kamu/ yisa di’da jin mishi gwo ’ban mo. Dhali jaŋ kamu/ yisa di’da jin ŋap̱ki’da Arumgimis mo.