YOHAAN 8:42 - Uduk New Teatament and OT Portions

⁴² Yesus ki thoḵ uni gwo mo ki: Waḵki/ Arumgimis midi ’taki ta Ababam bum mo tani um mini ’taki en aha/ mo haali/ aha/ pikina ’peni Arumgimis mo dhali aha/ yayina ’peni a’di mo. Aha/ dinaki yayu/ ki bwam pem mo, hili ki bwa gi a’di jin hashki aha/ mo be.

YOHAAN 8:42 Iomraidhean Croise

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 12:49

Haali/ aha/ dinaki o gwo ’peni moshirr pem gana/ mo. Ababa jin hashki aha/ mo tani a’di ki is piti c̱iki aha/ gwoŋḵan jin ’kwarkunu mo gom gwo jin miga/ i/o mo dhali gwo jin miga/ iṯor mo.

YOHAAN 13:3

Yesus mmomishkina a’di ki Com c̱iki’da ris to ’baar mo e me’d piti mo dhali mmop̱u’dkina a’di ’peni Arumgimis mo dhali mmomina a’di doḵa Arumgimis ka nyaŋ’ko’d mo tani

YOHAAN 14:10

Dina /e ki gam gwo is ki aha/ dina eya Baba dhali Ababa di’d e aha/ ’taa? Gwo kun oka/ um mo tani aha/ dinaki o a’di ki moshirr pem gana/ mo. Hili Ababa jin c̱a’bki’d e aha/ mo tani a’di miiki miim piti mo be.

YOHAAN 16:30

Shwane/ aman misha ki /e mishkina ris to ’baar mo dhali /e mini mii diki ta gi jan ṯal ’deŋ kamu/ mmodoṯ /e gwo mo. Gom ’kup̱ mii yan mo tani aman gamkina gwo is ki /e p̱u’dkin ’peni Arumgimis mo be.

YOHAAN 17:25

Ayy Ababa jin ta’da ḵar/e mo, ’kwaniny’cesh ’koki mish /e mo, hili aha/ mishkina /e mo, dhali uni gwansan imishkin ki /e a’di ihashki aha/ mo be.

YOHAAN 17:8

Haali/ aha/ c̱ikina uni gwo kun c̱ikina /e aha/ mo dhali uni bu’thki uni mo dhali mish ka jiŋ gana/ ki aha/ pikina ’peni /e mo, dhali uni gamki gwo is ki /e a’di ihashki aha/ mo be.

YOHAAN 3:17

Haali/ Arumgimis hashki Ya/m piti i mony’cesh yansan yisa mmowaḵ ’kwaniny’cesh mo, hili ki ’kwaniny’cesh minu woṯẖ ki a’di mo be.

YOHAAN 5:23

ma me’dyin si’da/ taḵkina uniya Baba mo. A’di jin diki taḵ Ya/ mo tani diki taḵa Baba mo a’di jin hashki a’di mo be.

YOHAAN 5:43

Aha/ p̱u’dkina ki gway ma Babam pem mo dhali um ’koki bu’th aha/ mo. Waḵki/ jan ṯal ’deŋ kamu/ midi ’taki p̱u’du/ ki gway piti mo tani a’di imina umi se ’twa/ ap̱o/ mo mmobu’th mo be.

YOHAAN 8:14

Yesus ki thoḵ uni gwo mo ki: Ba isi waḵki/ gwo jin ṯorka/ gom is pem mo tani gwom pem jin ṯorka/ mo tani ta gwoŋ gana/ mo haali/ aha/ misha mo jin yayika/ ’peni cine/ mo dhali mo jin yaka/ iya mo si’da/ hili um ’koki mish mo jin yayika/ ’peni cine/ mo walla mo jin yaka/ iya mo be.

KURINṮH̱UUS ’DE/ 16:22

Waḵka cin ’deŋ kamu/ dara’d gi mo/en gi Tap̱a mo tani dhalki a’di jeenu mo. Tap̱am bam, p̱u’du/ ma.

GALATHIYYA 4:4

Hili ka tee p̱u’dki’d mo mmothimkunu a’di mo tani Arumgimis hashki Ya/m piti mo, a’di jin dhodhu ’pena ’bom mo dhali a’di jin dho’thkunu mo e bwaŋ’kwariny gwoŋḵan jin c̱inu mo be, mmowan uni gwansan ’ba/ mo, uni kun ’kokin mo e bwaŋ’kwariny gwoŋḵan jin c̱inu mo,

YOHAAN ’DE/ 4:14

Dhali ana mishkina mo mo dhali ta iman/o gwo mo goma Baba mo mmohashkina a’di Ya/m piti mo mmota Amanwoṯẖ gom ’kwaniny’cesh mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

GWO JIN ’CEENU MO 22:1

Dhali yan’ko’d a’di ṯorki aha/ yi’de/ jin guski’d mo jin ta yi’de/ jin di ki e mo, jin kushakush jin mii’d ki wa’c wa’c mo, mmoyayaa ŋwac̱a/ mo ’pena ḵursi ma Arumgimis mo dhali Ari Ḵa’bal mo,