YOHAAN 8:21 - Uduk New Teatament and OT Portions

²¹ Doḵ/e a’di ki o uni gwo mo ki: Aha/ yana ya mo dhali um mini ŋap̱ aha/ mo dhali um mini wu mo e miinthus bum mo. Dhali mo jin yaka/ iya icine/ mo tani um mini mol iiyu/ mo be.

YOHAAN 8:21 Iomraidhean Croise

MAṮṮA 23:39

Haali/ aha/ ṯora um gwo mo ki: Um mini ’koki p̱ar aha/ e doḵ/e mo ntagi um mini o gwo mo ki: Mom’bor mii gom a’di jin p̱u’dki’d ki gway gi Tap̱a mo be.

MAṮṮA 25:41

Dhali yan’ko’d a’di midi o uni gwansan gwo mo kun ’kon ki me’da cam piti ki: Iiku/ ’peni aha/ mo ma, um kun jeekunu mo e mo ma al o’d jin midi diki us ki sule/ sule/ mo, a’di jin thosonkunu mo gom tap̱a ma ruma ’cesh mo dhali iman’doyu gwon thus piti mo be.

MAṮṮA 25:46

Dhali uni mini ii mo e mo jin ’konu ki mii ’ba/ ki sule/ mo, hili uni kun miin ka ḵar/e mo tani mini cic̱ mo e moŋ’koki/e ki sule/ sule/ ya ye ’ba/ mo be.

YOHAAN 12:33

A’di oki gwo yansan mo mmoṯor ’pemen jwa jin mina a’di wu mo be.

YOHAAN 12:35

Yesus ki thoḵ uni gwo mo ki: Moŋkush midi nyaḵ di e um ari’ceenne/ mo. Iiyi/ um mo ki moŋkush di’d naskina/ mo, isi ciki/ ki mondhurumi’d midi diki kum um mo. A’diyin jin yaki’d e bwam mondhurumi’d mo tani diki mish mo jin yakina a’di mo be.

YOHAAN 13:33

Ushi uc̱iya, aha/ dina um jasi ari’ceenne/ mo. Um mini ŋap̱ aha/ mo dhali me’d jin okika/ ’Kwani Yahuuda/ gwo mo, wakan si’da/ tani shwane/ aha/ ona um gwo mo ki: Mo yin jin miga/ ya icine/ mo tani mina um mol iiyu/ icine/ mo be.

YOHAAN 7:34

Um mini ŋap̱ aha/ mo dhali um mini ’koki gam aha/ mo haali/ mo jin miga/ ya mo tani mina um moli iiyu/ mo be.

YOHAAN 7:36

Ki ’pemen gwo yan jin ona a’di ta’da taye? jin ona a’di ki: Um mini ŋap̱ aha/ mo tani dhali um mini ’koki gam aha/ mo, dhali, Mo jin dika/ nycine/ mo tani mina um mol iiyu/ icine/ mo be.

YOHAAN 8:24

Aha/ ṯora um gwo mo ki um mini wu mo e miinthus bum mo, haali/ um mini wu mo e miinthus bum mo isi ciki/ um mini ’taki gam aha/ gwo is mo ki aha/ tana a’di mo be.

EP̱ASUS 2:1

Dhali a’di dhuki um ki e mo, ki um kun ’kokin mo mmowu mo gom gwon dhaŋ mo dhali miinthus mo,