YOHAAN 8:2 - Uduk New Teatament and OT Portions

² Dhali mon’thamo/ ka ’tum mo tani a’di p̱u’dki’d e gu’b gi mondheleladhelel doḵ/e mo. Aris ’kwani ’baar mo p̱u’dkini a’di mo. Dhali a’di c̱a’bki’da ’cesh mo dhali ṯor uni gwo mo be.

YOHAAN 8:2 Iomraidhean Croise

MAṮṮA 26:55

Dhali ki mo yan mo tani aYesus ki owa waambuhany ’kwani gwo mo ki: Um iiyin ka pije/ ki gandala turga/ mme’d mo dhali ki cwa mo mmobu’th aha/ mmohabus mo me’d wathin ’di/ mo. Ka tee kun baṯẖani ’ko’d mo tani aha/ dikina mo e gu’b gi mondheleladhelel mo mmoṯor gwo mo dhali um ’koki bu’th aha/ mo be.

LUUKA 21:37

Dhali ka yempa/ mo tani a’di diki’d mo mmoṯor gwo e gu’b gi mondheleladhelel mo hili ki mon’thiny mo tani a’di yaki’d ka pije/ mo dhali c̱a’b mo e ’kuwosh jin yuḵu ka Seṯuun mo be.

LUUKA 21:38

Dhali ki mon’thamo/ ka’tum mo tani aris ’kwani ’baar mo p̱u’dkini a’di mo e gu’b gi mondheleladhelel mo mmociḵ gwo ’peni a’di mo be.

LUUKA 4:20

Dhali a’di mu’thki’da warka/ mo dhali c̱i a’di ka nyaŋ’ko’d mo e a’di jin doshki’d mo mmomii to mo dhali a’di c̱a’bki’da ’cesh mo. Dhali aris e gi ’kwani kun ’kon e gu’b gi montul is mo tani dhoro’thkina p̱o/ a’di mo be.

LUUKA 5:3

Dhali a’di seki’di bwam ma ḵur ’de/ mo a’di jin ta jim ma Simaan mo. A’di ki doṯ a’di mo mmokar a’di ’pen ka pije/ mo ari is ’pena gap̱ mo. Dhali a’di c̱a’bki’da ’cesh mo dhali ṯor ’kwani gwo mo ’peni bwam ma ḵur mo be.

YOHAAN 4:34

Yesus ki thoḵ uni gwo mo ki: Tonṯem pem jin shwaka/ mo tani ta bwa gi a’di jin hashki aha/ mo dhali mmothima ṯu’c piti mo be.

YOHAAN 8:20

Gwo gwansan okin ma Yesus e mo jin dhunuwa guurush mo me’d jin ṯorkina a’di ’kwani gwo e gu’b gi mondheleladhelel mo. Hili wathin ṯal ’deŋ kamu/ yisa di’da jin bu’thki a’di mo haali/ mom piti diki p̱u’d naskina/ mo be.

YOHAAN 8:3

Dhali iman’kwar to mo dhali ’Kwani P̱arisiyiin uni suskina ’bomi a’di mo jin bu’thkunu mo e momii miinyc̱al mo, dhali uni ki kara yimi bwaman mo be.

MII GUN MIINU MO 5:21

Dhali ki uni ciḵ yan mo tani uni sekin e gu’b gi mondheleladhelel ki mo ḵali kush mo dhali uni ki ṯor gwo mo. Hili agasiis jin ca’d yayi’d mo dhali uni kun nyaḵ ’ko ki a’di mo dhali yuḵ uni mo imontul is buni yan imonṯal ’de/ mo dhali montul isa kamu/ ki ’kwani gwanyjaḵa/ gi ’Kwani ma Israyiil mo dhali uni ki hash gwo i gu’ba sijin ki uni minu susu mo be.