YOHAAN 8:18 - Uduk New Teatament and OT Portions

¹⁸ Aha/ ṯora gwo gom is pem mo dhali Ababam pem a’di jin hashki aha/ mo tani a’di ṯorki gwo gom aha/ mo be.

YOHAAN 8:18 Iomraidhean Croise

YOHAAN 10:11

Aha/ tana manhil ḵa’bal jin ’boro’d mo. Amanhil ḵa’bal jin ’boro’d ki kar mondiki/em piti a’cesh gom ḵa’bal mo be.

YOHAAN 10:14

Aha/ tana manhil ḵa’bal jin ’boro’d mo. Aha/ misha kum pem mo dhali kum pem mishi aha/ mo be.

YOHAAN 10:30

Aha/ dhala Baba, aman ṯala ’de/ mo be.

YOHAAN 10:9

Aha/ tana ’twaŋkal mo. Waḵki/ jan ṯal ’deŋ kamu/ midi seyu/ i aha/ mo tani a’di minu woṯẖ mo dhali midi seyu/ bwaman mo dhali ya ka pije/ mo dhali gama shon dhii/i’d mo be.

YOHAAN 11:25

Yesus ki thoḵa yim gwo mo ki: Aha/ tana mompinu dhali moŋ’koki/e mo be. A’diyin jin gamki aha/ gwo is mo tani ba a’di jin wuki’d mo tani hili a’di midi di ki e mo be.

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

YOHAAN 8:12

Doḵ/e Yesus ki ṯor uni gwo mo mmo/o ki: Aha/ tana moŋkush gi ’kwaniny’cesh mo be. A’di jin midi baṯẖ aha/ nsho’k mo tani midi diki ya e mondhurumi’d mo. Hili a’di midi ta gi moŋkush gi mondiki/e mo be.

YOHAAN 8:25

Dhali uni ki o a’di gwo mo ki: /E sa/ tana ja mo? Yesus ki thoḵ uni gwo mo ki: Ma isi gwo yin jin ṯorka/ um mo ’peni ka muŋ’kup̱ mo tani a’di iṯorkika/ umi ’baar mo be.

YOHAAN 8:38

Aha/ ṯorkina gwo ki to jin mishkika/ ’pena Babam pem mo dhali um miiki to jin ciḵa um ’pena babam bum mo be.

YOHAAN 8:51

Ka jiŋ gana/, ka jiŋ gana/ aha/ ṯora um gwo mo ki: Waḵki/ wathin ṯal ’deŋ kamu/ midi dhu gwom pem mo tani a’di midi diki p̱ar wu e ki sule/ mo be.

YOHAAN 8:58

Yesus ki thoḵ uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Nṯwa/a/ ka Ibrahiim diki di mo tani aha/ dikina mo be.

IBRANIYIIN 2:4

ka Arumgimis di’d si’da/ mmoḵal gwo o ki jamas mii mo kun miikina a’di mo dhali aris momer mo dhali aris miimer kun ’kona e ki she/ ki she/ mo dhali ki to kun c̱inu ki me’d ki Shi/in Dheleladhelel mo, kun pwaḵkunu bwa mo isi ki bwam pitiŋ gana/ mo be.