YOHAAN 8:16 - Uduk New Teatament and OT Portions

¹⁶ Ba isi waḵki/ gwo jin dwallka/ mo tani gwon dwall pem ta gwoŋ gana/ mo haali/ aha/ yisa dina aha/ ’de/ mo jin dwalli gwo mo, hili aha/ dhali Ababam pem jin hashki aha/ mo be.

YOHAAN 8:16 Iomraidhean Croise

GWAY GI IDAWUU’D 98:9

ibwambori Tap̱a mo, haali/ a’di midi p̱u’du/ mo mmoji mony’cesh mo be. A’di midi dwall ’kwaniny’cesh gwo ki mii ma ḵar/e mo dhali ’kwani ki dar gi mii ma gwar ’de/ mo be.

GWAY GI IDAWUU’D 99:4

Maliḵ a’di c̱a’bki dem dem mo, a’di jin enki mo ma ḵar/e mo. /E ṯelki mo jin daru gi mii ma dehe/ sho’k mo. /E ki tor gwowa bora ’cesh gom mii ma ḵar/e mo dhali mo ma ḵar/e goma Yakuub mo.

YOHAAN 16:32

Mo midi p̱u’du/ mo. Ka jiŋ gana/ a’di p̱u’dki’d mo ki um minu c̱eker bwa mo, aris umi ’baar mo e gu’b bum ka ’deṯe/ ’deṯe/ mo dhali um mini dhal aha/, aha/ ’de/ mo. Hili aha/ dina aha/ ’de/ yisa, haali/ Ababa a’di nyaḵki di ki aha/ mo be.

YOHAAN 8:29

Dhali a’di jin hashki aha/ mo tani a’di di’d e aha/ mo. A’di diki dhal aha/ ’pen mo haali/ aha/ miina to isa yempa/ kun ’borki a’di bwa mo be.

MII GUN MIINU MO 17:31

haali/ a’di karki’da cim jin mina a’di mii miiwaḵ gom ’kwaniny’cesh mo e mo ma ḵar/e gi wathi/ jin ’kawurkina a’di nṯwa/a/ mo. Gom a’di mo tani a’di c̱iki’da ris ’kwani ’baar mo mmomish mo ki isa duŋ gana/ mo mmo’de’kkina a’di a’di ’peni mowu mo be.

GWO JIN ’CEENU MO 19:11

Dhali yan’ko’d aha/ p̱arkina momis e mo mmoḵa’dkunu a’di ’twa/ mo, dhali hili mo mo ma, aha/ mishkina shumarum kush mo. Dhali a’di yansan jin c̱a’bki’da p̱o/ a’di mo tani gway piti yuḵu ki: A’di jin ta Isiŋ Gana/ mo dhali a’diŋ Gana/ mo, dhali e momii mii ma ḵar/e mo tani a’di dwallki gwo mo dhali kar mo/as mo be.