YOHAAN 8:12 - Uduk New Teatament and OT Portions

¹² Doḵ/e Yesus ki ṯor uni gwo mo mmo/o ki: Aha/ tana moŋkush gi ’kwaniny’cesh mo be. A’di jin midi baṯẖ aha/ nsho’k mo tani midi diki ya e mondhurumi’d mo. Hili a’di midi ta gi moŋkush gi mondiki/e mo be.

YOHAAN 8:12 Iomraidhean Croise

GWAY GI IDAWUU’D 18:28

Nye, /e ḵanyki moŋkush ma lambam pem mo. Tap̱a Arumgimis pem a’di ’twaḵki mondhurumi’d pem ki moŋkush mo.

GWAY GI IDAWUU’D 49:19

a’di midi ya nyaḵki ’kwani ma nyaḵum yil gi icom mo, uni gun mini mol moŋkush p̱ar e ki sule/ sule/ mo.

GWAY GI IDAWUU’D 97:11

Moŋkush kushki mo mo gom uni kun miin ka ḵar/e mo, dhali moŋ’kuny bwa gom uni kun dhelel ma du mo.

MAṮṮA 5:14

Um ta moŋkush gi ’kwaniny’cesh mo be. ’Peŋkuman bampa/ c̱aan jin ḵa’bkunu mo e ’kuwosh mo tani a’di molu ba’k mo be.

LUUKA 2:32

moŋkush yan mmo’cee eya tente/ gom ’kwani kun ’koki ta ’Kwani Yahuuda/ mo dhali gom monyca gom ’Kwanim pini ma Israyiil mo.

YOHAAN 12:35

Yesus ki thoḵ uni gwo mo ki: Moŋkush midi nyaḵ di e um ari’ceenne/ mo. Iiyi/ um mo ki moŋkush di’d naskina/ mo, isi ciki/ ki mondhurumi’d midi diki kum um mo. A’diyin jin yaki’d e bwam mondhurumi’d mo tani diki mish mo jin yakina a’di mo be.

YOHAAN 12:36

Ki um ta gi moŋkush mo tani gami gwo is e moŋkush mo ki um mini ’taki war ki iya/ gi moŋkush mo be. Ka Yesus oki gwo yansan mo tani a’di yaki’d mo dhali bag is piti ’peni uni mo be.

YOHAAN 12:46

Aha/ p̱u’dkina mo mmota moŋkush ma ’cesh yan mo ki a’diyin jin midi gam gwo is e aha/ mo tani midi diki ṯikir di mo e mondhurumi’d mo be.

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

YOHAAN 3:19

Dhali miiwaḵ a’dan be ki moŋkush p̱u’dki’d e ’kwaniny’cesh mo tani dhali ’kwaniny’cesh enki mondhurumi’d mo, mmodhal moŋkush e i is mo haali/ miim buni kun miikina uni mo tani ta thus ki thus mo be.

YOHAAN 7:17

Waḵki/ wathiŋ kamu/ ona bwa ki mii bwam piti mo tani a’di midi mish mo mo waḵki/ gwo jin ṯoru ta jim ma Arumgimis mo walla waḵki/ aha/ ṯora gwo ki moshirr pem gana/ mo be.

YOHAAN 9:5

Me’d jin dika/ e mony’cesh yan mo tani aha/ tana moŋkush gi ’kwaniny’cesh mo be.

MII GUN MIINU MO 13:47

Haali/ wakan si’da/ Tap̱a ḵanki am gwo mo mmo/o gwo mo ki: Aha/ karkina /e mo mmota moŋkush gi ’kwani kun ’koki ta ’Kwani Yahuuda/ mo, ki /e mini ’taki di gom mowoṯẖ mo ntagi mo e mony’cesh jin di’d isa dhana/ nnii mo.

MII GUN MIINU MO 26:23

ka Ḵrisṯẖos yan mina isi mii ’kosh ka nyor mo dhali a’di jin midi ta amanpiya pi nṯwa/a/ jin wuki’d mo midi ’taki c̱i moŋkush ki ’kwani mo dhali ki ’kwani kun ’koki ta ’Kwani Yahuuda/ si’da/ mo.

BUṮERUS SU/ 2:17

Uni gwansan ta jis yi’de/ kun du’dun kun ḵutha e ki ḵu’th mo dhali kun tana shile/ kun borkin ma p̱unthar mo. Gom uni mo tani mondhurumi’da ’tum a’di karkunu mo be.

BUṮERUS SU/ 2:4

Haali/ waḵki/ Arumgimis diki ’tash iman’doyu gwo ’twa/ mo me’d jin miina uni miinthus mo tani, hili a’di ki ṯa’k uni e mo/o’d mo dhali a’di ki dhu uni e jisa ’kulga/ mo kun ta mondhurumi’d jin ’ceṯẖki’da ’tum mo mmodhu uni ntagi gwo jin minu dwall mo be.

YOHAAN ’DE/ 1:6

Waḵki/ ana ona gwo ki ana nyaḵa to mii ki a’di mo dhali ii ka yiha/ mo e mondhurumi’d mo tani ana tana ṯor mo dhali gwoŋ gana/ ’kona ana ki mii mo be.

YAHUUSA 1:13

Anyor yi’deny caaga/ jin bir bakal mo tani uni sekina gabusha/ mo gi mon’the is buniŋ gana/ mo, acul kun tana c̱a/ mo tani mondhurumi’da ’tum karkunu mo gom uni ki sule/ sule/ mo be.

YAHUUSA 1:6

Dhali iman’doyu gwo, uni gun ’koki dhu mom buniŋ gana/ mo kun ’kona uni mo tani hili uni dhalki moŋ’kom pam buni ’pen mo tani uni bu’thkina a’di ka jindhiir ki sule/ sule/ ya ye ’ba/ mo e mondhurumi’da ’tum mo ntaga tee gi gwon dwall jin eḵa/ eḵ mo be.

GWO JIN ’CEENU MO 21:24

Ki moŋkush piti mo tani a’di min ma ris kal gi ’kwaniny’ceshi ii mo dhali aris imaliḵ kun ’koni mony’cesh mo tani mini c̱i monycam buni mo gom a’di mo be,