YOHAAN 8:11 - Uduk New Teatament and OT Portions

¹¹ Ayim ki thoḵ gwo mo ki: Wathi/ yisa di’da Tap̱a. Dhala Yesus ki o a’di gwo mo ki: Wakan si’da/ aha/ dinaki waḵ /e mo be. Yaku/ mo ma dhali dhalku/ miinthus ki mii doḵ/e mo.

YOHAAN 8:11 Iomraidhean Croise

LUUKA 13:3

Aha/ ṯora um gwo mo ki: Yisa. Hili isi ciki/ um mini rica du is mo ki umi ’baar mo minu ’koki ’ce’d sho’k wakan mo be.

LUUKA 13:5

Aha/ ṯora um gwo mo ki: Yisa, hili isi ciki/ um mini rica du is mo ki umi ’baar mo minu ’koki ’ce’d sho’k wakan mo be.

LUUKA 15:10

Dhali wakan si’da/ aha/ ṯora um gwo mo ki moŋ’kuny bwa midi di mo ibwambori iman’doyu gwo ma Arumgimis mo ap̱o/ amanmii miinthus ’de/ jin ri’cki’da du is mo be.

LUUKA 15:32

A’di ha me’d ki haŋ gana/ mo mmo’bor bwa mo dhali mmo’kuny bwa mo goma kam pini yansan jin wuki’d mo dhali a’di di’d ki e mo, a’di jin thiskunu e mo dhali a’di gamkunu mo be.

LUUKA 15:7

Dhali wakan, aha/ ṯora um gwo mo ki mom’bor bwa midi caaca mo ki nyanye/ mo e momis mo ap̱o/ jan ’de/ jin ta’da amanmii miinthus jin ri’cki’da du is mo mmobol uni gun ta iss ’kwanimpa imudhe’d aṯẖka ’de/ e mo kun tana ḵar/e mo uni gun mini mii ’koki ta gi mo gi rica du is mo be.

LUUKA 5:32

Aha/ dinaki yayu/ mo mmoyuḵ ’kwani gun mii miiŋḵar/e mo hili mmoyuḵ uni gun mii miinthus mo mmorica du is mo be.

LUUKA 9:56

Dhali uni iikin mo e bampaŋ kamu/ mo.

YOHAAN 18:36

Yesus ki thoḵ a’di gwo mo ki: Bampam pem jin taka/ tap̱a mo tani diki ta ji gi mony’cesh yansan mo. Waḵki/ mom pem jin taka/ tap̱a mo midi ’taki di e mony’cesh yansan mo tani c̱iŋkinam pem mini ’taki as mo, ki aha/ minu ’taki ’koki c̱i ’Kwani Yahuuda/ mo. Hili mom pem jin taka/ tap̱a mo tani yisa ’peni mony’cesh yana.

YOHAAN 3:17

Haali/ Arumgimis hashki Ya/m piti i mony’cesh yansan yisa mmowaḵ ’kwaniny’cesh mo, hili ki ’kwaniny’cesh minu woṯẖ ki a’di mo be.

YOHAAN 5:14

Dhali yan’ko’d Yesus ki gam a’di e gu’b gi mondheleladhelel mo dhali o a’di gwo mo ki: Hili mo mo ma. /E ’borkina is mo. Dhalku/ miinthusa kamu/ ki mii mii doḵ/e mo jin mina jiŋ kamu/ jin shi/ashi/ mmobol yansan e mo diki ’kosh /e mo.

YOHAAN 8:15

Um dwalli gwo isi gom buŋgwar is mo. Aha/ dinaki dwall jan ṯal ’deŋ kamu/ gwo mo be.

RUUMIYA 2:4

A/e boloc̱kina ris mii kun ta kum pa ma Arumgimis gi mo/en gun ishin ka enthus ki bwa mo ’taa? Dhali mmoguna a’di bwa a’kany’cesh mo dhali mmo’kuc̱a a’di bwa ki ’kari’th mowa? ’Kona um ki misha ki momiin ma Arumgimis ki mo/en mo tani ta ’pemen mmosus um mmorica du is mowa?

KURINṮH̱UUS ’DE/ 5:12

Haali/ a’di diki ta miim pem mmodwall gwo gom uni kun ’kona pije/ mo. A’di diki ta uni gwansan kun ’kon eya ḵaniisa kun mina um idwall gwo mowa?

BUṮERUS SU/ 3:15

Dhali kar mo ma thon jin thonkina Tap̱am bana ana me’di ’ko’d mo gom bway mowoṯẖ mo. Wakan si’da/ akam bana jin enu jin ta’da Buulus mo ’kwarki um gwo mo isi ki gwo ki moyuḵ jin c̱ikunu a’di mo