YOHAAN 7:6 - Uduk New Teatament and OT Portions

⁶ Dhala Yesus ki o uni gwo mo ki: Mom pem diki p̱u’d naskina/ mo be, hili mom bum uni ’kokin isa yempa/ mo.

YOHAAN 7:6 Iomraidhean Croise

GWAY GI IDAWUU’D 102:13

/E mini cu mis mo dhali tayi gi mo/en ma ’thime/ ap̱owa Sihyuun mo. A’di ta’da tente/ jin minu mii mii ka ’the goma yim mo. Atente/ jin karu ’pen ka pije/ a’di p̱u’dki’d mo.

MAṮṮA 26:18

A’di ki o uni gwo mo ki: Iiku/ mo e ’peŋkuman bampa/ mo dhali e jan ’deŋ kamu/ mo dhali o a’di gwo mo ki: Amanṯor gwo o gwo mo ki: Mom pem ’dishi’d mo hila/. Aha/ mina mii rash di ki Mompe’kup̱anyolos yan e gu’b pini nyaḵki imanciḵ aha/ gwo mo be.

YOHAAN 13:1

Dhali nṯwa/a/ ki mo jin yuḵuwa yuḵ ka tul ’kup̱ ki Mompe’kup̱anyolos mo tani aYesus mishki’d ki mom piti p̱u’dki’d mo jin mina a’di ya mo ’peni mony’cesh yansan e com mo tani, a’di enki kum piti kun ’kokin e mony’cesh yansan mo, a’di enki uni ntagi ’pemen mo be.

YOHAAN 17:1

Ka Yesus ’baarki gwo gwansan mmo/o mo tani a’di ’de’kki em piti ’kup̱ ki momis mo dhali o gwo mo ki: Ababa, mo p̱u’dki’d mo. Kari /e Ya/m pini ki ca mo ki Ya/m pini si’da/ midi kar /e ki ca mo be.

YOHAAN 2:4

Dhala Yesus ki owa yim gwo mo ki: Ayy a’boma. A’di midi mii /e katinta dhali aha/ mo? Haali/ mom pem diki p̱u’d naskina/ mo be.

YOHAAN 7:30

Wakan uni ŋap̱ki bway mo mmobu’th a’di mo, hili wathin ṯal ’deŋ kamu/ diki kar me’d piti ap̱o/ a’di mo haali/ mom piti diki p̱u’d naskina/ mo be.

YOHAAN 7:8

Iiku/ um mo ma eya yuḵ jin yuḵu ka tul ’kup̱ ki is bum mo. Aha/ mina diki ya eya yuḵ jin yuḵu mo haali/ mom pem diki p̱u’d mo mmothim mo naskina/ mo.

YOHAAN 8:20

Gwo gwansan okin ma Yesus e mo jin dhunuwa guurush mo me’d jin ṯorkina a’di ’kwani gwo e gu’b gi mondheleladhelel mo. Hili wathin ṯal ’deŋ kamu/ yisa di’da jin bu’thki a’di mo haali/ mom piti diki p̱u’d naskina/ mo be.

MII GUN MIINU MO 1:7

Dhali a’di ki o uni gwo mo ki: A’di diki ta mom bum mmomish mo mo dhali yil mo uni kun dhun ma Baba a’di ’de/ mo mmoc̱i gwo ki moshirr pitiŋ gana/ mo be.