YOHAAN 7:18 - Uduk New Teatament and OT Portions

¹⁸ A’diyin jin oki gwo ki moshirr pitiŋ gana/ mo tani a’di ŋap̱ki monyca ki is piti mo. Hili a’diyin jin ŋap̱ki monyca gi a’di jin hashki a’di mo tani ta jiŋ gana/ mo dhali mii kun ’koki ta kuŋ ḵar/e yisa ’kona e a’di mo be.

YOHAAN 7:18 Iomraidhean Croise

MAṮṮA 6:9

’Thoyi wa cikise/ mo ma: Ababam bam jin di’di momis, dhalki gway pini a’di ḵogu mo ma.

YOHAAN 11:4

Hili ka Yesus ciḵki gwo yansan mo tani a’di ki o gwo mo ki: ’Pemen ’ba’th yansan yisa ta mowuwa. A’di ta mii gom monyca ma Arumgimis mo, wakan ki Ya/ ma Arumgimis minu kar ki ca gom a’di mo be.

YOHAAN 12:28

Ababa, kari /e gway pini ki ca mo. Dhali yan’ko’d ’twa/ p̱u’dki’d ’peni momis mo mmo/o gwo mo ki: Aha/ karkina a’di ki ca mo dhali aha/ mina kar a’di ki ca doḵ/e mo be.

YOHAAN 12:43

Haali/ uni enki montaḵ ’peni ’kwani mo mmodhal montaḵ ’peni Arumgimis e i is mo.

YOHAAN 5:41

Aha/ dinaki bu’th monyca ’peni ’kwani mo.

YOHAAN 8:54

Yesus ki thoḵ uni gwo mo ki: Waḵki/ aha/ kara monycam pem mo tani monycam pem di’d ki buthur mo. A’di ta’da Babam pem jin karki aha/ ca eya tente/ mo, a’di jin okina um ki a’di ta’da Arumgimis bum mo be.

TASALUNIIKI ’DE 2:6

Wakan si’da/ aman ’konaki simm monyca e mo ’peni ’kwani mo walla ’peni um mo walla ’peni ’kwanin tiya mo, ba aman mina ’taki ta ku gun ’theḵki gwo mo gom to mo me’d uni kun dhunu ki she/ mo goma Ḵrisṯẖos mo.

BUṮERUS ’DE/ 4:11

A’diyin jin oki gwo mo tani me’d a’din ’de/ yin jin baḵki gwoŋḵan ma Arumgimis mo. Dhali a’diyin jin mii to e mo jin miinu to mo tani me’d a’din ’de/ yin jin mii to mo ki mom’bi’th jin thip̱ ma Arumgimisa thip̱ mo. Ki mii gi wakan mo tani eya ris to ’baar mo Arumgimis minu kar ki ca mo eya Yesus Ḵrisṯẖos mo be. E a’di mo tani monyca cila a’di mo dhali mo jin tanu tap̱a mo gom ’pemen ki sule/ dhali ki sule/ ya ye ’ba/ mo. Amen.

YOHAAN ’DE/ 2:29

Waḵki/ um mishi mo mo ki a’di ta’da ḵar/e mo tani um mini mish mo mo ka ris uni ’baar ka ’deṯe/ ’deṯe/ kun miin ki ’bore/ mo tani dho’thkunu ’peni a’di mo be.