YOHAAN 7:15 - Uduk New Teatament and OT Portions

¹⁵ Dhali ’Kwani Yahuuda/ merkin mo gom gwom piti mo dhali o gwo mo ki: Ki wathi/ yansan mishki gwo ’peni mana kan mo ki a’di diki di mo naskina/ mmomish gwo deŋ e mo?

YOHAAN 7:15 Iomraidhean Croise

MAṮṮA 13:54

Dhali a’di p̱u’dki’d mo e bampam pitiŋ gana/ mo dhali ṯor uni gwo mo e gu’b gi montul is buni mo. Wakan uni merkin mo dhali o gwo mo ki: ’Peni mana gama wathi/ yansan yuḵ kan mo sa/? Dhali mii mii gwansan kun eḵa/ eḵ mo?

MAṮṮA 22:22

Ki uni ciḵki gwo gwansan mo tani uni merkin mo, dhali uni dhal a’di ’pen mo dhali ii mo be.

MAṮṮA 22:33

Dhali ka waambuhany ’kwani ciḵki gwo yan mo tani uni ’kokin mo mmomer mo gom gwom piti jin ṯora a’di mo be.

LUUKA 2:47

Dhali aris uni kun ciḵ a’di mo tani uni merkin mo gom a’di mo mmomisha a’di gwo ’ban mo dhali gwonthoḵ piti mo be.

LUUKA 4:22

Dhali aris ’kwani ’baar mo o gwo ki ’bore/ gom a’di mo dhali mer mo gom gwo ma ’the kun pikin mo ’peni ’twam piti mo. Dhali uni o gwo mo ki: A’di diki ta Ya/ ma Yuusup̱ mo ’taa?

YOHAAN 1:19

Dhali yansan ta gwo jin ṯor ma Yohaan mo ki ’Kwani Yahuuda/ hashki igasiis mo dhali ’Kwani Lawi ’peni Pa Urushaliim mo mmodoṯ a’di gwo mo ki: Ki /e tana ajaye?

YOHAAN 7:11

Dhali ’Kwani Yahuuda/ ’kokin mo mmoŋap̱ a’di ka cim jin yuḵuwa yuḵ mo dhali o gwo mo ki: Mane a’di sa/?

YOHAAN 7:13

Bahili gom ’Kwani Yahuuda/ mo tani wathin ṯal ’deŋ kamu/ yisa di’da jin oki gwo eya tente/ gom a’di mo be.

YOHAAN 7:46

Dhali iboliish ki thoḵ uni gwo mo ki: Wathiŋ kamu/ yisa di’da jin ṯorki gwo me’d wathi/ yansan mo be.

MII GUN MIINU MO 26:24

Dhali ki a’di c̱iki gwo jin ta jiny ’ce’d shem piti kan mo tani P̱asṯuus oki gwo ki dhan ’twa/ mo ki: Buulus /e guskina du mo ba/. Mmomisha /e to deŋ e kagahara mo a’di ṯu’k /eya du mo mmogus mo.

MII GUN MIINU MO 4:13

Hili ki uni p̱arkina Buṯerus dhala Yohaan e mo ki uni ’koki ju/ ’kwani mo tani dhali gam gwo ki uni ’koki ta ’kwani kun ’kon mmohila warka/ mo dhali ki uni si’da/ ta ’kwani gun moli to tani uni merkin kagahara mo. Dhali uni nyiṯẖkin ki uni nyaḵki ’ko ka Yesus mo.