YOHAAN 7:14 - Uduk New Teatament and OT Portions

¹⁴ Dhali ibwaman ma yuḵ jin yuḵu mo tani Yesus yaki’d ka gagamis mo e gu’b gi mondheleladhelel mo dhali ṯor gwo mo be.

YOHAAN 7:14 Iomraidhean Croise

MAṮṮA 21:12

Dhala Yesus cic̱ki’d e gu’b gi mondheleladhelel ma Arumgimis mo dhali urki’da ris uni ka pije/ mo uni gun yolki to mo dhali kun yoli to mo e gu’b gi mondheleladhelel mo. Dhali a’di ki ’daŋkala tharabeesa gi uni gun wani emena guurush mo dhali moŋ’ko gi uni gwansan kun yoli gurko/ mo be.

MAṮṮA 26:55

Dhali ki mo yan mo tani aYesus ki owa waambuhany ’kwani gwo mo ki: Um iiyin ka pije/ ki gandala turga/ mme’d mo dhali ki cwa mo mmobu’th aha/ mmohabus mo me’d wathin ’di/ mo. Ka tee kun baṯẖani ’ko’d mo tani aha/ dikina mo e gu’b gi mondheleladhelel mo mmoṯor gwo mo dhali um ’koki bu’th aha/ mo be.

LUUKA 19:47

Dhali a’di rashki uni gwo ṯor ka yempa/ mo e gu’b gi mondheleladhelel mo. Igasiis kun can dhali iman’kwar to mo dhali ’kwaniŋ gwanyjaḵa/ uni ŋap̱ki bway mo mmo’ce’d a’di sho’k mo be.

YOHAAN 18:20

Yesus ki thoḵ a’di gwo mo ki: Aha/ ṯorkina ’kwaniny’cesh gwo eya tente/ isa yempa/ mo dhali aha/ ṯorkina gwo isa yempa/ e gu’b gi montul is mo dhali e gu’b gi mondheleladhelel mo, e mo yin jin tulkina ’Kwani Yahuuda/ isi ’baar mo mmonṯal ’de/ mo. Aha/ dinaki ṯor gwoŋ kamu/ ka ḵwal is mo.

YOHAAN 5:14

Dhali yan’ko’d Yesus ki gam a’di e gu’b gi mondheleladhelel mo dhali o a’di gwo mo ki: Hili mo mo ma. /E ’borkina is mo. Dhalku/ miinthusa kamu/ ki mii mii doḵ/e mo jin mina jiŋ kamu/ jin shi/ashi/ mmobol yansan e mo diki ’kosh /e mo.

YOHAAN 7:2

Dhali ayuḵ gi ’Kwani Yahuuda/ jin yuḵuwa yuḵ mo gom Gu’b C̱iŋa/ mo tani ’dishki’d mo be.

YOHAAN 7:28

Wakan Yesus ki ṯor uni gwo mo eya tente/ mo me’d jin ṯorkina a’di gwo e gu’b gi mondheleladhelel mo mmo/o gwo mo ki: Um mishi aha/ mo dhali mo jin yayika/ ’peni cineyi? Hili aha/ dinaki yayu/ ki bwam pem mo. A’di jin hashki aha/ mo tani ta a’diŋ gana mo, dhali a’di tani ’kona um ki mish mo be.

YOHAAN 7:37

Dhali ka cim jiŋ ’ko’d ki mo ma yuḵ jin yuḵu ka tul ’kup̱ mo tani a’di jin ta’da cim jin caaca mo tani Yesus doshki’d ki mis mo dhali ṯor gwo eya tente/ mo mmo/o gwo mo ki: Waḵki/ wathin ṯal ’deŋ kamu/ budha yi’de/ mo tani dhalki a’di yayi’di aha/ mo dhali p̱i mo.

YOHAAN 8:2

Dhali mon’thamo/ ka ’tum mo tani a’di p̱u’dki’d e gu’b gi mondheleladhelel doḵ/e mo. Aris ’kwani ’baar mo p̱u’dkini a’di mo. Dhali a’di c̱a’bki’da ’cesh mo dhali ṯor uni gwo mo be.

YOHAAN 8:20

Gwo gwansan okin ma Yesus e mo jin dhunuwa guurush mo me’d jin ṯorkina a’di ’kwani gwo e gu’b gi mondheleladhelel mo. Hili wathin ṯal ’deŋ kamu/ yisa di’da jin bu’thki a’di mo haali/ mom piti diki p̱u’d naskina/ mo be.