YOHAAN 7:12 - Uduk New Teatament and OT Portions

¹² Dhala dhana gumgum miikin ma waambuhany ’kwani mo gom a’di mo. Kun tiya o gwo mo ki: A’di ta wathi/ jin ’boro’d mo be. Dhali kun tiya o gwo mo ki: Yisa. A’di suski ’kwani mmodheres mo be.

YOHAAN 7:12 Iomraidhean Croise

MAṮṮA 10:25

A’di ’koshi jwa mo goma manciḵ gwo mo mmowa e ka manṯor gwom piti mo be, dhali c̱iŋkina/ si’da/ a’di ’koshi jwa mo mmowa e ki tap̱am piti mo be. Waḵki/ uni mini yuḵ tap̱a gi gu’b gway ka Baalsebuul mo tani bakata ’te/ beseene/ mina uni sor uni gwansan kun ’koni gu’b piti mo.

MAṮṮA 21:46

Hili ki uni palki mii mmobu’th a’di mo tani uni ḵo/kina waambuhany ’kwani mo haali/ uni karki a’di ka manc̱i gwo ma Arumgimis mo be.

MAṮṮA 27:63

dhali o gwo mo ki: Tap̱a, am kakina gwo e jin okin ma manhe’k ’kwani e mo ki a’di di’d ki e mo naskina/ mmo/o gwo mo ki: ’Ko’da cim kwara mo tani aha/ mina cuyu mis doḵ/e mo be.

LUUKA 18:19

Dhala Yesus ki thoḵ a’di gwo mo ki: Atinta yuḵa /e aha/ ki jim ’boro’d mo? Wathin ṯal ’deŋ kamu/ yisa di’da jin ’boro’d mo, hili Arumgimis a’di ’de/ mo be.

LUUKA 23:47

Dhali ka mancil ma askar iss ’kwanimpa imudhe’d p̱arki a’di jin bu’thki mo e mo tani a’di maŋki’da Arumgimis mo dhali o gwo mo ki: Ka jiŋ gana/ wathi/ yansan a’di di’d ka p̱o/ mo be.

LUUKA 23:50

Dhali wathiŋ kamu/ di’d jin yuḵu gway ka Yuusup̱ mo, a’di ’peni pa gi ’Kwani Yahuuda/ mo jin yuḵu ka Arraama mo. A’di ta jan ’de/ ’peni montul is gi ’kwaniŋ gwanyjaḵa/ gi ’Kwani Yahuuda/ mo jin ta wathim ’boro’d mo dhali wathiŋ ḵar/e mo be.

LUUKA 6:45

Wathim ’boro’d jin ish to ḵumma/ jin ’boro’d eya dum piti mo tani wagaski tom ’boro’d mo dhali wathin thus jin isha tonthus ḵumma/ mo eya du mo tani a’di wagaski tonthus mo, haali/ ’peni mo jin isha to ka enthus eya du mo tani ’twa/ a’di ic̱iki gwo ka pije/ mo be.

LUUKA 7:16

Dhali moŋḵo/ is bu’th uni ’baar mo dhali uni karkina Arumgimis ki ca mo mmo/o gwo mo ki: Adhana manc̱i gwo ma Arumgimis a’di cukunu mo e bwam ana mo! Dhali, Arumgimis a’di buṯki’d e ’kwanim piti mo be!

YOHAAN 6:14

Dhali ki ’kwani p̱arki miimer e mo jin miikina a’di mo tani uni o gwo mo ki: Wathi/ yansan ka jiŋ gana/ ta’da manc̱i gwo mo a’di jin midi yayu/ i mony’cesh mo be.

YOHAAN 7:32

Dhali ’Kwani P̱arisiyiin ciḵkina waambuhany ’kwani mmomiikina uni agumgum kan mo gom a’di mo, dhali igasiis kun can mo dhali ’Kwani P̱arisiyiin hashka iboliish mo mmobu’th a’di mo be.

YOHAAN 7:47

Dhali ’Kwani P̱arisiyiin ki thoḵ uni gwo mo ki: A/ki um si’da/ suskunu idheres mo de?

YOHAAN 7:52

Dhali uni ki thoḵ a’di gwo mo ki: /E si’da/ ta wathi/ ’peni Pany Jaliil ’taa? Aggi. Ŋap̱i mo ma dhali /e mini p̱ar e mo haala manc̱i gwo ma Arumgimisa kamu/ yisa di’da jin midi piyu/ mo ’peni Pany Jaliil mo.

YOHAAN 9:16

Dhali ’Kwani P̱arisiyiina tiya ki o gwo mo ki: Wathi/ yansan diki di ’peni Arumgimis mo ba/ haali/ a’di diki kara cim ma pesu/ ki jiŋ ḵogu mo. Hili kun tiya o gwo mo ki: A/ki wathi/ jin ta’da manmii miinthus midi mish miimer gi wakansan mii mowa? Mondher bwa di’di bwaman uni mo be.

MII GUN MIINU MO 11:24

Haali/ a’di ta wathi/ jin ’boro’d mo dhali jin ’tu’du/ mo ki Shi/in Dheleladhelel mo dhali ki moŋgam gwo is mo dhali ’kwani ka ris maru is e Tap̱a mo.

RUUMIYA 5:7

Hili a’di diṯa mii gom jan ṯal ’de/ mo mmo’taki wu mo gom a’di jin ta wathiŋ ḵar/e mo – bahili gom wathim ’boro’d mo tani jan ṯal ’de/ midi ’taki budha du mo mmowu mo be.

P̱ILIBBI 2:14

Miiyi aris to ’baar mo ki dar ga gumgum mo ma walla ki gwo jin doṯuwa doṯ mo.