YOHAAN 6:9 - Uduk New Teatament and OT Portions

⁹ A’ciŋ kamu/ di’di mahan jin ta’d gi maaŋḵuthu’di mudhe’d ’peni emen posa kamu/ mo dhali to yi’de/ isu/ mo. Hili uni gwansan minu miiya tinta ibwaman ’kwani ka ris kun wakan mo?

YOHAAN 6:9 Iomraidhean Croise

GWAY GI IDAWUU’D 147:14

A’di karki moŋḵu’th is e bwaŋgwayum bum mo. A’di ’tu’dki um bwa ka dip̱any pos bunyan jin thebera/ e ki theber mo.

GWAY GI IDAWUU’D 78:19

Uni ki o gwo ap̱owa Arumgimis mo mmo/o gwo mo ki: A/Arumgimis mishi c̱i ana tonṯe/ mmoshwa e bwaashowa?

GWAY GI IDAWUU’D 78:41

Uni palki a’di doḵ/e dhali doḵ/e mo dhali rukuny A’din ’De/ jin Ḵogu jin ta jima Israyiil mo.

GWAY GI IDAWUU’D 81:16

Aha/ mina ’taki thip̱ um ki pos bunyan gana/ mo dhali ka dham ’peni wosh jin midi ’taki kap̱ um moyi.

MAṮṮA 14:17

Uni ki thoḵ a’di gwo mo ki: Am tana gi jasi maaŋḵuthu’di mudhe’d mmahan mo dhali to yi’de/ isu/ mo be.

MAṮṮA 16:9

’Kona um ki nyiṯẖ mo ’taa? ’Kona um ki ka gwo e gom maaŋḵuthu’d kun shwana ’kwani alaap̱i mudhe’d mo dhali anura/ ekata i’tu’dkina um mo mmotul is mo?

MARKUS 6:38

Dhali a’di ki o uni gwo mo ki: Um ’kon ma guraasa ekata mo? Iiku/ mo dhali p̱ar e mo ma. Dhali ki uni gamki a’di mo tani uni ki o a’di gwo mo ki: Imudhe’d mo dhali to yi’de/ ’koni su/ mo be.

MARKUS 8:19

Ki aha/ ’ce’dkina maaŋḵuthu’di mudhe’d mo gom ’kwani alaap̱i mudhe’d mo dhala nura/ ekata i’tu’dkina um ki kuluny maa kun uri ’kup̱ mo? Uni ki thoḵ a’di gwo mo ki: I’kume’d i’ce’dka su/ mo be.

LUUKA 9:13

Hili a’di ki o uni gwo mo ki: Um mini c̱i uni tonṯe/ mmoshwa mo. Dhali uni thoḵ a’di gwo mo ki: Ana dara gi to ki nyanye/ mo jasi maaŋḵuthu’di mudhe’d mo dhali to yi’de/ isu/ mo isi ciki/ ana mina mii ii mo dhali yol tonṯe/ goma ris ’kwani kun wakansan mo be.

YOHAAN 11:21

Marṯẖa ki owa Yesus gwo mo ki: Tap̱a, waḵki/ /e mini ’taki di imahan mo tani akam pem midi ’taki diki wu mo be.

YOHAAN 11:32

Dhali yan’ko’d, aMariyam, ka yim p̱u’dki’d e mo jin din ma Yesus mo dhali p̱ar a’di e mo tani a’di biṯki’di sho’k piti mo dhali o gwo mo ki: Tap̱a, waḵki/ /e mini ’taki di imahan mo tani akam pem midi ’taki diki wu mo be.

YOHAAN 21:10

Yesus ki o uni gwo mo ki: Ḵali to yi’den tiya mo ma kun daḵa bu’thkina um mo.

YOHAAN 21:13

Yesus p̱u’dki’d mo dhali bu’th maaŋḵuthu’d mo dhali c̱iki uni mo dhali to yi’de/ miikina a’di kan si’da/ mo be.

YOHAAN 21:9

Ki uni pikin ka pije/ eya ’cesh mo tani uni p̱arki o’d e jin ’thanu ka ’cila’th imun mo dhali to yi’de/ mmo’ko i o’d mo dhali maaŋḵuthu’d mo be.

YOHAAN 6:11

Yan’ko’d Yesus ki bu’th maaŋḵuthu’d mo dhali ki a’di ’borki’da ’bor bwa i is mo tani a’di ki c̱iki uni gwansan kun ’kokina ’cesh mo. Dhali to yi’de/ si’da/ miikunu wakansan mo me’d jin ŋap̱kina uni a’di mo be.

YOHAAN 6:7

P̱ilibbus ki thoḵ a’di gwo mo ki: Ariyaal iss ’kwanimpa ipe’de/ midi ’taki diki yol maaŋḵuthu’d mmo’kosh jwa mo gom uni ’baar mo ka ’deṯe/ ’deṯe/ mmo’ceṯẖ bwa ime’d ki gwa’d gwa’d mo.

KURINṮH̱UUS SU/ 8:9

Haali/ um mishkina ’the gi Tap̱a Yesus Ḵrisṯẖos bana mo, ba ki a’di ta pa ki pa mo tani a’di warki’d ka ha’th’ko’d gom gway bum mo. Wakan ki mo ma ha’th’ko’d piti mo tani um mini war ki uni gun ta pa ki pa mo be.

GWO JIN ’CEENU MO 6:6

Dhali aha/ ciḵkina ’twa/ jin wana e ki a’di jin doshki’di bwaman to/e kun ’koni doŋon kun ’kon ki e mo mmo/o gwo mo ki: Pos bunyan jin baru ka gada mo ki nasa guurush mo dhali pos bunyana kamu/ jin baru ka gada karka ba’de/ ap̱o/ mo ki nasa guurush mo. Hili dhalku/ ki shi/a yin is mo dhali yimana mura’th jin ḵa/u ki ŋah ŋah mo.