YOHAAN 6:57 - Uduk New Teatament and OT Portions

⁵⁷ Dhali me’da Babam pem jin di’d ki e mo dhali hash aha/ mo tani dhali aha/ dina ki e mo goma Baba mo, wakan a’diyin jin midi ’ka aha/ mo tani midi di ki e mo gom aha/ mo be.

YOHAAN 6:57 Iomraidhean Croise

GWAY GI IDAWUU’D 18:46

Tap̱a di ki e mo dhali mom’bor mii midi di gom wosh pem mo, dhali mo/eḵ midi di goma Arumgimis pem jin ta bway mowoṯẖ pem mo.

MAṮṮA 16:16

Simaan Buṯerus thoḵ a’di gwo mo ki: /E tana Ḵrisṯẖos mo, Ya/ ma Arumgimis jin di’d ki e mo be.

YOHAAN 14:19

Shini naskina/ dhali ’kwaniny’cesh mini ’koki p̱ar aha/ e doḵ/e mo. Hili um mishki aha/ mo. Haali/ aha/ dina ki e mo tani um si’da/ mini ’ko ki e mo be.

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

YOHAAN 17:21

ki uni ’baar mo mini ṯal ’de/ mo, isi me’dyin /e jin tana Baba dikin e aha/ mo, dhali aha/ e /e mo, ki uni si’da/ mini ’ko e ana mo, wakan ki ’kwaniny’cesh mini gam gwo is ki /e hashki aha/ mo be.

YOHAAN 3:17

Haali/ Arumgimis hashki Ya/m piti i mony’cesh yansan yisa mmowaḵ ’kwaniny’cesh mo, hili ki ’kwaniny’cesh minu woṯẖ ki a’di mo be.

YOHAAN 5:26

Haali/ me’d jin tan ma Baba gi mondiki/e e is piti mo tani wakan si’da/ a’di c̱iki a’di Ya/m piti mo mmota gi mondiki/e e is piti mo be.

YOHAAN 6:29

Yesus ki thoḵ uni gwo mo ki: Mii yaase a’di ta mii jin minu mii goma Arumgimis mo ba/ ki um mini gam a’di gwo is mo, a’di jin hashkina a’di ki yayu/ mo be.

YOHAAN 6:38

Haali/ aha/ p̱u’dkina i mony’cesh yansan ’peni momis mo, yisa mmomii ki bwam pem yisa, hili ki bwa gi a’di jin hashki aha/ mo be.

KURINṮH̱UUS ’DE/ 15:22

Haali/ me’d jin wukina ’kwani ’baar mo eya Aadam mo tani wakan si’da/ eya Ḵrisṯẖos mo tani aris uni ’baar mo minu dhu ki e mo be.

KURINṮH̱UUS ’DE/ 15:45

A’di i’kwarkunu gwo gi wakan mo be ki: Dhala Aadam yan jin ta jin ṯwa/a/ mo tani warki’d ki to jin di ki e mo, dhala Aadam jin ta jiŋ ’ko’d mo tani warki’d ki shi/in jin c̱i mondiki/e mo be.

KURINṮH̱UUS SU/ 13:4

Haali/ a’di ’koshkunu jwa mo ki cwany’ciṯẖan dhul mo e mo jin ’ka’da a’di is ki ’ka’d mo, hili a’di di’d ki e mo doḵ/e ki mom’bi’th ma Arumgimis mo. Haali/ aman ’ka’da is e a’di mo, hili mo jin ṯu’bu/ um mo tani aman mina nyaḵ ’ko ki a’di mo ki mom ’bi’th ma Arumgimis mo be.

GALATHIYYA 2:20

Aha/ nyaḵkunu ’kosh ki cwany’ciṯẖan dhul nyaḵka Ḵrisṯẖos mo. Dhali a’di yisa ta aha/ jin dina ki eya, hili aḴrisṯẖos a’di jin diki’d ki e e aha/ mo. Dhali mondiki/e jin dika/ ki e e buŋgwar is mo shwane/ tani aha/ dina ki e ki moŋgam gwo is mo e Ya/ ma Arumgimis mo, a’di jin enki aha/ mo dhali c̱i is piti mo gom aha/ mo be.

TASALUNIIKI ’DE 1:9

Haali/ uni ki is buni be’dki isi gwo mo gom aman mo gom han jin hankunu aman mo e bwaman um mo dhali gom mom bum jin ṯu’kkina um mo eya Arumgimis mo ’peni aris tomp̱inycon mo mmomii to gom a’di jin di ki e mo, a’di jin ta’da Arumgimis gana/ mo be,

IBRANIYIIN 9:14

bakata ’te/ imin ma bas ma Ḵrisṯẖos, a’di jin c̱i is piti ka Arumgimis mo ki Shi/in gi mo ma sule/ ya ye ’ba/ mo, a’di jin dara’d gi thalkin mo mmodiki dhelel um ’twa/ ma dum bum ’peni mii kun wukin mo mmomii to goma Arumgimis jin di ki e mo.

YOHAAN ’DE/ 4:9

Dhali e mii yan kan mo tani mo/en ma Arumgimis a’di ṯorkunu eya tente/ e bwam ana mo, ka Arumgimis hashki Ya/m pitin ’de/ mo e mony’cesh mo, wakan ki ana mina ’ko e a’di mo be.