YOHAAN 5:7 - Uduk New Teatament and OT Portions

⁷ Dhali wathi/ jin ’batha’d a’di ki thoḵ a’di gwo mo ki: Tap̱a, aha/ dara gi wathi/ mmokar aha/ eya al mo ki yi’de/ baŋgalki is mo, dhali ki aha/ dina mmoya mo tani jaŋ kamu/ thulki’di ṯwa/a/ ki aha/ mo be.

YOHAAN 5:7 Iomraidhean Croise

GWAY GI IDAWUU’D 142:4

Aha/ hilkina mo ki ’bana bim poros mo dhali tim mo mo, hili jaŋkamu/ yisa di’da jin tor aha/ ki e mo. Mo jin huru jwa yisa di’d gom aha/ mo. Wathi/ p̱iyi’d jin hilki’da hil gom aha/ mo.

GWAY GI IDAWUU’D 72:12

Haali/ a’di ’cuḵki uni gun mini mii ta gi to mo, ki a’di yuḵki’da yuḵ mo, a’di jin hatha’ko’d mo dhali a’di jin dar gi wathi/ mmowoṯẖ a’di mo.

YOHAAN 5:2

Dhali ara al yi’de/ diki’d e Pa Urushaliim e ’twaŋkala goŋ ḵa’bal mo jin yuḵkunu ki ’twaŋ ’Kwani Ibraniyiin ka Beeṯ/hisda mo, a’di jin ’kokin ma lambalanyi mudhe’d mo be.

YOHAAN 5:3

Dhali mo yansan a’di ta mo jin ishkin ma waambuhany ’kwani kun aṯẖa mom’bi’th mo dhali kun takina ja’da/ mo dhali kun ta ŋwol mo dhali kun ḵu’thkina is guŋkuru/ mo, mmoc̱or yi’de/ mmobaŋgal is mo,

YOHAAN 5:4

haala man’doyu gwo gi Tap̱a thulki’d ki me’da tiya eya al mo dhali mmobaŋgal yi’de/ is mo. Dhali a’diyin jin thulki yi’de/ nṯwa/a/ ’ko’di yi’de/ baŋgalkunu is mo tani a’di wac̱ki’d ’peni ’ba’th yin jin ’koshki a’di mo be.

YOHAAN 5:6

Dhali ka Yesus p̱arki a’di e mo mmo/isha a’di ’ko’da ’cesh ki rash rash mo tani a’di ki o a’di gwo mo ki: /E ŋap̱an ki /e minu wac̱ mowa?

RUUMIYA 5:6

Dhali ki ana ’kokina ki dar gi ’bi’th mo tani ki embula ’borga/ yansan mo tani aḴrisṯẖos wuki’d mo gom ku gi ushuna ush goma Arumgimis mo be.

KURINṮH̱UUS ’DE/ 9:24

’Kona um ki misha ki e mo jin p̱aru sho’k mo tani aris uni gun dhunu mo mmop̱ar sho’k mo tani uni p̱arki sho’k mowa? Hili jasi a’din ’de/ a’di ibu’thki tontaḵi. Wakan soyi mo ki um mini bu’th a’di mo.