YOHAAN 5:25 - Uduk New Teatament and OT Portions

²⁵ Ka jiŋ gana/, ka jiŋ gana/ aha/ ṯora um gwo mo ki: Mo midi p̱u’du/ mo dhali a’di diki’d shwane/ mo, ki uni kun wukin mo mini ciḵ ’twa/ gi Ya/ ma Arumgimis mo, dhali uni gwansan kun ciḵkin mo tani mini ’ko ki e mo be.

YOHAAN 5:25 Iomraidhean Croise

YOHAAN 5:28

Dhalku/ ki mer gom gwo yansan mo haali/ mo midi p̱u’du/ mo ka ris ’kwani ’baar mo kun ’kokin mo e jis jwa mo tani mini ciḵ ’twam piti mo be

EP̱ASUS 5:14

Wakan a’di okunu gwo mo ki: Meri is mo, ayy /e jin ishki e mo, dhali cuyi mis mo ’peni mowu mo dhala Ḵrisṯẖos midi c̱i /e moŋkush mo be.

EP̱ASUS 2:5

isi kani ki ana ’kokina mo mmowu mo e gwon dhaŋ bana mo tani a’di ki dhu ana mo mmo’ko ki e mo mmonṯal ’de/ mo nyaḵka Ḵrisṯẖos mo (Ka ’the mo tani um woṯẖkunu mo be),

YOHAAN 4:23

Hili, mo midi p̱u’du/ mo dhali a’di a’dan shwane/ mo ki uni gun luŋkina luŋ ki bwaŋ gana/ mo tani mini luŋa Baba ki shi/in mo dhali ki gwoŋ gana/ mo haala Baba ŋap̱ki ku gi wakansan mmoluŋ a’di mo be.

GWO JIN ’CEENU MO 3:1

Dhali eya man’doyu gwo ma ḵaniisa gi Pan Sardis mo tani ’kwari gwo mo ki: Gwo gi a’di jin ta’d gi shi/in ma Arumgimis kun ’koni pesu/ mo dhali acul kun ’koni pesu/ mo be, mmo/o gwo mo ki: Aha/ misha miin tom pini mo. /E takin gi gway gi a’di jin di ki e mo dhali /e ki is pini a’di iwuni.

YOHAAN 8:47

A’diyin jin ta jim ma Arumgimis mo tani ciḵki’da Arumgimis gwo mo. Dhali gom gwo jin ’kona um ki ciḵ a’di mo tani um ’koki ta ku ma Arumgimis mo be.

KULUSSI 2:13

Dhali um, um kun ’kokin mo mmowu mo e gwon dhaŋ mo dhali e mo ma munyjal yis bum jin ’konuki ’ciṯẖ um mo e shuman is bum mo tani Arumgimis a’di ki dhu ki e mmonṯal ’de/ nyaḵki a’di mo, mmodhalkina a’di ana aris gwon dhaŋ bana ’pen mo,

EP̱ASUS 2:1

Dhali a’di dhuki um ki e mo, ki um kun ’kokin mo mmowu mo gom gwon dhaŋ mo dhali miinthus mo,

RUUMIYA 6:4

Ana ’kokunu mo mmokan mo kan nyaḵki a’di mo e jwam piti mo. Dhali wakan si’da/ me’da Ḵrisṯẖos mmocukunu a’di mis mo ’peni mowu ki monyca ma Baba mo tani ana si’da/ mina nyaḵ mondiki/en this yan mo be.

YOHAAN 8:43

Atinta ’kona um ki mish gwo jin oka/ ’ban mo? Haali/ a’di wakan mmomola um gwom pem ciḵ mo be.

YOHAAN 5:21

Haali/ me’d jin ’de’kkin ma Baba uni kun wukin mo dhali c̱i uni moŋ’koki/e mo tani wakan si’da/ Ya/ c̱iki uni moŋ’koki/e mo uni gun ona bwa a’di mo be.

LUUKA 15:24

Haali/ ya/m pem yansan a’di wuki’d mo dhali a’di piki’d mo shwane/ doḵ/e. A’di thiski e mo tani, dhali a’di gamkunu mo. Dhali uni ṯelki mii ’pen mo mmo’bor bwa mo be.

LUUKA 9:60

Hili a’di ki o a’di gwo mo ki: Dhalki jwa uni kan c̱eny jwam buniŋ gana/ mo ma. Hili gom /e mo tani yayi mo dhali ṯor Bampa/ ma Arumgimis eya tente/ mo.

YOHAAN 4:21

Yesus ki thoḵa yim gwo mo ki: A’boma, gami aha/ gwo is mo ma. Mo midi p̱u’du/ mo ki um mini ’koki luŋa Baba e ’kuwosh yan mo walla e Pa Urushaliim mo be.

LUUKA 15:32

A’di ha me’d ki haŋ gana/ mo mmo’bor bwa mo dhali mmo’kuny bwa mo goma kam pini yansan jin wuki’d mo dhali a’di di’d ki e mo, a’di jin thiskunu e mo dhali a’di gamkunu mo be.

YOHAAN 17:1

Ka Yesus ’baarki gwo gwansan mmo/o mo tani a’di ’de’kki em piti ’kup̱ ki momis mo dhali o gwo mo ki: Ababa, mo p̱u’dki’d mo. Kari /e Ya/m pini ki ca mo ki Ya/m pini si’da/ midi kar /e ki ca mo be.

YOHAAN 13:1

Dhali nṯwa/a/ ki mo jin yuḵuwa yuḵ ka tul ’kup̱ ki Mompe’kup̱anyolos mo tani aYesus mishki’d ki mom piti p̱u’dki’d mo jin mina a’di ya mo ’peni mony’cesh yansan e com mo tani, a’di enki kum piti kun ’kokin e mony’cesh yansan mo, a’di enki uni ntagi ’pemen mo be.

YOHAAN 6:60

Imanciḵ a’di gwo ka ris ki uni ciḵki gwo yansan mo tani uni o gwo mo ki: Gwo yansan ’bitha’bi’th mo be. Aja a’di imidi mish a’di ciḵ mo?

YOHAAN 9:27

A’di ki thoḵ uni gwo mo ki: Aha/ ṯorkina um gwo mo hila/ dhali um ushki gwo ciḵ moyi. Ba tinta iŋap̱a um a’di mmociḵ doḵ/e sa/? Um si’da/ ŋap̱an mmowar ki imanciḵ a’di gwo mo ’taa?