YOHAAN 5:18 - Uduk New Teatament and OT Portions

¹⁸ Dhali gom gwo yan kan mo tani ’Kwani Yahuuda/ ’baar mo ŋap̱kina ŋap̱ mo ka dun dara’d mo mmo’kosh a’di mo haali/ a’di ilu/ yisa ’ce’dki jasa cim ma pesu/ yisa, hili si’da/ a’di yuḵki’da Arumgimis ki Com mo mmokar is piti mmonyaḵa nyaḵ ka Arumgimis mo be.

YOHAAN 5:18 Iomraidhean Croise

MAṮṮA 12:5

Walla ’kona um ki deŋ gwoŋḵan jin c̱inu e mo goma cim ma pesu/ mo ki igasiis kun ’kon e gu’b gi mondheleladhelel mo tani uni ’koki kara cim ma pesu/ ki jiŋ ḵogu mo dhali uni ’kon ka p̱o/ mo?

YOHAAN 1:19

Dhali yansan ta gwo jin ṯor ma Yohaan mo ki ’Kwani Yahuuda/ hashki igasiis mo dhali ’Kwani Lawi ’peni Pa Urushaliim mo mmodoṯ a’di gwo mo ki: Ki /e tana ajaye?

YOHAAN 10:30

Aha/ dhala Baba, aman ṯala ’de/ mo be.

YOHAAN 10:33

’Kwani Yahuuda/ thoḵki a’di gwo mo ki: Aman mina ’kosh /e ki wosh gom miim ’boro’d yisa hili gom gwo sor jin walkina /e mo, haali/ /e jin ta wathiny’cesh kan mo kar is pini ka Arumgimis mo.

YOHAAN 14:23

Yesus ki thoḵ a’di gwo mo ki: Waḵki/ wathi/ midi en aha/ mo tani a’di midi dhu gwom pem mo, dhali Ababam pem midi en a’di mo, dhali aman mina iiyu/ mo i a’di mo dhali mii moŋ’kom bam nyaḵki a’di mo be.

YOHAAN 14:9

Yesus ki o a’di gwo mo ki: Aha/ dina i /e ki rash rash kan mo dhali dina /e ki mish aha/ naskina/ P̱ilibbus? A’di jin p̱arki aha/ e mo tani p̱arki’da Baba e mo. Ba kata ona /e ki: Ṯor am Ababa i e mo?

YOHAAN 19:7

’Kwani Yahuuda/ ki thoḵ a’di gwo mo ki: Aman tana gi gwoŋḵan jin c̱ikunu mo dhali ki gwoŋḵan jin c̱ikunu mo tani a’di ḵa ba/ imidi wu moyi, haali/ a’di kar is piti mmota Ya/ ma Arumgimis mo be.

YOHAAN 5:15

Dhali wathi/ yaki’d mo dhali ṯor ’Kwani Yahuuda/ gwo mo ka Yesus a’di iwac̱ki a’di mo be.

YOHAAN 5:16

Dhali gom mii yan kan mo tani a’di ṯoca ’Kwani Yahuuda/ aYesus ’kus mo haali/ a’di miiki mii yansan ka cim ma pesu/ mo be.

YOHAAN 5:17

Hila Yesus thoḵ uni gwo mo ki: Ababam pem di’d naskina/ mmomiiya ṯu’c mo. Dhali aha/ si’da/ dina mmomiiya ṯu’c mo.

YOHAAN 5:23

ma me’dyin si’da/ taḵkina uniya Baba mo. A’di jin diki taḵ Ya/ mo tani diki taḵa Baba mo a’di jin hashki a’di mo be.

YOHAAN 7:1

’Ko’di mii yan mo tani Yesus yaki’d e Pany Jaliil mo. A’di ushki ya Pa Yahuudiyya mo haali/ ’Kwani Yahuuda/ uni ŋap̱ki a’di mmo’kosh jwa mo be.

YOHAAN 7:19

Din ma Musa ki c̱i um gwoŋḵan jin c̱inu mowa? Dhali jan ṯal ’deŋ kamu/ ’peni um yisa di’da jin dhuki gwoŋḵan jin c̱inu mo. Ata iŋap̱kina um aha/ mmo’kosh mo?

YOHAAN 8:54

Yesus ki thoḵ uni gwo mo ki: Waḵki/ aha/ kara monycam pem mo tani monycam pem di’d ki buthur mo. A’di ta’da Babam pem jin karki aha/ ca eya tente/ mo, a’di jin okina um ki a’di ta’da Arumgimis bum mo be.

YOHAAN 8:58

Yesus ki thoḵ uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Nṯwa/a/ ka Ibrahiim diki di mo tani aha/ dikina mo be.

P̱ILIBBI 2:6

a’di ba/ a’di jin ta jamas ma Arumgimis mo tani a’di diki o ki mo gi nyaḵa nyaḵ ka Arumgimis midi ta to jin minu bu’th ki wup̱ mo.

GWO JIN ’CEENU MO 22:1

Dhali yan’ko’d a’di ṯorki aha/ yi’de/ jin guski’d mo jin ta yi’de/ jin di ki e mo, jin kushakush jin mii’d ki wa’c wa’c mo, mmoyayaa ŋwac̱a/ mo ’pena ḵursi ma Arumgimis mo dhali Ari Ḵa’bal mo,

GWO JIN ’CEENU MO 22:3

Moŋkamu/ midi di yisa jin min ma manjeeya jee idi mo, hili jasa ḵursi ma maliḵ ma Arumgimis mo dhali ji gi Ari Ḵa’bal mo a’di midi di nycine/ mo, dhali c̱iŋkinam piti mo uni imini luŋ a’di mo.