YOHAAN 5:15 - Uduk New Teatament and OT Portions

¹⁵ Dhali wathi/ yaki’d mo dhali ṯor ’Kwani Yahuuda/ gwo mo ka Yesus a’di iwac̱ki a’di mo be.

YOHAAN 5:15 Iomraidhean Croise

MARKUS 1:45

Hili a’di yaki’d ka pije/ mo dhali ṯel mii ’pen mo mmobah gwo gom a’di ’baḵany mo dhali mmoḵal gwo ki lala’th mo. Wakan a’di mol ma Yesus cic̱ bampa/ doḵ/e mo eya tente/, hili a’di di’d ka pije/ ’peni bampa/ mo, dhali ’kwani p̱u’dkini a’di mo ’peni aris shemen bampa/ mo be.

YOHAAN 1:19

Dhali yansan ta gwo jin ṯor ma Yohaan mo ki ’Kwani Yahuuda/ hashki igasiis mo dhali ’Kwani Lawi ’peni Pa Urushaliim mo mmodoṯ a’di gwo mo ki: Ki /e tana ajaye?

YOHAAN 4:29

Iiyu/ mo ma dhali p̱ar wathiŋ kamu/ e mo jin ṯorki aha/ aris tom pemi ’baar mo kun miikika/ mo. Yansan diki ta Ḵrisṯẖos ’teya?

YOHAAN 5:10

Dhali wakan ’Kwani Yahuuda/ ki o wathi/ jin wac̱kunu gwo mo ki: A’di ta’da cim ma pesu/ mo. A’di diki ta mii jin dhala gwoŋḵan /e bway mo mmoḵala cim pini mo be.

YOHAAN 5:12

Dhali uni ki thoḵ a’di gwo mo ki: Ki wathi/ jana i/o /e gwo kan mo? mmo/o gwo mo ki: ’Deki acim pini dhali yayi mo?

YOHAAN 5:16

Dhali gom mii yan kan mo tani a’di ṯoca ’Kwani Yahuuda/ aYesus ’kus mo haali/ a’di miiki mii yansan ka cim ma pesu/ mo be.

YOHAAN 5:18

Dhali gom gwo yan kan mo tani ’Kwani Yahuuda/ ’baar mo ŋap̱kina ŋap̱ mo ka dun dara’d mo mmo’kosh a’di mo haali/ a’di ilu/ yisa ’ce’dki jasa cim ma pesu/ yisa, hili si’da/ a’di yuḵki’da Arumgimis ki Com mo mmokar is piti mmonyaḵa nyaḵ ka Arumgimis mo be.

YOHAAN 9:15

Dhali ’Kwani P̱arisiyiin doḵ/e ki doṯ a’di gwo mo ki a’di mishi bu’th momish mom piti kata mo. Dhali a’di ki o uni gwo mo ki: A’di karki’da je e em pem mo dhali aha/ lamkina mo tani aha/ mishkina mo mo be.

YOHAAN 9:25

A’di ki thoḵ uni gwo mo ki: Waḵki/ a’di ta’da manmii miinthus mo tani aha/ mola mo be. Jasi ton ṯal ’de/ a’di imishka/ mo ba/ me’d jin taka/ ja’da/ mo tani aha/ misha mo shwane/ mo be.

YOHAAN 9:30

Dhali wathi/ ki thoḵ uni gwo mo ki: Ba mii yansan ta miimer mo be. Ki um ’koki mish mo jin yayina a’di ’peni cine/ mo dhali hili a’di ḵa’dki aha/ em pem mo be.

YOHAAN 9:34

Dhali uni ki thoḵ gwo mo ki: /E jin dho’thkunu e miinthus kan mo tani dhali mina /e imish am gwo ṯora? Dhali uni ki ur a’di ka pije/ mo be.