YOHAAN 4:9 - Uduk New Teatament and OT Portions

⁹ Dhala ’bom gi Pan Saamira ki thoḵ a’di gwo mo ki: Ki /e jin ta Wathi/ Yahuuda/ ’tho aha/ yi’de/ ip̱i manakan? aha/ jin tana ’bom gi Pan Saamira mo? Haali/ ’Kwani Yahuuda/ usha gwo me’d nyaḵki ’Kwani Samiriyiin mo be.

YOHAAN 4:9 Iomraidhean Croise

MAṮṮA 10:5

Uniŋ ’kume’d i’ce’dka su/ gwansan hashkin ma Yesus ka pije/ mo mmoḵan uni gwo mo ki: Dhalku/ ki ii mo e bwaman mo kun ’kona ’kwani kun ’koki ta ’Kwani Yahuuda/ mo ma dhali dhalku/ ki cic̱ mo e bampa/ gi Pa Saamira mo.

LUUKA 10:33

Hili Wathi/ gi Pan Saamira a’di yaki’d ki yampe mo tani a’di p̱u’dki’d mo e mo jin dina a’di mo, dhali ki a’di p̱arki a’di e mo tani a’di ki hil a’di ka ’thime/ mo

YOHAAN 4:27

Dhali yan’ko’d ki ’ta’b mo tani imanciḵ a’di gwo p̱u’dkin mo. Dhali uni merkin mo mmoṯorkina a’di aṯor ka ’bom mo. Hili jan ṯal ’deŋ kamu/ yisa ḵa’d ’twa/ mo mmo/o gwo mo ki: Atinta ŋap̱a /e mo, walla, Atinta ṯorkina /e aṯor nyaḵka yim mo?

YOHAAN 8:48

Dhali ’Kwani Yahuuda/ ki thoḵ a’di gwo mo ki: Aman ona gwo ki oŋ gana/ ba/ ki /e ta Wathi/ gi Pan Saamira jin taki’d ga ruma ’cesh moyi?

MII GUN MIINU MO 1:8

Hili um mini bu’th mom’bi’th gi Shi/in Dheleladhelel jin midi yayu/ ap̱o/ um mo dhali um mini ta iman/o gwom pem e Pa Urushaliim mo dhali e Bampa/ gi Pa Yahuudiyya ’baar mo dhali e Pan Saamira mo dhali ntagi mo e mony’cesh jin di’d isa dhana/ nnii mo be.

MII GUN MIINU MO 10:28

Dhali a’di ki o uni gwo mo ki: Um ki is bum mishkin ki a’di nonu mo ki gwoŋḵan jin c̱inu ki wathi/ jin ta Wathi/ Yahuuda/ midi mol is piti gam me’d mo walla midi diki ya e jaŋ kamu/ ’de/ e bampaŋ kamu/ mo. Dhali hili Arumgimis ṯorki aha/ ki aha/ mina diki ’taki yuḵ wathiŋ kamu/ ṯal ’de/ ki jin ga/u mo walla jin dinuki thoson me’d jin onu mmomii mo.

MII GUN MIINU MO 10:32

Haali/ a’di wakan mo tani hashki gwo mo e Pan Yaap̱a mo dhali yuḵa Simaan jin yuḵu ki gwaya kamu/ ka Buṯerus mo. A’di ta yilkina/ e gu’b ma Simaan jin ta’da manḵucur yiṯ iyana gap̱ mo.