YOHAAN 4:6 - Uduk New Teatament and OT Portions

⁶ Dhali jis yi’de/ ma Yakuub si’da/ diki’di mun mo be. Dhali wakan aYesus si’da/ a’di wukina is e mo gom ya jin yayina a’di nyaḵki imanciḵ a’di gwo mo. Dhali a’di c̱a’bki’da ’cesh nshemen jis yi’de/ mo. Haali/ mo ta’da tente/ mbwaŋ ’kup̱ mo be.

YOHAAN 4:6 Iomraidhean Croise

MAṮṮA 27:45

Dhali shwane/ ka tente/ ta’da tente/ mbwaŋ ’kup̱ mo tani adhan mondhurumi’d p̱u’dki’da p̱o/ mony’ceshi ’baar mo ntaga tente/ mbum ’ban mo be.

MAṮṮA 4:2

Dhali a’di ga/ki to mo ka cim ma issu/ montee mo dhali ka cim ma issu/ mon’thiny mo dhali yan’ko’d mo tani a’di ’kosha ṯe/ mo be.

MAṮṮA 8:24

Dhali hili adhana p̱unthar ’tham caaca cuki mis mo e bwam yi’de/ mo, wakan dhala ḵur a’di borkunu mo ki yi’de/ jin bir bakal mo. Dhali hili a’di ishki e mo be.

LUUKA 2:7

Dhali ayim dho’thki’da bwa nyaram piti jin ta ya/ mo. Dhali a’di ki ’tam a’di is ki burrinye/ dhali ’thi a’di eya kaḵ bip̱ mo haali/ mo p̱iyi’d gom uni e gu’b yilkina/ mo be.

LUUKA 9:58

Dhala Yesus ki thoḵ a’di gwo mo ki: Amaḵ uni ta gi jis mo dhali ’dii kun p̱en e momis mo tani ta gi gu’b mo. Hili Ya/ gi ’Kwani a’di dar gi mo mo mmokar ’kup piti nycine/ mo be.

YOHAAN 11:9

Yesus ki thoḵ uni gwo mo ki: ’Kon ma tee ki ’ko ’kume’d i’ce’dka su/ ka tente/ mowa? Waḵki/ wathiŋ kamu/ ki ya ki sho’k montee mo tani a’di diki kol mo haali/ a’di p̱arki moŋkush gi mony’cesh yan e mo be.

YOHAAN 4:12

A/ki /e can ka babam bam ka Yakuub ’taa? a’di jin c̱iki aman jis yi’de/ yansan mo? Dhali a’di ki is piti p̱iki’d si’da/ mo ’peni jis yi’de/ yansan mo dhali iya/m piti mo dhali to/em piti mo be.

YOHAAN 4:5

Wakan a’di p̱u’dki’d e ’peŋkuman Bampa/ gi Pan Saamira, a’di jin yuḵkunu gway ka Suḵar mo, a’di jin ’dishki mo ma ’cesh ma Yakuub is jin c̱ikina a’di ya/m piti ka Yuusup̱ mo be.

YOHAAN 4:7

Dhala ’bom gi Pan Saamira p̱u’dki’d mo mmomush yi’de/ mo. Yesus ki owa yim gwo mo ki: C̱iyi aha/ mmop̱i mo ma.

KURINṮH̱UUS SU/ 8:9

Haali/ um mishkina ’the gi Tap̱a Yesus Ḵrisṯẖos bana mo, ba ki a’di ta pa ki pa mo tani a’di warki’d ka ha’th’ko’d gom gway bum mo. Wakan ki mo ma ha’th’ko’d piti mo tani um mini war ki uni gun ta pa ki pa mo be.

IBRANIYIIN 2:17

Wakan a’di ḵa ba/ iṯuju mmowa e ki iwaḵ piti mo eya ris ’twaŋkal kuku/ mo, wakan ki a’di midi ’taki war ka gasiis jin ca’d mo jin ta’da manmiimii mo dhali jin ta isiŋ gana/ mo, e mo jin miinu to goma Arumgimis mo, mmomii mii jin ta ji ma the/m me’d gom miinthus gi ’kwani mo be.

IBRANIYIIN 4:15

Haali/ ana tana ka gasiis jin ca’d mo, a’di jin misha isa nyor ’ciŋ mo nyaḵki moŋ’ka’d is bana mo, a’di jin ta jan ṯal ’de/ jin palkunu mo ki ’twaŋkal kuku/ mo me’d ana mo tani hili a’di diki mii miinthus mo be.