YOHAAN 4:42 - Uduk New Teatament and OT Portions

⁴² Dhali uni ki owa ’bom gwo mo ki: A’di yisa di’d mmota gwom pini jin gama aman gwo is mo yisa haali/ aman ciḵkina gwo ki is bam mo, dhali aman misha a’di yansan ka jiŋ gana/ a’di ita’da Manwoṯẖ gi ’kwaniny’cesh mo be.

YOHAAN 4:42 Iomraidhean Croise

MAṮṮA 1:21

Ayim midi dho’th ya/ mo dhali /e mini yer a’di gway ka Yesus mo haali/ a’di midi woṯẖ ’kwanim piti ’peni miinthus buni mo be.

LUUKA 2:32

moŋkush yan mmo’cee eya tente/ gom ’kwani kun ’koki ta ’Kwani Yahuuda/ mo dhali gom monyca gom ’Kwanim pini ma Israyiil mo.

YOHAAN 1:29

Dhali ka cim jiŋ ’ko’d mo tani a’di p̱arki’da Yesus e mo mmoyayu/ ’kup̱ kadhoŋ mo i a’di mo dhali o gwo mo ki: Hili mo mo ma, Ari Ḵa’bal ma Arumgimis a’di jin midi ḵal miinthus gi ’kwaniny’cesh mo be.

YOHAAN 11:17

Dhali ka Yesus p̱u’dki’d mo tani a’di gamki’da Li/aasar, a’di jin diki’di jis jwa ka cim doŋon hila/ mo be.

YOHAAN 17:8

Haali/ aha/ c̱ikina uni gwo kun c̱ikina /e aha/ mo dhali uni bu’thki uni mo dhali mish ka jiŋ gana/ ki aha/ pikina ’peni /e mo, dhali uni gamki gwo is ki /e a’di ihashki aha/ mo be.

YOHAAN 4:29

Iiyu/ mo ma dhali p̱ar wathiŋ kamu/ e mo jin ṯorki aha/ aris tom pemi ’baar mo kun miikika/ mo. Yansan diki ta Ḵrisṯẖos ’teya?

YOHAAN 4:41

Dhali uni ka ris ris gamki gwo is mo gom gwom piti mo be.

MII GUN MIINU MO 13:23

’Peni emen gi wathi/ yan mo tani Arumgimis me’d jin onu gwo is mo tani guyi’da Manwoṯẖ gom ’Kwani ma Israyiil mo jin ta’da Yesus mo

MII GUN MIINU MO 4:12

Dhali mowoṯẖ yisa di’da e wathiŋ kamu/ yisa haali/ gwaya kamu/ yisa di’da i’bame’d momis jin c̱inu ibwaŋ ’kwaniny’cesh ki ana minu mii woṯẖ mo e a’di mo be.

MII GUN MIINU MO 5:31

A’di karkin ma Arumgimis ki ca ki me’da bim poros piti mo mmota Amanṯel Mondiki/e ’Pen mo dhali ka Manwoṯẖ mmoc̱i mo jin rijuwa du is ki ’Kwani ma Israyiil mo dhali moŋgwam gom miinthus mo.

KURINṮH̱UUS SU/ 5:19

Gwo a’dan be. Arumgimis diki’d eya Ḵrisṯẖos mo mmogwamkina a’di ’kwaniny’cesh mo ki is piti mo, yisa mmodhu gwon dhaŋ buni ap̱o/ uni mo, dhali dhu gwo e me’d bana mmoṯor mo, gwo gi mo jin gwamkunuwa gwam mo be.

ṮIMUṮH̱AWUUS ’DE/ 4:10

Haali/ gom ’pemen yansan mo tani ana ’kona mo mmomiiya ṯu’c kun ’batha’ba’th mo dhali mmopicira picir mo haali/ ana takina ga ’teŋ kap̱em bana mo jin karkunuwa p̱o/ ma Arumgimis jin di ki e mo, a’di jin ta’da Amanwoṯẖ gom ’kwani ’baar mo, dhali ki ji mum mo gom uni gwansan kun gamki gwo is mo be.

YOHAAN ’DE/ 2:2

dhali a’di ita moŋgwam gom miinthus bana mo, dhali yisa jasi gom kum bana yisa, hili si’da/ gom miinthus gi ’kwaniny’ceshi ’baar mo be.

YOHAAN ’DE/ 4:14

Dhali ana mishkina mo mo dhali ta iman/o gwo mo goma Baba mo mmohashkina a’di Ya/m piti mo mmota Amanwoṯẖ gom ’kwaniny’cesh mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.