YOHAAN 4:36 - Uduk New Teatament and OT Portions

³⁶ A’di jin ’ciṯẖki to mo tani midi bu’th jin mina a’di gam mo dhali tul maman is gom mondiki/e ki sule/ mo. Wakan amanyeḵa ḵa’bany to mo dhali aman’ciṯẖ to mo uni ’kunykina bwa mo mmonṯal ’de/ mo be.

YOHAAN 4:36 Iomraidhean Croise

MAṮṮA 19:29

Dhali aris ’kwani ’baar mo ka ’deṯe/ ’deṯe/ uni gun dhalki gu’b buni ’pen mo walla ikam buni mo walla i’bwah buni mo walla icom mo walla ikum mo walla uc̱im buni mo walla mo mo gom gway pem mo tani uni mini bu’th to ki me’d iss ’kwanimpa mmudhe’d mo dhali ta gi mal gi moŋ’koki/e ki sule/ sule/ ya ye ’ba/ mo.

YOHAAN 3:36

A’diyin jin gamki gwo is e Ya/m piti mo tani a’di ta’d gi mondiki/e ki sule/ sule/ ya ye ’ba/ mo be. A’diyin jin diki ha gwo gi Ya/ e mo tani a’di midi diki p̱ar mondiki/e e mo, hili anyor ma Arumgimis c̱a’bki’d ap̱o/ a’di mo be.

YOHAAN 4:14

Hili a’diyin jin midi p̱i yi’de/ jin miga/ c̱i a’di mo tani mina yi’de/ diki doḵ/e bu’th ki sule/ sule/ mo. Yi’de/ jin miga/ c̱i a’di mo tani midi war mo e a’di mmokash mo dhali mmodu’d mo ntagi mondiki/e ki sule/ sule/ ya ye ’ba/ mo be.

YOHAAN 5:24

Ka jiŋ gana/, ka jin gana/ aha/ ona um gwo mo ki: A’diyin jin ciḵki gwom pem mo dhali gam a’di is mo a’di jin hashki aha/ mo tani a’di ita’d gi mondiki/e ki sule/ sule/ ya ye ’ba/ mo be. A’di midi diki yayu/ e miiwaḵ gi gwon dwall mo hili a’di ’ciṯẖki’d mo ’peni mowu mo ntagi moŋ’koki/e ki sule/ sule/ ya ye ’ba/ mo be.

RUUMIYA 1:13

Dhali shwane/ aha/ yisa mina dhal um mmota p̱us mo yisa, iwaḵ pem, haali/ aha/ dina gwo mbwa me’d ka ris mo mmoyaku/ i um mo (dhali hili aha/ nonkunu ’kup̱ mo be) ki aha/ mina nyaḵ maman gana/ dho’th e um mo si’da/ me’d e unin tiya kun ’kokin mo e bwaŋ ’kwani kun ’koki ta ’Kwani Yahuuda/ mo be.

RUUMIYA 2:7

A’di midi c̱i moŋ’koki/e ki sule/ ya ye ’ba/ mo ki uni gwansan kun miiki mii gun ’boron ki bwa gun ’kuc̱u mo ki ’kari’th mmosimm monyca e mo dhali montaḵ mo dhali mo gi molu wu mo be.

RUUMIYA 6:22

Hili shwane/ mmo’cuḵkunu um mo ’peni miinthus mo dhali mmowara um ki c̱iŋkina/ ma Arumgimis mo tani um ta gi maman bum mmodhu gi she/ ki dhelel dhelel mo dhali ’pemen piti ta ji gi moŋ’koki/e ki sule/ ya ye ’ba/ mo.

RUUMIYA 6:23

Haali/ to jin gamu ki mii jin miinu miinthus mo tani ta mowu mo. Hili a’di jin c̱in ma Arumgimis ki me’d mo tani a’di ta mondiki/e ki sule/ ya ye ’ba/ eya Yesus Ḵrisṯẖos Tap̱am bana mo be.

KURINṮH̱UUS ’DE/ 9:17

Haali/ waḵki/ aha/ mina mii yansan ki bwam pem gana/ mo tani aha/ tana gi to jin ish ḵumma/ mo. Hili waḵki/ aha/ dinaki mii mii yansan mo ki bwam pem gana/ mo tani aha/ ’dap̱kina ki a’di jin ta’da mandhu to mo.

KURINṮH̱UUS ’DE/ 9:18

Waḵki/ a’di wakan mo tani tom pem kun taka/ mo mmo/ish ḵumma/ mo tani ta’da ta mo? Jasi a’di ’de/ jin wa cikise/ mo be: Ki gwom pem jin c̱ika/ mo tani aha/ mina c̱i gwom ’borga/ ki me’d mo ki dar gi ton doṯ mo, mmodiki bu’th bway mo jin dhalu aha/ mo mmomii mo e gwom ’borga/ mo be.

TASALUNIIKI ’DE 2:19

Haali/ mo ma ’teŋ kap̱em bam walla moŋ’kuny bwam bam walla toŋ’kup̱ jin dhuna aman ’ba/ ki ca mo ibwambori Tap̱a Yesus bana mo gom p̱u’d piti jin mina a’di p̱u’du/ mo tani a’di ta’da ta mo? A’di diki ta uma?

ṮIMUṮH̱AWUUS ’DE/ 4:16

Hili is piniŋ gana/ i e ki ’bore/ mo dhali gwom pini jin ṯora /e mo. Noni is pini ki ’koho/ ’koho/ mo. Ki miim pini jin mina /e mii kan mo tani /e mini woṯẖ is pini mo dhali uni kun mini ciḵ gwom pini mo be.