YOHAAN 4:34 - Uduk New Teatament and OT Portions

³⁴ Yesus ki thoḵ uni gwo mo ki: Tonṯem pem jin shwaka/ mo tani ta bwa gi a’di jin hashki aha/ mo dhali mmothima ṯu’c piti mo be.

YOHAAN 4:34 Iomraidhean Croise

GWAY GI IDAWUU’D 40:8

Aha/ ’kunya bwa mo mmomii bwam pini mo, ayy Arumgimis pem. Gwoŋḵan pini jin c̱inu mo a’di di’d eya dum pem mo.

MAṮṮA 26:39

Dhali mmothoṯẖkina a’di ’peny’ce ari’ceenne/ mo tani a’di biṯki bwam/em piti a’cesh mo dhali ’tho mo ki: Ababam pem, waḵki/ a’di yan mishu mii mo tani dhalka ḵubbaaya yan ya’di pe aha/ mo ma. Bahili a’di jin oyaa/ bwa mo yisa. Hili a’di jin ta bwam pini mo be.

MAṮṮA 3:15

Hila Yesus thoḵ a’di gwo mo ki: Dhalki a’di miinu mo wakan shwane/ haali/ a’di wakan jin midi ha me’d mo gom ana mmothima ris mo ma ḵar/e mo. Dhali yan’ko’d a’di gamki gwo me’d mo be.

MAṮṮA 9:19

Dhala Yesus cuki mis mo dhali baṯẖ a’di nsho’k mo nyaḵki imanciḵ a’di gwo mo be.

LUUKA 15:10

Dhali wakan si’da/ aha/ ṯora um gwo mo ki moŋ’kuny bwa midi di mo ibwambori iman’doyu gwo ma Arumgimis mo ap̱o/ amanmii miinthus ’de/ jin ri’cki’da du is mo be.

LUUKA 19:10

Haali/ Ya/ gi ’Kwani p̱u’dki’d mo mmoŋap̱a ŋap̱ mo dhali mmowoṯẖa woṯẖ mo gom uni gun thiskunu e mo be.

LUUKA 2:49

Dhali a’di ki o uni gwo mo ki: Atinta ŋap̱kina um aha/ mo? A/’kona um ki mish mo mowa ki aha/ mina mii di e gu’b ma Babam pem mo?

YOHAAN 17:4

Aha/ karkina /e ki ca mo e mony’cesh yansan mmothimkika/ aṯu’c jin c̱ikina /e aha/ mmomii mo be.

YOHAAN 19:28

’Ko’di mo yansan mo tani Yesus mmomishkina a’di ka ris to ’baar mo ki uni ’baarkunu mo tani oki gwo mo (mmothim Gwo moyi jin ’kwarkunu mo) ki: Aha/ butha yi’de/ mo be.

YOHAAN 19:30

Ka Yesus bu’thki yiman tom’pac̱a’d mo tani a’di ki o gwo mo ki: A’di ’baarki’d mo, dhali a’di ki luŋ ’kup̱ piti mo dhali c̱i shi/in piti mo be.

YOHAAN 4:32

Hili a’di ki thoḵ uni gwo mo ki: Aha/ takina gi tonṯe/ mmoshwa mo a’di jin molkina um mo be.

YOHAAN 5:30

Aha/ mola toŋ kamu/ mii ki moshirr pem mo. Me’d gwo jin ciḵkika/ mo tani aha/ ki dwall gwo mo. Dhali gwon dwall pem kun dwallka/ mo tani ta kuŋ ḵar/e mo haali/ aha/ dinaki ŋap̱i mmomii ki bwam pem mo, hili jasi ki bwa gi a’di jin hashki aha/ mo be.

YOHAAN 5:36

Hili gwo jin okunu mo gom aha/ mo a’di ica’d mo mmobol gwo ma Yohaan e mo. Haali/ aṯu’c jin c̱ikin ma Baba aha/ mo mmothim a’di mo, aṯu’c gwansan gana/ kun dika/ mmomii mo tani uni ta iman/o gwo gom aha/ mo ka Baba a’di hashki aha/ mo be.

YOHAAN 6:33

Haali/ maa ma Arumgimis a’di ta a’di jin p̱u’dki’da ’cesh ’peni momis mo dhali c̱i mondiki/e e ’kwaniny’cesh mo.

YOHAAN 6:38

Haali/ aha/ p̱u’dkina i mony’cesh yansan ’peni momis mo, yisa mmomii ki bwam pem yisa, hili ki bwa gi a’di jin hashki aha/ mo be.

YOHAAN 8:29

Dhali a’di jin hashki aha/ mo tani a’di di’d e aha/ mo. A’di diki dhal aha/ ’pen mo haali/ aha/ miina to isa yempa/ kun ’borki a’di bwa mo be.

MII GUN MIINU MO 20:35

Eya ris to ’baar mo tani aha/ c̱ikina um isi she/mm mo ki um mmomiina uma ṯu’c wakan mo tani um si’da/ mini mii woṯẖ uni kun ’ka’da is mo dhali mmoka gwon Tap̱a Yesus e mo kun okina a’di ki is piti mo ki: Mmoc̱i to a’di ta mo gi ’boru mii jin boli mombu’th to e ki ’bor mo be.

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.