YOHAAN 4:21 - Uduk New Teatament and OT Portions

²¹ Yesus ki thoḵa yim gwo mo ki: A’boma, gami aha/ gwo is mo ma. Mo midi p̱u’du/ mo ki um mini ’koki luŋa Baba e ’kuwosh yan mo walla e Pa Urushaliim mo be.

YOHAAN 4:21 Iomraidhean Croise

MAṮṮA 18:20

Haali/ waḵki/ ’kwani ’koni su/ mo walla kwara mo kun tuli is mo e gway pem mo tani aha/ dina e bwam uni mo be.

MAṮṮA 28:19

Wakan iiku/ mo ma, dhali waraa ris kal gi ’kwaniny’cesh ki imanciḵ aha/ gwo mo. Miiki uni ki yi’de/ ki gway ma Ababa mo dhali ki gway gi Ya/ mo dhali ki gway gi Shi/in Dheleladhelel mo be.

LUUKA 21:24

Dhali uni minu tor ’ko’da ’cesh ki sheŋ gandala turga/ mo, dhali uni minu sus mo mmota habuus mo e bwaman kal gi ’kwaniny’ceshi ’baar mo. Dhali Pa Urushaliim minu shubur ki sho’k gi ’kwani kun ’koki ta ’Kwani Yahuuda/ mo ntaga tee gi ’kwani kun ’koki ta ’Kwani Yahuuda/ minu thim mo be.

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

YOHAAN 16:2

Uni mini ur um ka pije/ ’peni gu’b gi montul is mo. Ka jiŋ gana/, mo midi p̱u’du/ mo ki a’diyin jin midi ’kosh um mo tani midi ṯosh ki a’di mii to mmoluŋa a’diya luŋ goma Arumgimis mo.

YOHAAN 16:32

Mo midi p̱u’du/ mo. Ka jiŋ gana/ a’di p̱u’dki’d mo ki um minu c̱eker bwa mo, aris umi ’baar mo e gu’b bum ka ’deṯe/ ’deṯe/ mo dhali um mini dhal aha/, aha/ ’de/ mo. Hili aha/ dina aha/ ’de/ yisa, haali/ Ababa a’di nyaḵki di ki aha/ mo be.

YOHAAN 4:23

Hili, mo midi p̱u’du/ mo dhali a’di a’dan shwane/ mo ki uni gun luŋkina luŋ ki bwaŋ gana/ mo tani mini luŋa Baba ki shi/in mo dhali ki gwoŋ gana/ mo haala Baba ŋap̱ki ku gi wakansan mmoluŋ a’di mo be.

YOHAAN 5:25

Ka jiŋ gana/, ka jiŋ gana/ aha/ ṯora um gwo mo ki: Mo midi p̱u’du/ mo dhali a’di diki’d shwane/ mo, ki uni kun wukin mo mini ciḵ ’twa/ gi Ya/ ma Arumgimis mo, dhali uni gwansan kun ciḵkin mo tani mini ’ko ki e mo be.

YOHAAN 5:28

Dhalku/ ki mer gom gwo yansan mo haali/ mo midi p̱u’du/ mo ka ris ’kwani ’baar mo kun ’kokin mo e jis jwa mo tani mini ciḵ ’twam piti mo be

MII GUN MIINU MO 6:14

Haali/ am ciḵkina a’di mo mmo/o gwo ka Yesus yan gi Pa Naasira midi ’ce’d mo yan sho’k mo dhali aḵ mii ma Musa e mo kun ṯora a’di ana mo.

EP̱ASUS 2:18

Haali/ e a’di mo tani aman dhali um takina gi bway mo e Shi/ina ’de/ mo eya Baba mo be.

EP̱ASUS 3:14

Gom ’kup̱ mii yansan mo tani aha/ biṯkina ki jiŋ ’kup̱a’dup̱uni bwambor ma Baba mo.

ṮIMUṮH̱AWUUS ’DE/ 2:8

Aha/ dina gwo ibwa mo si’da/ eya ris mo ’baar mo ki ’kwani mini mii ’tho mo, mmo’de’k me’d kun dhelelini mis mo ki dar ka nyor mo walla dar gi wala jin walu mo ki ṯas ṯas mo.

BUṮERUS ’DE/ 1:17

Waḵki/ um mini yuḵa yuḵ ap̱owa Baba mo, a’di jin dwallki ’kwani gwo ka ’deṯe/ ’deṯe/ ki dar gi mii ma gwar ’de/ mo isi ki miim buni kun miina uni mo tani nyoŋi is bum ki moŋḵo/ is mo ka teem bumi ’baar mo jin ’kona um mo e bwaŋ ’kwanin tiya mo.

GWO JIN ’CEENU MO 21:22

Dhali aha/ p̱arkina gu’b gi mondheleladhelela kamu/ e yisa e ’peŋkuman bampa/ mo, haali/ gu’b gi mondheleladhelel piti mo tani a’di ta Tap̱a Arumgimis mo, a’di jin Eḵa/ Eḵ mo dhali Ari Ḵa’bal mo be.