YOHAAN 4:16 - Uduk New Teatament and OT Portions

¹⁶ Yesus ki owa yim gwo mo ki: Yaku/ mo ma. Yuḵa kaṯẖim pini mo dhali yayu/ imahan mo.

YOHAAN 4:16 Iomraidhean Croise

YOHAAN 1:42

A’di suski’da kam piti eya Yesus mo dhala Yesus p̱arki a’di e mo dhali o a’di gwo mo ki: Hayyiye /e tana Simaan jin ta ya/ ma Yohaan mo. /E minu yuḵ gway ka Sap̱a mo (a’di jin ta ’pemen gwo ka Buṯerus mo).

YOHAAN 21:17

A’di ki o a’di gwo mo me’di kwara ki: Simaan, ya/ ma Yohaan, a/e eni aha/ mo? ABuṯerus suguwa du tash mo haali/ a’di ki o a’di gwo me’di kwara mo ki: A/e eni aha/ mowa? Dhali a’di ki o a’di gwo mo ki: Tap̱a, /e mishkina ris to ’baar mo dhali /e mishkin ki aha/ enkina /e mo. Dhala Yesus ki o a’di gwo mo ki: C̱iyi ḵa’bal pem to mmoshwa mo.

YOHAAN 4:15

Dhala ’bom ki thoḵ a’di gwo mo ki: Tap̱a, c̱iyi aha/ yi’de/ yansan mo ma, ki aha/ mina yi’de/ diki doḵ/e bu’th mo walla mmodiki yayu/ imahan mmoha’b yi’de/ mo be.

YOHAAN 4:17

Dhala ’bom ki thoḵ a’di gwo mo ki: Aha/ dara ga kaṯẖim pem mo. Yesus ki thoḵa yim gwo mo ki: Gwom pini ’boro’d mo jin ona /e gwo mo ki: Aha/ dara ga kaṯẖim pem mo be.

YOHAAN 4:18

Haali/ /e ’dap̱kina gwaṯẖ ’twa/ ka mudhe’d mo dhali a’di jin di’di /e shwane/ mo tani yisa ta’da kaṯẖim piniya. Gwo yan ona /e ki oŋ gana/ mo be.

IBRANIYIIN 4:13

Dhali ibwambori a’di mo tani to jin uḵuŋ kamu/ yisa di’da jin bagkunu ’peni a’di mo, hili aris uni ’baar mo dhunu eya tente/ mo dhali ’kon ki laŋ laŋ mo e bwambori em piti mo, a’di jin mina ana mii us is mo mmomii to mo.

GWO JIN ’CEENU MO 2:23

Dhali aha/ mina ’kosh uc̱i ma yim jwa mo. Dhali arisa ḵaniisa gwansan mini mish mo mo ki aha/ tana a’di jin ŋap̱ki bwaŋ ’kwani ki bur bur mo dhali aduŋ ’kwani mo, dhali aha/ mina c̱i aris umi ’baar mo to ka ’deṯe/ ’deṯe/ mo, to kun wana e ki miin to kun miina um mo.