YOHAAN 4:14 - Uduk New Teatament and OT Portions

¹⁴ Hili a’diyin jin midi p̱i yi’de/ jin miga/ c̱i a’di mo tani mina yi’de/ diki doḵ/e bu’th ki sule/ sule/ mo. Yi’de/ jin miga/ c̱i a’di mo tani midi war mo e a’di mmokash mo dhali mmodu’d mo ntagi mondiki/e ki sule/ sule/ ya ye ’ba/ mo be.

YOHAAN 4:14 Iomraidhean Croise

MAṮṮA 25:46

Dhali uni mini ii mo e mo jin ’konu ki mii ’ba/ ki sule/ mo, hili uni kun miin ka ḵar/e mo tani mini cic̱ mo e moŋ’koki/e ki sule/ sule/ ya ye ’ba/ mo be.

MAṮṮA 5:6

Mom’bor mii gom uni gwansan kun ’kosha ṯe/ mo dhali kun butha ṯe/ miiŋḵar/e mo ki uni minu kap̱ mo be.

YOHAAN 10:10

’Kwanin ’di/ uni p̱u’dkin mo mmoḵwal to jasi ’te/ mo dhali mmo’kosha ’kosh mo dhali mmo’ce’da ’ce’d sho’k mo. Aha/ p̱u’dkina mo ki uni mini ta gi moŋ’koki/e mo dhali mmota gi a’di ki nyanye/ mo be.

YOHAAN 11:26

Dhali a’diyin jin di’d ki e dhali gam aha/ gwo is mo tani a’di midi diki wu ki sule/ mo. A/gwo yansan gama /e is mo ’te/sana?

YOHAAN 4:10

Dhala Yesus ki thoḵa yim gwo mo ki: Waḵki/ /e mini nyiṯẖ to jin c̱in ma Arumgimis ki me’d mo dhali gom gwo gi a’di yansan jin o /e gwo mo ki: C̱iyi aha/ yi’de/ aha/ p̱ina mo tani /e mini ’taki doṯ a’di mo dhali a’di midi ’taki c̱i /e yi’de/ jin di ki e mo be.

YOHAAN 4:11

Dhala ’bom ki thoḵ a’di gwo mo ki: Tap̱a, /e dar gi to mmomush yi’de/ mo dhali jis yi’de/ ’kula’kul mo ba/. Yi’de/ jin di ki e mina /e igam ’peni mana mo?

YOHAAN 4:13

Yesus ki thoḵa yim gwo mo ki: Aris uni ’baar mo ka ’deṯe/ ’deṯe/ kun p̱i yi’de/ yansan mo tani mina yi’de/ doḵ/e bu’th mo be.

YOHAAN 4:36

A’di jin ’ciṯẖki to mo tani midi bu’th jin mina a’di gam mo dhali tul maman is gom mondiki/e ki sule/ mo. Wakan amanyeḵa ḵa’bany to mo dhali aman’ciṯẖ to mo uni ’kunykina bwa mo mmonṯal ’de/ mo be.

YOHAAN 6:27

Dhalku/ ki miiya ṯu’c gom tonṯe/ mo jin midi ’ce’d sho’k mo hili gom tonṯe/ jin midi ’dim ’kup̱ ntagi moŋ’koki/e ki sule/ sule/ ya ye ’ba/ mo, a’di jin mina Ya/ gi ’Kwani ic̱i um mo. Haali/ e a’di mo tani Arumgimis jin ta Com mo a’di ’dap̱ki gwom piti ’twa/ ki a’di mo be.

YOHAAN 6:35

Yesus ki o uni gwo mo ki: Aha/ tana maa gi mondiki/e mo be. A’diyin jin yayi’di aha/ mo tani mina ṯe/ diki bu’th mo, dhali a’di jin gam aha/ gwo is mo tani mina yi’de/ diki bu’th ki sule/ mo be.

YOHAAN 6:58

Yansan ta maa jin thulki’da ’cesh ’peni momis mo, yisa waki jin shwakina icim dhali wu mowa. A’di jin midi shwa maa yansan mo tani midi di ki e ki sule/ sule/ ya ye ’ba/ mo be.

YOHAAN 7:37

Dhali ka cim jiŋ ’ko’d ki mo ma yuḵ jin yuḵu ka tul ’kup̱ mo tani a’di jin ta’da cim jin caaca mo tani Yesus doshki’d ki mis mo dhali ṯor gwo eya tente/ mo mmo/o gwo mo ki: Waḵki/ wathin ṯal ’deŋ kamu/ budha yi’de/ mo tani dhalki a’di yayi’di aha/ mo dhali p̱i mo.

RUUMIYA 5:21

Dhali wakan si’da/ me’d jin sekina miinthus ap̱o/ mo gi wunu mo tani a’the si’da/ midi se ap̱o/ mo ma ḵar/e ki mondiki/e ki sule/ ya ye ’ba/ mo eya Yesus Ḵrisṯẖos Tap̱am bana mo be.

RUUMIYA 6:23

Haali/ to jin gamu ki mii jin miinu miinthus mo tani ta mowu mo. Hili a’di jin c̱in ma Arumgimis ki me’d mo tani a’di ta mondiki/e ki sule/ ya ye ’ba/ eya Yesus Ḵrisṯẖos Tap̱am bana mo be.

KURINṮH̱UUS SU/ 1:22

A’di karki mon’dap̱ piti ap̱o/ am mo dhali c̱iki aman Shi/in piti eya dum bam mo me’d to jin woṯẖu/ ’twa/ mo be.

EP̱ASUS 4:30

Dhali dhalku/ ki jwakaṯ Shi/in Dheleladhelel ma Arumgimis mo e a’di jin ’dap̱kunu um ’twa/ mo goma tee gi wanuwa wan ’ba/ mo be.

BUṮERUS ’DE/ 1:22

Mmodhelelkina um aḵashiram bum mo ki gwom bum jin hana um e mo e gwoŋ gana/ mo gom washila/ jin p̱iyi’d e um mo e mo/en mo gom iwaḵ mo, mmo/enkina uma en mo ki bwan dara’d mo ’pena duŋ gana/ mo.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

GWO JIN ’CEENU MO 7:16

Uni mina ṯe/ mol ’kosh ki sule/ mo, walla mina yi’de/ ’koki bu’th ki sule/ mo. Atente/ si’da/ midi diki ’kosh uni mo, walla midi diki c̱i’th uni is ki mom’batha’d piti mo.

GWO JIN ’CEENU MO 7:17

Haali/ Ari Ḵa’bal, a’di doshki’di bwaman ma ḵursi ma maliḵ mo, a’di jin ta’da Amanhil uni mo, dhali a’di midi shu uni bway mo e mo jin kasha yi’de/ jin di ki e e mo dhali Arumgimis midi shumuṯa ris jabudhi ’baar mo ’peni em buni mo be.