YOHAAN 4:11 - Uduk New Teatament and OT Portions

¹¹ Dhala ’bom ki thoḵ a’di gwo mo ki: Tap̱a, /e dar gi to mmomush yi’de/ mo dhali jis yi’de/ ’kula’kul mo ba/. Yi’de/ jin di ki e mina /e igam ’peni mana mo?

YOHAAN 4:11 Iomraidhean Croise

YOHAAN 3:4

Nikudimus ki thoḵ a’di gwo mo ki: Ki wathi/ jin ca’d minu mish dho’th kata mo? Mina a’di mish se bwaŋ kum doḵ/e ki a’di minu dho’th mowa?

YOHAAN 4:14

Hili a’diyin jin midi p̱i yi’de/ jin miga/ c̱i a’di mo tani mina yi’de/ diki doḵ/e bu’th ki sule/ sule/ mo. Yi’de/ jin miga/ c̱i a’di mo tani midi war mo e a’di mmokash mo dhali mmodu’d mo ntagi mondiki/e ki sule/ sule/ ya ye ’ba/ mo be.

YOHAAN 7:37

Dhali ka cim jiŋ ’ko’d ki mo ma yuḵ jin yuḵu ka tul ’kup̱ mo tani a’di jin ta’da cim jin caaca mo tani Yesus doshki’d ki mis mo dhali ṯor gwo eya tente/ mo mmo/o gwo mo ki: Waḵki/ wathin ṯal ’deŋ kamu/ budha yi’de/ mo tani dhalki a’di yayi’di aha/ mo dhali p̱i mo.

MII GUN MIINU MO 10:14

Hila Buṯerus ki o gwo mo ki: Yisa wakana, Tap̱a, haali/ aha/ dinaki ’ka toŋ kamu/ ṯal ’de/ ki sule/ jin ga/u mo walla jin ’konuki thoson me’d jin onu mmomii mo.

KURINṮH̱UUS ’DE/ 2:14

Wathi/ jin dar gi to gi shi/in mo tani diki bu’th to jin c̱inu ki me’d ’peni Shi/in ma Arumgimis mo. Haali/ uni tana p̱ali/ e a’di mo dhali a’di mol uni gwo mish ’ban mo haali/ uni nyiṯẖu/ ki to gi shi/in mo be.

GWO JIN ’CEENU MO 21:6

Dhali a’di ki o aha/ gwo mo ki: A’di miikunu mo. Aha/ tana ji ma Muŋ’kup̱ mo dhali jiŋ ’Ko’d mo, aha/ tana ji gi mo jin ṯelkunu ’pen mo dhali mo jin midi di ’kup̱ mo be. E uni kun butha yi’de/ gom miiŋḵar/e mo tani aha/ mina c̱i uni yi’de/ ki dar gi yol mo ’peni yi’de/ jin kashkina e ki kash mo jin ta mondiki/e mo be.

GWO JIN ’CEENU MO 22:1

Dhali yan’ko’d a’di ṯorki aha/ yi’de/ jin guski’d mo jin ta yi’de/ jin di ki e mo, jin kushakush jin mii’d ki wa’c wa’c mo, mmoyayaa ŋwac̱a/ mo ’pena ḵursi ma Arumgimis mo dhali Ari Ḵa’bal mo,

GWO JIN ’CEENU MO 22:17

Shi/in dhali Nyaranyaŋa’b o gwo mo ki: Iiyu/ mo. Dhali dhalki a’di jin ciḵ a’di mo o gwo mo ki: Iiyu/ mo. Dhali dhalki a’di jin budha yi’de/ gom miiŋḵar/e mo yayi’d mo. Dhali dhalki a’di jin ona bwa ki bu’th yi’de/ gi mondiki/e ki dar gi moyol mo tani iyayi’d si’da/ mo.

GWO JIN ’CEENU MO 7:17

Haali/ Ari Ḵa’bal, a’di doshki’di bwaman ma ḵursi ma maliḵ mo, a’di jin ta’da Amanhil uni mo, dhali a’di midi shu uni bway mo e mo jin kasha yi’de/ jin di ki e e mo dhali Arumgimis midi shumuṯa ris jabudhi ’baar mo ’peni em buni mo be.