YOHAAN 4:10 - Uduk New Teatament and OT Portions

¹⁰ Dhala Yesus ki thoḵa yim gwo mo ki: Waḵki/ /e mini nyiṯẖ to jin c̱in ma Arumgimis ki me’d mo dhali gom gwo gi a’di yansan jin o /e gwo mo ki: C̱iyi aha/ yi’de/ aha/ p̱ina mo tani /e mini ’taki doṯ a’di mo dhali a’di midi ’taki c̱i /e yi’de/ jin di ki e mo be.

YOHAAN 4:10 Iomraidhean Croise

GWAY GI IDAWUU’D 10:17

Ayy Tap̱a /e mini ciḵ to gi a’di jin ’ka’d ma du ki ’ka’d gom to jin o a’di bwa mo, /e mini ’bi’th uni adum buni is mo dhali /e mini ḵa’d ’cem pini mo,

GWAY GI IDAWUU’D 46:4

Yi’de/ jin kasha e jin gusu’d a’di jin kar ’peŋkuman Bampa/ ma Arumgimis ki bwaŋ ’kunyka/ mo, dhali mo jin ḵogu jin ta mo gi a’di jin Eḵa/ Eḵ mo.

Mmo/ii ka Pije/ mo 17:6

Aha/ mina dosh ibwambori /e ap̱o/ wosh mo e Wosh Sinaa/ mo. Dhali /e mini dor wosh mo dhali yi’de/ midi gac̱u/ ka pije/ mo ’peni a’di mo jin mina ’kwani i p̱i a’di mo. Dhali aMusa miiki a’di wakan mo e jis e gi gwanyjwahaŋ ’kwani ma Israyiil mo be.

LUUKA 11:13

Waḵki/ um kun ta thus kan mo mish mmoc̱i tom ’boron ki me’d mo ki uc̱im bum mo tani bakata ’te/ imin ma Baba gi momis mo c̱i Shi/in Dheleladhelel mo ki uni gwansan kun doṯki a’di mo?

YOHAAN 16:3

Dhali uni mini mii mii yansan haali/ uni ’koki misha Baba mo walla aha/ mo be.

YOHAAN 17:3

Dhali moŋ’koki/e ki sule/ sule/ ya ye ’ba/ mo a’dan be, ki uni mini mish /e mo, ki /e tana Arumgimis gana/ /e ’de/ ki lish mo, dhala Yesus Ḵrisṯẖos, a’di jin hashkina /e mo be.

YOHAAN 3:16

Haali/ Arumgimis enki ’kwaniny’cesh kagahara tani a’di c̱ikina a’di Ya/m piti jin di’d ṯal ’de/ mo, ki a’diyin jin midi gam a’di gwo is mo tani midi ’taki diki this e mo hili midi ta gi mondiki/e ki sule/ sule/ ya ye ’ba/ mo.

YOHAAN 4:14

Hili a’diyin jin midi p̱i yi’de/ jin miga/ c̱i a’di mo tani mina yi’de/ diki doḵ/e bu’th ki sule/ sule/ mo. Yi’de/ jin miga/ c̱i a’di mo tani midi war mo e a’di mmokash mo dhali mmodu’d mo ntagi mondiki/e ki sule/ sule/ ya ye ’ba/ mo be.

YOHAAN 6:35

Yesus ki o uni gwo mo ki: Aha/ tana maa gi mondiki/e mo be. A’diyin jin yayi’di aha/ mo tani mina ṯe/ diki bu’th mo, dhali a’di jin gam aha/ gwo is mo tani mina yi’de/ diki bu’th ki sule/ mo be.

YOHAAN 6:51

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

MII GUN MIINU MO 9:11

Dhali Tap̱a ki o a’di gwo mo ki: Cuyi mis mo ma dhali yayi ’kup̱ ki bway jin yuḵu ka Doshki Dhi’c mo dhali yayi igu’b ma Yahuusa mo dhali ŋap̱ wathi/ ’peni Pan Tharsuus jin yuḵu ka Shawuul mo haali/ a’di ’thoki’d mo.

RUUMIYA 8:32

A’di jin diki non Ya/m pitiŋ gana/ mo hili a’di c̱iki a’di mmowu mo goma ris ana ’baar mo tani mina a’di diki c̱i ana aris to ki nyanye/ ka ’the si’da/ nyaḵki a’di mo ’taa?

KURINṮH̱UUS ’DE/ 1:30

A’di ta ’kus gi mondiki/em pini eya Ḵrisṯẖos jin ta’da Yesus mo, a’di jin kar ma Arumgimis mmota yuḵ bana mo dhali mmota mo ma ḵar/em bana mo dhali mmota mo jin dhunuwa dhu ki she/ ki dhelel dhelel gom ana mo dhali mmota mo jin wanu ana ’ba/ mo.

KURINṮH̱UUS ’DE/ 10:4

dhali uni ’baar mo p̱iki tomp̱in ṯal ’de/ mo jin ta ki ji gi shi/in mo. Haali/ uni p̱ikin ’peni to gi shi/in yan jin ta wosh mo jin baṯẖki uni nsho’k mo dhali Wosh yan mo tani a’di ta’da Ḵrisṯẖos mo be.

KURINṮH̱UUS SU/ 9:15

Mom’bora ’bor bwa i is mo eya Arumgimis mo gom to jin c̱iyunu ki me’d mo jin c̱ina a’di mo a’di jin molu kolol mo be.

EP̱ASUS 2:8

Haali/ ka ’the mo tani um woṯẖkunu mo ki moŋgam gwo is mo be. Dhali yansan ta mii jin miina um ki is bum mo yisa. A’di ta to jin c̱in ma Arumgimis ki me’d mo be.

IBRANIYIIN 6:4

Haali/ a’di molu mii mo mmotash mii e mo doḵ/e gom mo jin rijuwa du is mo gom uni gwansan kun takin gi e ma du kun ’twaḵki mo ki ’twaḵ jin shi/i’d ’thissa/ mo, uni gun nyoḵki to gi momis jin c̱inu ki me’d mo dhali war ki uni gun pwaḵkunu Shi/in Dheleladhelel mo be,

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

GWO JIN ’CEENU MO 21:6

Dhali a’di ki o aha/ gwo mo ki: A’di miikunu mo. Aha/ tana ji ma Muŋ’kup̱ mo dhali jiŋ ’Ko’d mo, aha/ tana ji gi mo jin ṯelkunu ’pen mo dhali mo jin midi di ’kup̱ mo be. E uni kun butha yi’de/ gom miiŋḵar/e mo tani aha/ mina c̱i uni yi’de/ ki dar gi yol mo ’peni yi’de/ jin kashkina e ki kash mo jin ta mondiki/e mo be.

GWO JIN ’CEENU MO 22:17

Shi/in dhali Nyaranyaŋa’b o gwo mo ki: Iiyu/ mo. Dhali dhalki a’di jin ciḵ a’di mo o gwo mo ki: Iiyu/ mo. Dhali dhalki a’di jin budha yi’de/ gom miiŋḵar/e mo yayi’d mo. Dhali dhalki a’di jin ona bwa ki bu’th yi’de/ gi mondiki/e ki dar gi moyol mo tani iyayi’d si’da/ mo.

GWO JIN ’CEENU MO 7:17

Haali/ Ari Ḵa’bal, a’di doshki’di bwaman ma ḵursi ma maliḵ mo, a’di jin ta’da Amanhil uni mo, dhali a’di midi shu uni bway mo e mo jin kasha yi’de/ jin di ki e e mo dhali Arumgimis midi shumuṯa ris jabudhi ’baar mo ’peni em buni mo be.