YOHAAN 4:1 - Uduk New Teatament and OT Portions

¹ Dhali ki Tap̱a nyiṯẖki’d ki ’Kwani P̱arisiyiin ciḵki gwo ka Yesus diki’d mmomar imanciḵ a’di gwo is mo dhali mmomiiya mii jin miinu uni ki yi’de/ si’da/ mmobol kum ma Yohaan e mo

YOHAAN 4:1 Iomraidhean Croise

LUUKA 1:76

Dhali /e jin tana ’ci mo, /e minu yuḵ ka manc̱i gwo ma Arumgimis jin Cayaa/ e ki Ca mo, haali/ /e mini ya ibwambori Tap̱a mo dhali thoson a’di bway mo be,

LUUKA 19:31

Waḵki/ jan ’deŋ kamu/ doṯi um gwo mo ki: Atinta ’cuḵa um a’di mo tani um mini o gwo mo cikise/ ki: Tap̱a midi mii ta gi a’di mo be.

LUUKA 19:34

Dhali uni thoḵ uni gwo mo ki: Tap̱a midi mii ta gi a’di mo be.

LUUKA 2:11

Haali/ ka tee yansan mo tani Amanwoṯẖ jin ta Tap̱a Ḵrisṯẖos a’di dho’thkunu mo gom um e Pan Dawuu’d mo be.

LUUKA 7:13

Dhali ki Tap̱a p̱arki’da yim e mo tani a’di hilki’da hil ka ’thime/ ap̱owa yim mo dhali owa yim gwo mo ki: Dhalku/ ki ko mo ma.

LUUKA 7:19

Dhala Yohaan yuḵki imanciḵ gwom piti isu/ mo mmohash uni mo e Tap̱a mo mmo/o gwo mo ki: A/e ta a’di jin midi yayu/ mo ’taa? Walla aman mina hil jaŋ kamu/ mo?

YOHAAN 3:22

Dhali yan’ko’d ki mii yansan mo tani Yesus dhali imanciḵ a’di gwo uni iikin e Bampa/ Yahuudiyya mo, dhali nyaḵki c̱a’b ki uni imun mo dhali mmomiiya mii ki yi’de/ mo be.

YOHAAN 3:26

Dhali uni p̱u’dkina Yohaan mo dhali o a’di gwo mo ki: Rabbi, a’di jin nyaḵki di ki /e e bwamp̱o/ Yi’deŋ Ḵumma/ Uurdun mo tani a’di jin ṯorkina /e gwo mo tani a’di a’dani, miiki’da mii jin miinu ki yi’de/ mo, dhali aris ’kwani ’baar mo iikini a’di mo be.

MII GUN MIINU MO 10:36

Gwo jin hashkina a’di uc̱i ma Israyiil mo mmoc̱i gwom ’boro’d ki moŋḵu’th is ma Yesus Ḵrisṯẖos mo (a’di jin ta Tap̱a gom ’kwani ’baar mo) –

KURINṮH̱UUS ’DE/ 1:17

Haala Ḵrisṯẖos diki hash aha/ mo mmomiiya mii jin miinu ki yi’de/ mo, hili mmoc̱i gwom ’borga/ mo, yisa ki yuḵ jin midi ter ’kwani e mo isi ciki/ ki cwany’ciṯẖan dhul ma Ḵrisṯẖos minu kar ki jim p̱uu mo ki dar gi mom’bi’th mo.

KURINṮH̱UUS ’DE/ 15:47

Wathi/ jin ta jin ṯwa/a/ mo tani a’di ta jany ’cesh mo, wathi/ jin cila bu’d mo. Dhali wathi/ jin ta jiŋ ’ko’d mo tani a’di ’peni momis mo be.

KURINṮH̱UUS ’DE/ 2:8

Itap̱a kun ’koni mony’cesh yan mo tani mishi gwo ’ban gom a’di yan yisa. Waḵki/ uni mini ’taki mish mo tani uni mini ’taki ’koki ’kosh Tap̱a gi monyca ki cwany’ciṯẖan dhul mo be.

KURINṮH̱UUS SU/ 4:5

Haali/ gwo yan jin c̱ina aman mo tani ta gwom bam ki is bam mo yisa, hili aYesus Ḵrisṯẖos jin ta Tap̱a mo, dhali gom miiny c̱iŋkina/ jin tana aman ki is bam mo gom um mo tani a’di gom gway ma Yesus mo be.

YAKUUB 2:1

Iwaḵ pem, dhalku/ mii ki mii ka gwar ’de/ mo me’d jin bu’thkina um moŋgam gwo is mo e Tap̱a Yesus Ḵrisṯẖos bana mo, a’di jin ta Tap̱a gi monyca mo.

GWO JIN ’CEENU MO 19:16

E burrinyen turgam piti mo dhali e wum piti mo tani a’di c̱inu gway ka nyi’da/ nyi’da/ mo jin o ki: Amaliḵ jin ta tap̱a ap̱o/ imaliḵ mo dhali Tap̱a jin ta tap̱a ap̱o/ itap̱a mo.