YOHAAN 3:8 - Uduk New Teatament and OT Portions

⁸ ’Tham poshki’d ki bwam piti mo dhali /e ciḵki is jin gwona a’di mo, hili /e diki mish mo jin yayina a’di mo walla mo jin yakina a’di mo. A’di ta mondho’th gi wakan be jin dhodhuwa ris ’kwani ’baar mo ka ’deṯe/ ’deṯe/ kun dhodhu ki Shi/in mo be.

YOHAAN 3:8 Iomraidhean Croise

GWAY GI IDAWUU’D 107:25

Haali/ a’di ḵanki gwo mo dhali cu ’tham jin ta’da p̱unthar mo, a’di jin ’de’kki yi’de/ abor ki mis mmobir bakal ap̱o/ ḵumma/ yi’de/ mo.

GWAY GI IDAWUU’D 107:29

A’di karki’da p̱unthar ’tham mmodi ka ḵu’th is mo, dhali bakal ḵumma/ yi’de/ a’di doshkunu ki biyuu mo.

GWAY GI IDAWUU’D 135:7

A’di jin dhuki’da raḵ mmocu mo e mo jin dina mony’cesh ’kup̱ mo, a’di jin uḵki’da wara sho’k goma sho’k mo dhali a’di jin ḵalki ’tham ’peni moŋgu’b piti jin dhuna a’di uni mo.

YOHAAN 1:13

Uni gun dhodhu ’pena bas yisa, walla ’peni bwa gi buŋgwar is yisa, walla ’peni bwa wathi/ yisa, hili ’peni Arumgimis mo be.

YOHAAN 3:7

Dhalku/ ki mer mo gom gwo jin oka/ /e mo ki: Um minu mii dho’th ki dho’th this ’peni momis mo.

YOHAAN 3:9

Dhala Nikudimus ki thoḵ a’di gwo mo ki: Yan minu mish mii kataye?

MII GUN MIINU MO 2:2

Dhali ki jahanne/ ise/ to goyina is mo ’peni momis mo jin wana e ki ’tham jin guski’d mo dhali jin poshki’d kagahara mo. A’di ’tu’d gu’bi ’baar mo jin ’kona uni nycine/ mo.

MII GUN MIINU MO 4:31

Dhali ki uni ’thon mo tani mo yiḵinki is mo e mo jin tula uni is nycine/ mo dhali uni ’baar mo ’tu’dkunu mo ki Shi/in Dheleladhelel mo dhali uni oki gwo ma Arumgimis ki dar gi monyju/ ’kwani mo be.

KURINṮH̱UUS ’DE/ 12:11

Aris uni gwansani ’baar mo umu mo ’peni a’din ’de/ mo dhali Shi/in ṯal ’de/ mo mmopwaḵ bwa mo e uni ka ’deṯe/ ’deṯe/ mo me’d jin ona a’di bwa mo be.

KURINṮH̱UUS ’DE/ 2:11

Haali/ wathi/ jana mishki to jin kulum ma kamu/ ibwa mo? isi ciki/ shi/in gi wathi/ jin diki’d e a’di mo. Wakan si’da/ wathin ṯal ’deŋ kamu/ yisa mishki gwo jin kulum ma Arumgimis ibwa yisa hili isi ciki/ Shi/in ma Arumgimis mo be.

YOHAAN ’DE/ 2:29

Waḵki/ um mishi mo mo ki a’di ta’da ḵar/e mo tani um mini mish mo mo ka ris uni ’baar ka ’deṯe/ ’deṯe/ kun miin ki ’bore/ mo tani dho’thkunu ’peni a’di mo be.