YOHAAN 3:6 - Uduk New Teatament and OT Portions

⁶ C̱aan jin dhodhu ’peni buŋgwar is mo tani ta buŋgwar is mo dhali c̱aan jin dhodhu ’peni Shi/in mo tani a’di ta shi/in mo be.

YOHAAN 3:6 Iomraidhean Croise

ṮAKWIIN 5:3

Ka Aadam c̱a’bki’d ki e ki yili iss ’kwanimpa ipe’de/ i’ce’dka ’kume’d mo tani a’di warki’d ka baba gom ya/m piti jin wakina e ki a’di mo, mmobu’thkina a’di isi jamas piti mo, dhali yuḵ a’di gway ka Shiiṯ mo.

ṮAKWIIN 6:12

Dhali Arumgimis mishki mony’cesh mo dhali hili mo mo ma, a’di p̱u/ki’d mo haali/ aris buŋgwar isi ’baar p̱u/ki uni isiny cine/ mo e bway buni jin iina uni ap̱o/ mony’cesh mo.

ṮAKWIIN 6:5

Tap̱a p̱arki tonthus e kun miikina ’kwani caaca kagahara e mony’cesh mo dhali misha ris gwalal buni kun kulumkina uni eya dum buni mo ta jasi tonthus ki sule/ sule/ mo.

GWAY GI IDAWUU’D 51:10

Uḵi e aha/ adun dhelelga/ mo, ayy Arumgimis, dhali kar jin this dhali jin ’boro’d e bwaman shi/in pem mo.

YOHAAN 1:13

Uni gun dhodhu ’pena bas yisa, walla ’peni bwa gi buŋgwar is yisa, walla ’peni bwa wathi/ yisa, hili ’peni Arumgimis mo be.

YOHAAN 3:7

Dhalku/ ki mer mo gom gwo jin oka/ /e mo ki: Um minu mii dho’th ki dho’th this ’peni momis mo.

RUUMIYA 7:18

Haali/ aha/ misha ki tom ’borgaŋ kamu/ yisa c̱a’bki’d e aha/ mo, a’di jin ta buŋgwar is gi shuman is pem mo. Aha/ misha bwa o gom a’di jin ’boro’d mo, hili aha/ mola a’di mii mo be.

RUUMIYA 7:25

’Bora’bor ka Arumgimis eya Yesus Ḵrisṯẖos Tap̱am bana mo. Dhali wakan mo tani aha/ ki is pem miikina gwoŋḵan ma Arumgimis jin c̱inu ka dum pem mo dhali hili ki shuman is pem mo tani aha/ miikina gwoŋḵan gi miinthus mo be.

RUUMIYA 7:5

Ki ana ’kona ki e mo e buŋgwar is mo tani mon’dap̱ e gi miinthus bana gun ’mera gwoŋḵan jin c̱inu e mo tani ’kon mmowagas e tom buŋgwar is bana mo mmodho’th maman gom mowu mo.

RUUMIYA 8:13

Haali/ waḵki/ um ’ko ’ko’d e buŋgwar is mo tani um mini wu mo be. Dhali hili waḵki/ ki Shi/in mo tani um ki ’kosh mii gi buŋgwar is jwa mo a’di imina umi ’ko e mo.

KURINṮH̱UUS ’DE/ 6:17

Hili a’di jin gamki is piti me’d ki Tap̱a mo tani wara’d gi shi/ina ’de/ e a’di mo be.

KURINṮH̱UUS SU/ 5:17

Wakan be waḵki/ wathin ’deŋ kamu/ di’d mo eya Ḵrisṯẖos mo tani a’di ta jin this jin uḵu mo. Miin dhamo/ pekin mo tani dhali hili miin this uni p̱u’dkin mo be.

GALATHIYYA 5:24

Dhali uni gwansan kun ta ku ma Ḵrisṯẖos jin ta’da Yesus mo tani uni ’koshki buŋgwar is buni mo nyaḵki e kun dhuna uni ki ’thir ’thir mo dhali bwa en’dap̱ buni mo be.

EP̱ASUS 2:3

Ibwaman uni gwansan mo tani ana ’baar mo ’kokina mo nṯwa/a/ mo e em bana mo kun dhuna ana ki ’thir ’thir mo gom buŋgwar is bana mo, mmobaṯẖ bwa en’dap̱ mo gom buŋgwar is mo dhali bwa mo, dhali wakan ana ’kokina mo ki buyem pa mmota uc̱i ma nyor mo me’d ’kwanin tiya kun ta ’kwani en’thi/ mo be.

KULUSSI 2:11

Dhali e a’di mo si’da/ um ’kokunu mo mmo’ciṯẖa/ munyjal yis mo ka munyjal yis jin ’ciṯẖu/ ki dar gi me’d mo, ki mii jin dhalu buŋgwar is gi shuman is ’pen mo e mo ma munyjal yis jin ’ciṯẖu/ jin ta ji ma Ḵrisṯẖos mo.

YOHAAN ’DE/ 3:9

Wathin ’de/ jin dhodhu ’peni Arumgimis mo tani a’di diki di mo mmomii miinthus mo, haali/ buyempa ma Arumgimis c̱a’bki’d e a’di mo, dhali a’di mol di mo mmomii miinthus mo haali/ a’di dho’thkunu ’peni Arumgimis mo be.