YOHAAN 3:5 - Uduk New Teatament and OT Portions

⁵ Yesus ki thoḵ a’di gwo mo ki: Ka jiŋ gana/, ka jiŋ gana/, aha/ ṯora /e gwo mo ki: Isi ciki/ waḵki/ jan ṯal ’deŋ kamu/ dinuki dho’th ’peni yi’de/ dhali ’peni Shi/in mo tani a’di midi mol cic̱ Bampa/ ma Arumgimis mo be.

YOHAAN 3:5 Iomraidhean Croise

MAṮṮA 18:3

dhali o gwo mo ki: Ka jiŋ gana/ aha/ ona um gwo mo ki isi ciki/ waḵki/ um ’koki ṯu’k mo dhali war ki uc̱i mo tani um mini ’koki se Bampa/ gi Momis ki sule/ mo be.

MAṮṮA 19:24

Doḵ/e aha/ ṯora um gwo mo ki: A’di ’disha mii ki ’dish mo gom kalman mo mmoya ki solol e jisa ’dip̱ira/ mo mmodhal wathimpa e i is mo, a’di jin ta pa ki pa mo mmocic̱ Bampa/ ma Arumgimis mo be.

MAṮṮA 21:31

Jana ’peni bwam uni su/ gwansan jin miiki bwa gi com mo? Uni ki thoḵ a’di gwo mo ki: Jin ṯwa/a/ mo be. Dhala Yesus ki o uni gwo mo ki: Ka jiŋ gana/ aha/ ona um gwo mo ki, imantera thulp̱a/ dhali uni gun mii miinyc̱al mo tani mini ii nṯwa/a/ ki um mo e Bampa/ ma Arumgimis mo be.

MAṮṮA 28:19

Wakan iiku/ mo ma, dhali waraa ris kal gi ’kwaniny’cesh ki imanciḵ aha/ gwo mo. Miiki uni ki yi’de/ ki gway ma Ababa mo dhali ki gway gi Ya/ mo dhali ki gway gi Shi/in Dheleladhelel mo be.

MAṮṮA 3:11

Aha/ miikina um ki yi’de/ gom mo gi minu rica du is mo, hili a’di jin midi yayu/ i’ko’di aha/ mo tani a’di ca’d ki aha/ mo dhala p̱p̱am piti mo tani aha/ dinaki ha me’d mo mmoḵal uni mo. Hili a’di midi mii um ki Shi/in Dheleladhelel mo dhali ki o’d mo be.

MAṮṮA 5:20

Haali/ aha/ ṯora um gwo mo ki isi ciki/ miiŋḵar/em bum mo mini bol ku gi iman’kwar to e mo dhali ’Kwani P̱arisiyiin mo tani um mini mol cic̱ e Bampa/ gi Momis mo be.

MARKUS 10:14

Hili ka Yesus mishki mii yan mo tani a’di deḵkin ma nyor mo dhali o uni gwo mo ki: Dhalki uc̱i iiyini aha/ mo ma. Dhalki uni ki non mo. Haali/ ku gi wakansan mo tani uni ’kokin mo e Bampa/ ma Arumgimis mo be.

MARKUS 16:16

I/a’di jin midi gam gwo is mo dhali minu mii ki yi’de/ mo tani a’di iminu iwoṯẖ mo be. Hili a’di jin diki gam gwo is mo tani a’di minu waḵ mo be.

MARKUS 9:47

Dhali waḵki/ em pini raḵ /e mo mmomii miinthus mo mmokol mo tani buḵi a’di ka pije/ mo. A’di ’boro’d ki ’bor gana/ mo gom /e mo mmocic̱ Bampa/ ma Arumgimis ki en ṯal ’de/ mo ki /e minu i’taki ’koki biṯ ki e su/ mo e mo ma al o’d mo.

LUUKA 13:24

Uṯẖi/ mo ma mmocic̱ mo eya campur jin nyuthanyu’th mo haali/ ’kwani ṯorkika/ um gwo mo ki: Uni tana ris mo kun mini simm mo e mmocic̱ mo tani dhali uni mini mol se mo be.

LUUKA 13:3

Aha/ ṯora um gwo mo ki: Yisa. Hili isi ciki/ um mini rica du is mo ki umi ’baar mo minu ’koki ’ce’d sho’k wakan mo be.

LUUKA 13:5

Aha/ ṯora um gwo mo ki: Yisa, hili isi ciki/ um mini rica du is mo ki umi ’baar mo minu ’koki ’ce’d sho’k wakan mo be.

YOHAAN 1:13

Uni gun dhodhu ’pena bas yisa, walla ’peni bwa gi buŋgwar is yisa, walla ’peni bwa wathi/ yisa, hili ’peni Arumgimis mo be.

YOHAAN 3:3

Yesus ki thoḵ a’di gwo mo ki: Ka jiŋ gana/, ka jiŋ gana/, aha/ ṯora /e gwo mo ki: Isi ciki/ waḵki/ jan ṯal ’deŋ kamu/ dinuki dho’th ki dho’th this ’peni momis mo tani a’di midi mol se Bampa/ ma Arumgimis mo be.

YOHAAN 3:4

Nikudimus ki thoḵ a’di gwo mo ki: Ki wathi/ jin ca’d minu mish dho’th kata mo? Mina a’di mish se bwaŋ kum doḵ/e ki a’di minu dho’th mowa?

MII GUN MIINU MO 2:38

Dhala Buṯerus ki o uni gwo mo ki: Rici adu is mo ma dhali miiyi ki yi’de/ ki gway ma Yesus Ḵrisṯẖos mo, aris umi ’baar mo ki ’beles gom miinthus bum minu gwam um mo. Dhali um mini buṯẖ Shi/in Dheleladhelel jin ta a’di jin c̱inu ki me’d mo.

MII GUN MIINU MO 3:19

Rici uma du is mo ma dhali ṯuka bor doḵ/e mo ki miinthus bum minu ’kosh mo, ki mii gi wakan mo ki mowac̱ midi p̱u’d mo ’peni bwambori Tap̱a mo be,

RUUMIYA 14:17

Haali/ Bampa/ ma Arumgimis diki ta ’pemen gwo gom tonṯe/ mo dhali tomp̱i mo ’te/. Hili gom mo ma ḵar/e mo dhali mo ma ḵu’th is mo dhali moŋ’kuny bwa e Shi/in Dheleladhelel mo be.

RUUMIYA 8:2

Haali/ gwoŋḵan gi Shi/in gi mondiki/e eya Ḵrisṯẖos jin ta’da Yesus mo tani a’di karki aha/ ki ’kus ’peni gwoŋḵan gi miinthus mo dhali mowu mo be.

KURINṮH̱UUS ’DE/ 15:50

Aha/ ṯora um gwo yansan mo, iwaḵ mo, shuman is dhala bas mo tani uni mol mal gi Bampa/ ma Arumgimis gam mo walla si’da/ to jin mishi p̱u/ mo tani mol gam mal gi a’di jin moli p̱u/ mo be.

KURINṮH̱UUS ’DE/ 2:12

Dhali ana ’kokina ki bu’th moyuḵ gi mony’cesh mo, hili ana bu’thkina Shi/in jin piki’d ’peni Arumgimis mo ki ana mina mish gwo ’ban gom to kun c̱inu ki me’d mo kun c̱in ma Arumgimis ana ’baḵany mo.

KURINṮH̱UUS ’DE/ 6:11

Dhali kun tiya ta ku gi wakan e um mo. Hili um lamkunu mo, um dhukunu ki she/ ki dhelel dhelel mo, dhali um dhukunu mo ki mo ma ḵar/e mo ki gway gi Tap̱a Yesus Ḵrisṯẖos mo dhali ki gway gi Shi/in Dheleladhelel ma Arumgimis bana mo be.

GALATHIYYA 6:15

Haali/ walla mo ma munyjal yis jin ’ciṯẖu/ mo tani yisa ’dap̱a’dap̱ ki toŋ kamuwa walla mo ma munyjal yis kun ’konu i e mo si’da/, hili a’di jin minu uḵ jin midi ta jin this mo be.

EP̱ASUS 5:26

ki a’di midi dhagama yim mo ki mo jin dhelelkina a’di ayim mo ki gwo mo me’d mo jin lamu ki yi’de/ mo

BUṮERUS ’DE/ 1:2

uni kun kwanykunu mo dhali kun ’kawurkin ma Arumgimis jin ta’da Baba mo dhali kun dhagamkunu mo ki Shi/in mo gom gwo jin hana uni e mo eya Yesus Ḵrisṯẖos mo dhali goma bas piti jin ḵukuski’d mo. Dhalka ’the dhali moŋḵu’th is minu mar is gom um mo.

BUṮERUS ’DE/ 3:21

Mo ma cuc̱ jin cuc̱u/ jin ’dap̱a’d ki gwo yan mo tani a’di woṯẖki um shwane/ mo, yisa me’d mii jin ḵalkunuwa dihar ka pije/ ’peni buŋgwar is mo, hili me’d isi ’kup̱ jin yip̱kunu eya Arumgimis mo gom ’twa/ ma dun dhelelga/ mo ki mompi ma Yesus Ḵrisṯẖos mo,

YOHAAN ’DE/ 2:29

Waḵki/ um mishi mo mo ki a’di ta’da ḵar/e mo tani um mini mish mo mo ka ris uni ’baar ka ’deṯe/ ’deṯe/ kun miin ki ’bore/ mo tani dho’thkunu ’peni a’di mo be.

YOHAAN ’DE/ 5:1

Aris ’kwani ’baar ka ’deṯe/ ’deṯe/ kun gamki gwo is mo ka Yesus ta’da Ḵrisṯẖos mo tani uni ita uc̱i ma Arumgimis mo dhali aris ’kwani ’baar ka ’deṯe/ ’deṯe/ kun enki a’di jin dho’thki’d mo tani enki a’di jin dho’thkunu si’da/ mo be.