YOHAAN 3:34 - Uduk New Teatament and OT Portions

³⁴ Haali/ a’di jin hashkin ma Arumgimis mo tani a’di ṯorki gwo ma Arumgimis mo haali/ a’di diki c̱i a’di Shi/in me’d jin baru to mo.

YOHAAN 3:34 Iomraidhean Croise

GWAY GI IDAWUU’D 45:7

/E eni mo jin miinu miiŋḵar/e mo dhali shi/ mo jin miinu to gun ’coḵa’coḵ i e mo. Wakan Arumgimis jin ta’da Arumgimis pini mo tani a’di ’koshki /e ki monyca mo ka yin gi mom’bor bwa ap̱o/ uni gun ta cim pini mo.

MAṮṮA 12:18

Hili mo mo ma, c̱iŋkinam pem a’di jin kwanyka/ mo tani jin ta a’di jin enka/ mo dhali a’di jin ’bor ma ḵashiram pem bwa i is mo tani aha/ mina c̱i Shi/in pem ap̱o/ a’di mo, dhali a’di midi ṯor gwo gom miiŋḵar/e gom ’kwani kun ’koki ta ’Kwani Yahuuda/ mo be.

LUUKA 4:18

Shi/in gi Tap̱a a’di diki’da p̱o/ aha/ mo, haali/ a’di ’koshki aha/ is ki monyca mo mmoc̱i gwom ’boro’d mo gom uni gun hatha’ko’d mo. A’di hashki aha/ mo mmobah eya tente/ mo mo jin ’cuḵu uni gwansan kun tana habuus mo, dhali mmoḵa’d uni e mo uni gun tana ja’da/ mo mmomish mo mo, dhali mmodhu uni gwansan ki ’kus mo, uni gun ’cwarkunu mo be,

YOHAAN 1:16

Dhali ’pena ’tu’d piti mo tani ana ’baar bu’thkina ’the mo mmomara ’the is mo be.

YOHAAN 15:26

Hili ka Manmalas midi p̱u’du/ mo a’di jin miga/ hashu/ i um ’pena Baba mo tani isi a’diyi jin ta Shi/in gi gwoŋ gana/ mo a’di jin piyi’d ’pena Baba mo, a’di midi ta Man/o gwo gom aha/ mo be.

YOHAAN 16:7

Bahili aha/ ṯorkina um gwoŋ gana/ mo. A’di ta shi/ miim ’boro’d bum mo jin miga/ ya mo haali/ waḵki/ aha/ dinaki ya mo tani Amanmalas midi diki yayu/ i um mo. Hili waḵki/ aha/ yana mo tani aha/ mina hashki a’di i um mo be.

YOHAAN 3:17

Haali/ Arumgimis hashki Ya/m piti i mony’cesh yansan yisa mmowaḵ ’kwaniny’cesh mo, hili ki ’kwaniny’cesh minu woṯẖ ki a’di mo be.

YOHAAN 5:26

Haali/ me’d jin tan ma Baba gi mondiki/e e is piti mo tani wakan si’da/ a’di c̱iki a’di Ya/m piti mo mmota gi mondiki/e e is piti mo be.

YOHAAN 7:16

Wakan aYesus ki thoḵ uni gwo mo ki: Gwom pem jin ṯorka/ mo tani diki ta jim pem mo, hili ta ji gi a’di jin hashki aha/ mo be.

YOHAAN 8:40

Hili shwane/ um ŋap̱ki aha/ mmo’kosh mo, wathi/ jin ṯorki um gwoŋ gana/ jin ciḵkina a’di ’peni Arumgimis mo. Mii ma Ibrahiim yisa wakana.

YOHAAN 8:47

A’diyin jin ta jim ma Arumgimis mo tani ciḵki’da Arumgimis gwo mo. Dhali gom gwo jin ’kona um ki ciḵ a’di mo tani um ’koki ta ku ma Arumgimis mo be.

MII GUN MIINU MO 1:2

gama cim jin gunu a’di momis mo ’ko’di gwoŋḵan jin c̱ina a’di ki Shi/in Dheleladhelel ki imandhuna a’di ki she/ mo kun kwanykina a’di mo.

MII GUN MIINU MO 10:38

Yesus gi Pa Naasira mmo’kosh ma Arumgimis a’di ki Shi/in Dheleladhelel mo dhali mom’bi’th si’da/ i’kup̱i a’di mo, tani, a’di jin maŋaski’d ki mis mo mmomii mii kun ’boron mo dhali mmowoṯẖa ris ’kwani kun ’kosh ma ruma ’cesh mo be, haali/ Arumgimis di’d e a’di mo.

RUUMIYA 8:2

Haali/ gwoŋḵan gi Shi/in gi mondiki/e eya Ḵrisṯẖos jin ta’da Yesus mo tani a’di karki aha/ ki ’kus ’peni gwoŋḵan gi miinthus mo dhali mowu mo be.

EP̱ASUS 3:8

E aha/ mo tani ba aha/ itana a’di jin p̱isap̱is mo eya ris uni kun dhunu ki she/ mo tani a’the yansan c̱ikunu aha/ mo mmoc̱i gwo e ’kwani kun ’koki ta ’Kwani Yahuuda/ mo, mo jin tan ma Ḵrisṯẖos pa ki pa mo jin molu deŋ e mo

KULUSSI 1:19

Haali/ e a’di mo tani arisa ’tu’d kun ta ku ma Arumgimis mo tani ’borkina bwa mo mmota gi moŋ’ko mo be.

KULUSSI 2:9

Haali/ e a’di mo tani mon’tu’d ka ’bimpil mo jin ta ji ma Arumgimis mo mmotana a’di Arumgimis mo tani c̱a’bki’d e buŋgwar is piti mo.

GWO JIN ’CEENU MO 21:6

Dhali a’di ki o aha/ gwo mo ki: A’di miikunu mo. Aha/ tana ji ma Muŋ’kup̱ mo dhali jiŋ ’Ko’d mo, aha/ tana ji gi mo jin ṯelkunu ’pen mo dhali mo jin midi di ’kup̱ mo be. E uni kun butha yi’de/ gom miiŋḵar/e mo tani aha/ mina c̱i uni yi’de/ ki dar gi yol mo ’peni yi’de/ jin kashkina e ki kash mo jin ta mondiki/e mo be.

GWO JIN ’CEENU MO 22:1

Dhali yan’ko’d a’di ṯorki aha/ yi’de/ jin guski’d mo jin ta yi’de/ jin di ki e mo, jin kushakush jin mii’d ki wa’c wa’c mo, mmoyayaa ŋwac̱a/ mo ’pena ḵursi ma Arumgimis mo dhali Ari Ḵa’bal mo,