YOHAAN 3:21 - Uduk New Teatament and OT Portions

²¹ Hili a’di jin boṯki’d mmomii gwoŋ gana/ mo tani a’di p̱u’dki’d mo e moŋkush mo, ki a’di minu ṯor eya tente/ mo ki miim piti kun miikina a’di mo tani uni wagaskin ma Arumgimis mo be.

YOHAAN 3:21 Iomraidhean Croise

GWAY GI IDAWUU’D 119:105

Gwom pini a’di ta’da lamba/ gom sho’k pem mo dhali moŋkush gom bway tur pem mo.

GWAY GI IDAWUU’D 119:80

Dhalka dum pem a’di dar gi mii ’ba/ e gwoŋḵan pini kun bahu mo ki aha/ minu ’koki kar ki mo ma ’the is mo.

YOHAAN 1:47

Dhala Yesus mishki’da Naṯẖana/iil mo mmop̱u’du/ e a’di mo dhali o a’di gwo mo ki: Hili mo mo ma. Wathi/ ’peni ’Kwani ma Israyiil ka jiŋ gana/ jin dar ga maḵ mo.

YOHAAN 3:20

Haali/ aris uni ’baar mo kun miiki to kun ta thus ki thus mo tani shi/ki moŋkushi e mo dhali ’koki iiyu/ imoŋkush mo isi ciki/ ki miim buni minu ’taki be’d mo be.

YOHAAN 5:39

Um ŋap̱kin ki burbur e bwaŋ Gwo ma Arumgimis kun ’kwarkunu mo haali/ um ṯoshkin ki um ta gi moŋ’koki/e ki sule/ sule/ ya ye ’ba/ mo e uni mo. Dhali uni itana man/o gwo gom aha/ mo be.

YOHAAN 7:17

Waḵki/ wathiŋ kamu/ ona bwa ki mii bwam piti mo tani a’di midi mish mo mo waḵki/ gwo jin ṯoru ta jim ma Arumgimis mo walla waḵki/ aha/ ṯora gwo ki moshirr pem gana/ mo be.

KURINṮH̱UUS ’DE/ 15:10

Hili ka ’the ma Arumgimis mo tani aha/ be itana aha/ mo, dhali ka ’them piti ’kup̱ ki aha/ mo tani a’di yisa ki p̱etha. E gwo gi c̱a’ckon mo tani aha/ miikina ṯu’c jin ’batha’ba’th mmobol unin tiya e mo gun miikin mo. Ba a’di yisa ta aha/ mo, hili a’the ma Arumgimis mo, a’di jin diki’d e aha/ mo be.

KURINṮH̱UUS SU/ 1:12

Haali/ ’bam bam kun dhunu aman ki ca mo tani ta cikise/ mo be jin ta gwo jin c̱inu mo gom ’twa/ ma dum bam mo ki aman boṯkina ki mii e mony’cesh mo dhali ki nyanye/ mo tani aman miikina a’di ’kup̱ ki um mo ki mii jin ḵogu mo dhali ki mii ma gayiin mo dhali ki mii jin daru gi washila/ mo, yisa ki moyuḵ gi mony’cesh yan mo, hili ka ’the ma Arumgimis mo be.

GALATHIYYA 6:8

Haali/ a’di jin siki to gom buŋgwar is piti mo tani a’di midi ’ciṯẖ to ’peni buŋgwar is jin midi p̱u/ mo. Dhali hili a’di jin midi si to gom Shi/in mo tani a’di midi ’ciṯẖ mondiki/e ki sule/ ya ye ’ba/ mo ’peni Shi/in mo be.

EP̱ASUS 5:9

(haali/ maman ’peni moŋkush mo a’di gamkunu mo eya ris miim ’borga/ mo dhali mii kun tana ḵar/e mo dhali mii gi gwoŋ gana/ mo).

P̱ILIBBI 1:11

Mmo’tu’d mo ki maman gi mo ma ḵar/e jin p̱u’du’d ’pena Yesus Ḵrisṯẖos mo mmota monyca mo dhali momaŋ ma Arumgimis mo be.

P̱ILIBBI 2:13

Haali/ Arumgimis umki mii mo e um mo dhali ki bwa jin ta bwa mo dhali ki bwa ma ṯu’c jin ta bwam pitiŋ gana/ mo be.

KULUSSI 1:29

Haali/ gom mii yan mo tani aha/ miikina mii jin ’batha’ba’th mo, mmo/uṯẖ mo ki is jin umu’di ’baar mo, a’di jin ṯẖi’thki’da ṯẖi’th mo e aha/ mo.

IBRANIYIIN 13:21

mmoṯe um ka ris to kun ’boroni ’baar mo ki um mini mii bwam piti mo, mmo/umkina a’di e um mo a’di jin ’bor a’di bwa mo e bwambori jis/em piti mo, eya Yesus Ḵrisṯẖos mo, e a’di jin mina monyca icil ki sule/ sule/ mo dhali ki sule/ sule/ mo. Amen.

BUṮERUS ’DE/ 1:22

Mmodhelelkina um aḵashiram bum mo ki gwom bum jin hana um e mo e gwoŋ gana/ mo gom washila/ jin p̱iyi’d e um mo e mo/en mo gom iwaḵ mo, mmo/enkina uma en mo ki bwan dara’d mo ’pena duŋ gana/ mo.

YOHAAN ’DE/ 1:6

Waḵki/ ana ona gwo ki ana nyaḵa to mii ki a’di mo dhali ii ka yiha/ mo e mondhurumi’d mo tani ana tana ṯor mo dhali gwoŋ gana/ ’kona ana ki mii mo be.

YOHAAN KWARA 1:11

/E jin enu mo, dhalku/ ki baṯẖ tonthus mmomii mo ma, hili baṯẖi a’di jin ’boro’d mmomii mo. A’di jin mii tom ’boro’d mo tani a’di ’peni Arumgimis mo. A’di jin mii tonthus mo tani diki p̱ar Arumgimis e mo be.

GWO JIN ’CEENU MO 3:15

Aha/ misha miin tom pini mo. /E ŋala/ wani ’thup̱a walla moŋkamu/ ŋala/ ’batha /eya. Ki /e ḵara ba/ imini ’taki ’thup̱a’thup̱ mo walla ’batha’ba’th moyi.