YOHAAN 3:2 - Uduk New Teatament and OT Portions

² Wathi/ yansan p̱u’dki’da Yesus mon’thiny mo dhali o a’di gwo mo ki: Rabbi, aman misha ki /e tana Manṯor Gwo jin p̱u’dki’d ’peni Arumgimis mo. Haali/ jan ṯal ’deŋ kamu/ yisa di’da jin midi mish jamas mii gwansan mii mo kun miina /e mo, hili isi ciki/ Arumgimis midi nyaḵ di i a’di mo be.

YOHAAN 3:2 Iomraidhean Croise

MAṮṮA 22:16

Dhali uni ki hash imanciḵ a’di gwo i a’di mo nyaḵki ’Kwani Hirodusiyiin mo mmo/o gwo mo ki: Manṯor Gwo, am misha ki /e ta a’diŋ gana/ mo dhali /e ki ṯor gwo gi bway ma Arumgimis gana/ mo dhali /e diki ḵo/ ’kwani mo haali/ /e diki mii mii ka gwar ’de/ gom buye/ jin nyiṯẖa /eya nyiṯẖ mo walla gom ’kwani kun ta tap̱a mo.

MAṮṮA 23:7

dhali en monthe me’d kagahara e mo ma suug mo dhali uni eni mii jin yuḵa ’kwani uni ki gum pem jin caa e ki ca mo.

MAṮṮA 23:8

Hili um mini ’koki ŋap̱ ’kwani mmoyuḵ um ki gum bam kun caa e ki ca mo haali/ um tan ga manṯor gwom bum jin ṯal ’de/ mo dhali um tana waḵa ṯal ’de/ mo be.

MARKUS 12:14

Dhali uni p̱u’dkin mo dhali o a’di gwo mo ki: Amanṯor Gwowa, aman misha ki /e ta a’diŋ gana/ mo dhali /e diki mii mii ka gwar ’de/ mo gom wathiŋ kamu/ mo, haali/ /e diki taḵ ’kwani gom monycam buni mo hili ka jiŋ gana/ /e ṯori gwo gi bway ma Arumgimis mo be. A/a’di ta gwoŋḵan jin minu c̱ika Kaysara thulp̱a/ mowa? walla minu dhalku/ mo?

YOHAAN 1:38

Yesus ki ṯuka bor mo dhali p̱ar uni e mo mmobaṯẖkina uni a’di nsho’k mo dhali o uni gwo mo ki: Atinta ŋap̱a um mo? Dhali uni ki thoḵ a’di gwo mo ki: Rabbi, (a’di jin ta ’pemen gwo jin onu ka Manṯor Gwo mo) ki /e dini mana mo?

YOHAAN 10:38

Hili waḵki/ aha/ ki mii uni mo tani ba waḵki/ isi um ’koki gam aha/ gwo is mo tani gami aha/ gwo is gom mii mo ma, ki um mini mish mo mo dhali mish gwo ’ban mo ka Baba a’di diki’d e aha/ mo dhali aha/ eya Baba mo be.

YOHAAN 12:37

Ba a’di miiki miimer ka ris ibwambori uni mo tani hili uni ’koki gam a’di gwo is mo be.

YOHAAN 14:10

Dina /e ki gam gwo is ki aha/ dina eya Baba dhali Ababa di’d e aha/ ’taa? Gwo kun oka/ um mo tani aha/ dinaki o a’di ki moshirr pem gana/ mo. Hili Ababa jin c̱a’bki’d e aha/ mo tani a’di miiki miim piti mo be.

YOHAAN 15:24

Waḵki/ aha/ mina ’taki diki mii to ibwam uni, mii jin dina jan ṯal ’deŋ kamu/ ki mii mo tani uni mini ’taki dar gi miinthus mo. Hili shwane/ uni p̱arki mo e mo dhali shi/ aha/ i e mmonṯal ’de/ nyaḵka Ababam pem mo be.

YOHAAN 2:11

Mii yansan a’di ta miimer jin ṯwa/a/ jin miikin ma Yesus e Paŋ Kaana gi Pany Jaliil mo dhali a’di ki ṯor monycam piti eya tente/ mo, dhali imanciḵ a’di gwo gamki gwo is e a’di mo be.

YOHAAN 20:16

Yesus ki owa yim gwo mo ki: Mariyam. Ayim ki ṯu’k ’ban mo dhali o a’di gwo ki ’twaŋ ’Kwani Ibraniyiin ki: Rabbooni (a’di jin ta ’pemen gwo jin onu mo ka: Manṯor Gwo mo be).

YOHAAN 3:26

Dhali uni p̱u’dkina Yohaan mo dhali o a’di gwo mo ki: Rabbi, a’di jin nyaḵki di ki /e e bwamp̱o/ Yi’deŋ Ḵumma/ Uurdun mo tani a’di jin ṯorkina /e gwo mo tani a’di a’dani, miiki’da mii jin miinu ki yi’de/ mo, dhali aris ’kwani ’baar mo iikini a’di mo be.

YOHAAN 4:31

Ki embul mo yan mo tani imanciḵ a’di gwo ŋap̱ki a’di mo mmo/o a’di gwo mo ki: Rabbi, shwayi to mo ma.

YOHAAN 5:36

Hili gwo jin okunu mo gom aha/ mo a’di ica’d mo mmobol gwo ma Yohaan e mo. Haali/ aṯu’c jin c̱ikin ma Baba aha/ mo mmothim a’di mo, aṯu’c gwansan gana/ kun dika/ mmomii mo tani uni ta iman/o gwo gom aha/ mo ka Baba a’di hashki aha/ mo be.

YOHAAN 6:2

Dhala waambuhany ’kwani baṯẖki a’di nsho’k mo haali/ uni mishki miimer kun miikina a’di gom uni gwansan kun ’koshkina ’ba’th mo be.

YOHAAN 7:31

Dhali hili ’kwani ka ris gamki a’di gwo is mo dhali uni o gwo mo ki: A/ki me’d jin minu piya Ḵrisṯẖos ’kwani i is mo tani a/mina a’di mii miimer ki nyanye/ mmobol ku gi miina wathi/ yansan e mowa?

YOHAAN 9:16

Dhali ’Kwani P̱arisiyiina tiya ki o gwo mo ki: Wathi/ yansan diki di ’peni Arumgimis mo ba/ haali/ a’di diki kara cim ma pesu/ ki jiŋ ḵogu mo. Hili kun tiya o gwo mo ki: A/ki wathi/ jin ta’da manmii miinthus midi mish miimer gi wakansan mii mowa? Mondher bwa di’di bwaman uni mo be.

MII GUN MIINU MO 10:38

Yesus gi Pa Naasira mmo’kosh ma Arumgimis a’di ki Shi/in Dheleladhelel mo dhali mom’bi’th si’da/ i’kup̱i a’di mo, tani, a’di jin maŋaski’d ki mis mo mmomii mii kun ’boron mo dhali mmowoṯẖa ris ’kwani kun ’kosh ma ruma ’cesh mo be, haali/ Arumgimis di’d e a’di mo.

MII GUN MIINU MO 2:22

Um ’Kwani ma Israyiil, ciḵi gwo gwansan mo ma. Yesus gi Pa Naasira jin maŋ ma Arumgimis ibwam um ki mii kun ’bitha’bi’th dhali ka dhan mii gun caaca mo dhali momer kun miikin ma Arumgimis e a’di e bwam um me’d jin mishkina um mo.

P̱ILIBBI 1:14

Dhali awaḵa tiya ka ris bu’thkina du mo e Tap̱a gom mondim pem eya sijin mo dhali uni dar ma du mo ki nyanye/ mmoṯor gwo ma Arumgimis ki dar gi moŋḵo/ is mo be.