YOHAAN 3:19 - Uduk New Teatament and OT Portions

¹⁹ Dhali miiwaḵ a’dan be ki moŋkush p̱u’dki’d e ’kwaniny’cesh mo tani dhali ’kwaniny’cesh enki mondhurumi’d mo, mmodhal moŋkush e i is mo haali/ miim buni kun miikina uni mo tani ta thus ki thus mo be.

YOHAAN 3:19 Iomraidhean Croise

LUUKA 12:47

Dhali c̱iŋkina/ c̱aan jin mishi bwan tap̱am piti mo tani dhali diki thoson is mo walla diki mii me’d isi bwam piti mo tani a’di midi bu’th mondor me’d ka ris mo be.

LUUKA 16:14

Dhali ’Kwani P̱arisiyiin uni gun ta iman/ena guurush mo ki uni ciḵkina ris to gwansani ’baar mo tani dhali uni ’theḵki a’di shushi mis mo be.

YOHAAN 1:4

E a’di mo tani mondiki/e diki’d mo dhali mondiki/e a’di ta moŋkush gi ’kwani mo be.

YOHAAN 1:5

Dhali moŋkush a’di ’twaḵki mondhurumi’d bwa mo dhali mondhurumi’d diki p̱i a’di e mo be.

YOHAAN 12:31

Dhali mo jin minu tor gwo ’twa/a ’cesh gi gwon dwall e mony’cesh yansan mo tani a’di p̱u’dki’d mo. Dhali tap̱a ma ruma ’cesh yansan minu biṯ ka pije/ mo be.

YOHAAN 12:43

Haali/ uni enki montaḵ ’peni ’kwani mo mmodhal montaḵ ’peni Arumgimis e i is mo.

YOHAAN 12:46

Aha/ p̱u’dkina mo mmota moŋkush ma ’cesh yan mo ki a’diyin jin midi gam gwo is e aha/ mo tani midi diki ṯikir di mo e mondhurumi’d mo be.

YOHAAN 5:44

Ba gwo mina umi mish gam is kata mo? um kun buthi monyca ka rem ’kup̱ mo dhali ’koki ŋap̱ monyca jin p̱u’dki’d ’peni Arumgimis jin di’d ṯal ’de/ mo?

YOHAAN 7:17

Waḵki/ wathiŋ kamu/ ona bwa ki mii bwam piti mo tani a’di midi mish mo mo waḵki/ gwo jin ṯoru ta jim ma Arumgimis mo walla waḵki/ aha/ ṯora gwo ki moshirr pem gana/ mo be.

YOHAAN 7:7

’Kwaniny’cesh ’koki shi/ umi e mo, hili uni shi/ki aha/ i e mo haali/ aha/ ṯorkina uni gwo ki miim buni kun miikina uni mo tani ta thus ki thus mo be.

YOHAAN 8:12

Doḵ/e Yesus ki ṯor uni gwo mo mmo/o ki: Aha/ tana moŋkush gi ’kwaniny’cesh mo be. A’di jin midi baṯẖ aha/ nsho’k mo tani midi diki ya e mondhurumi’d mo. Hili a’di midi ta gi moŋkush gi mondiki/e mo be.

YOHAAN 9:5

Me’d jin dika/ e mony’cesh yan mo tani aha/ tana moŋkush gi ’kwaniny’cesh mo be.

RUUMIYA 1:32

Bala ki uni mishki gwoŋḵan ma Arumgimis mo ki uni gun miiki to gwansan mini gam ’pemen jin ta ku gi mowu mo tani uni yisa mii uni jasi uni ’cena ki is buni yisa, hili uni ṯeski mii mo ki unin tiya kun boṯkin ki mii si’da/ mo be.

RUUMIYA 2:8

Hili anyor midi di mo dhali mo jin ḵa/aḵa/ si’da/ mo gom uni gwansan kun ta ibiriŋ gwo mo dhali kun ush gwoŋ gana/ ha e mo mmomii mo hili uni ha gwon ton thus e mo mmomii mo be.

TASALUNIIKI SU/ 2:12

Wakan ki uni ’baar mo minu waḵ mo, uni kun ’koki gam gwoŋ gana/ is mo, hili uni ’kola ’ce mo e momii mii kun ’koki ta kuŋ ḵar/e mo.

BUṮERUS ’DE/ 2:8

dhali Wosh jin midi dhu ’kwani mmokol mo, dhali wosh jin midi dhu uni mmoṯa’k mo, haali/ uni golkunu mo haali/ uni ’koki ha gwo e mo me’d jin ’kawurkunu uni mo mmomii mo.

BUṮERUS SU/ 3:3

Nṯwa/a/ ka ris to ’baar mo tani um mini mii mish gwo yansan ’ban mo ki uni kun tana maḵ ka maḵ mo mini p̱u’du/ ka tee kuŋ ’ko’d mo ka maḵ buni mo mmobaṯẖ en’dap̱ gana/ kun dhuna uni e ki ’thir ’thir mo